ابي نصيحتكم ياطلاب امريكا لمرحلة الماستر

السلام عليكم اخواني ابختصر عليكم الموضوع انا كنت مبتعث عام 2010 شهر 7 في ولاية وايمنغ مدينة لاارمي وقبل طلوعي كنت منتسب بالجامعة وقاطع في الجامعة سنتين ونصف تخصص ادارة اعمال

المهم طلعت امريكا جلست 4 شهور وتعبت صحيا ورجعت السعودية وقعدت اعالج وسويت 3 عمليات المهم ارفقت التقارير الطبية وتمت الموافقة لعودتي للدراسة في شهر 7/6/1433هـ وكان هاذا رد

اللجنة نصاً (الموافقة على استئناف الطالب لدراسته في امريكا في نفس جامعته الحالية وتخصصه الحالي، شريطة ان لايبدأ عليه الصرف الا بعد بدء الدراسة والتأكد من انتظامه، مع استيفاء ماصرف عليه خلال فترة مغادرته لمقر البعثة دون علم الملحقية ).

طبعاً واثناء تواجدي في السعودية كملت دراستي وتخرجت هالترم ولله الحمد وخلصت البكالوريوس ، رحت يوم الاربعاء الماضي 30/7/1433هـ وقابلت ميدر عام البعثات الدكتور الفوزان وشرحت له الوضع

وقلت له اني ابي اسوي ترقية للبعثة للماجستير وقال لي يااخوي انت خذيت الشهادة في السعودية فماتستطيع انك تسوي ترقية للبعثة ولاكنك تقدر تسوي طلب تغيير لمرحلة الدراسة من بكالوريوس الى

ماستر لانه متبقي في بعثك ثلاث سنوات ، قلت له طيب وش الحل قال لي اكتب خطاب انك تبي تغير المرحلة للماستر واشرح الموضوع وارفق الاوراق كتبت الخطاب والاوراق وشرح على الخطاب وقالي

باذن الله بتتسهل الامور انا بحول المعاملة للدكتور العبداللطيف مساعد مير متابعة المتبعثين وبعد 5 ايام عمل يجيك الرد وان شاء الله خير ، فيا اخواني انا محتار ماودي ارجع امريكا انا جيت في ولاية

صغيرة وباردة وثلوج بالاضافة للمعهد السيء els فالان لوفكرت ارجع امريكا وضبطت الامور ووافقت الملحقية وش تنصحوني ادرس اللغة في اي معهد لاني ابي معهد يطورني لاني ضعيف جداً

وابي ولاية مناسبة اسعارها مناسبة وجوها معتدل مب ثلوج تروع وهل فيه جامعة ممتازة تعرفونها اقدر اكمل على نفس تخصصي تسويق ، محتاج توجيهكم بولاية جيدة ومعهد وجامعة كويسة

وين تنصحوني ويفضل لويكون المعهد تابع للجامعة ودمتم بود.