هل البعثات سوف تغلق ابوابها؟ !

بسم الله الرحمن الرحيم


السلام عليكم ورحمة الله وبركاتة



طبعا انا عشان يمدحوني في المقدمات بدخل صلب الموضوع


حبايبي هل صحيح البعثه في طريقها الى الاغلاق !!

هل صحيح ان البعثه ستغلق قريبا ؟؟ هل صحيح ان البعثه كل يوم تزداد سوء في طرق الضم !

شباب انا خايف جدا من الكلام الكثير الي جالس يطلع ان البعثه ستغلق في رمضان

انا الحمدالله هذي السنه تخرجت من الثانوي وجهزت جميع اموري الى ايداهو ( امريكا )

تاريخ 22 اغسطس في ناس يقولون اذا رحت ما بتنضم لان البعثه ستغلق في رمضان !!

هذا الكلام من رمضان اللي راح . ولد عمي سافر لامريكا وفتح ملف بالملحقيه واحد الاشخاص

قاله استعجل في اوراقك قريب البعثه توقف

وانا خايف والله يا شباب اروح برا ادرس تضيع فلوس وتضيع سنه من عمري عالفاضي من دون ما يضموني

وارجع للسعوديه وانا متحطم !!

تكفون يا شباب الي يقدر يفيدني بالموضوع يتكلم الله يسعدكم جميعا


ملاحضة : طبعا انا ما اتكلم على طريقة الضم من السعوديه الي هي تجيب بالقدرات والتحصيلي 80 وكذا .. انا اقصد تسافر للخارج ويضمونك وشكرا

اللي اعرفه يعتمد على درجاتك وغيابك يعني ممكن تنضم من اول 3 او 4 شهور

وجهة نظر الابتعاث الان أفضل من ذي قبل

وعن إيقاف الابتعاث إشاعة لا مصدر له من الصحة

اقتباس:

---

المشاركة الأصلية كتبت بواسطة مبتعث باذن الله""

اللي اعرفه يعتمد على درجاتك وغيابك يعني ممكن تنضم من اول 3 او 4 شهور

وجهة نظر الابتعاث الان أفضل من ذي قبل

وعن إيقاف الابتعاث إشاعة لا مصدر له من الصحة

---

الله يسعدك حبيبي ويطمن قلبك .. بس يا غالي والله هذا كلام المبتعثين هناك .. وفي اكثر من واحد يقول يا ليت الي يقدر يجيب خبر اكيد اكون له شاكر :(

للرفع شباب بليز

اقتباس:

---

المشاركة الأصلية كتبت بواسطة الله يكتب الخير

للرفع شباب بليز

---

حتى انت شكلك محتار معي الله يعيننا اجمعين

كلام فاضي كعادته .. كل سنة يجيك واحد يتفلسف ويقولك مافي ضم قفلوه .. لا خلاص هذه اخر ضم ..
اخوي تعرف شروط الانضمام ؟ شروطها ترا محطوطة من زمان .. بس الناس ما تمشي على القوانين ويزعلون!
شروط الانضمام انك تدخل بتخصص وجامعه معترف بهم وتخلص اول 30 ساعة ( يعني اول سنة) بمعدل معين نسيته
ولكن هذا لا يطبق .. اللي يطبق انك اول ما تدخل جامعه تضمن دخولك الابتعاث ... بينما كثير ناس دخلوا سابقا بانهم عدوا اكثر من ليفل بالمعهد وانضموا
فالشغلة وما فيها هي عبارة عن حظ واشتهاد .. يعني ممكن لما تكون مبدع من اللغة تنضم .. ولكن مو اكيد .. انما اذا جبت قبول جامعه فباذن الله انك مقبول
نصيحة : لا تسمع لاي خزعبلات حقت الابتعاث لان 99% منها اشاعة مالها لا مصدر ولا صحة

برررد الله كبدك واسعدك طول عمرك وجعل قلبك مطمئن باذن الله طول العمر الله يسعدك

قبل ثلاث سنوات قبل ما اجي امريكا قالو خلاص الانضمام قفل

وجيت امريكا وانضميت وانظم معي ٥٠ الف طالب

فا لا تسمع اشاعات ناس ماعندها سالفه الالتحاق ماراح يتقفل لانه جاي بامر ملكي

لكن الملحقيه تبي تتااكد ان الطالب جاد بدراسته وجايب قبول وقاعد يمشي بالمعهد
واتوقع هالشي معقول ماطلبو شي كبير

موفق اخوي،

يارجال تعال وتنظم وخل عنك الخرابيط الي يقولونها
الشباب الي عندي بالمجمع ما كملوا شهرين وانضموا
مدري اذا عندهم واسطة او لا بس تعال ولا تفكر باحد
بالتوفيق

شكرا جميعا الله يسعدكم