لخبراء التقديم على المعاهد ،،واجهتني مشكلة وأريد منكم الحل

بسم الله الرحمن الرحيم
السلام عليكم ورحمة الله وبركاته
رمضانكم مبارك ، وأعاننا الله واياكم على صيامه وقيامه

أنا معيدة في الجامعة ، وراح أروح بعثة والمرافق أخوي

اللي حصل لي إني قدمت على معهد جامعة بنسلفانيا(upenn) وأرسلوا لي بأنه تم القبول وراح توصل أوراق قبولي خلال الاسبوع الجاي
لكن لما قلت لهم المرافق أخوي وابيه يدرس معي بالمعهد قالوا هذا ليس مرافق ولازم هو يقدم على آي توني لحاله ويدرس فول تايم !

1- الآن أوراق المحرم راح تخلص من السفارة حتى لو ماقبلوه المعهد؟

2-بداية دراستي بـ يناير , كيف أحصل لأخوي مقعد بالمعهد .. أحجز له أو أتواصل مع السفارة أو كيف ؟

تكفون ارشدوني مستحية من أخوي بيترك وظيفته على أساس انه راح يدرس معي ..

أختكم

اخوك اذا يبي يدرس ارسلي لهم مرة ثانية مع شهادة بنكية له هو واطلبي منهم قبول له
هم ماهم دخل اذا بيجي معك مرافق اولا
وتقدمين له على فيزا f1
وان شاء الله يجيك اللي يفيدك اكثر مني

اختي الحين اذا قدمتي لاخوكي في السفاره مرافق فقط* ماراح يقدر يدرس دراسه كامله يقدر بس يدرس بارت تايم part time
لكن اذا بتقدمين له فيزه دراسه فلازم تجيبيله ضمان مالي للمعهد من البنك اللي يتعامل معاه ويقدم فيزه نفس اللي معك F1 والملحقيه ماراح تدفع رسوم دراسته عشان كذا يقدم اول مايوصل على الابتعاث

واي استفسار انا تحت امرك
ورمضان كريم والله يباركلكم فيه

الاخ لا يعتبر مرافق في انظمة الهجرة الامريكيه .. المرافق هو الزوج ( او الزوجة) والابناء وهم لهم الحق في الحصول على فيزا F2

اخوك اما انه يجي بيفزا سياحيه او يجيب قبول لغة ويطلع فيزا طالب .. والمعاهد غالبا ما ترد احد .. بيحصل قبول معك

هو وظيفته بالتعليم العام (معلم) ومايقدر يروح معي إلا بعد تقديم اجازة استثنائية كمحرم (بدون راتب)كيف أجيب له ضمان بنكي وهو ماله راتب؟أنا أبيه يدرس بارت تايم على حساب البعثة، هل هذا ممكن؟ وكيف طريقته ؟واشكركم على الردودعسى ربي يفرجها لكم

اقتباس:

---

المشاركة الأصلية كتبت بواسطة MHMS

هو وظيفته بالتعليم العام (معلم) ومايقدر يروح معي إلا بعد تقديم اجازة استثنائية كمحرم (بدون راتب)كيف أجيب له ضمان بنكي وهو ماله راتب؟أنا أبيه يدرس بارت تايم على حساب البعثة، هل هذا ممكن؟ وكيف طريقته ؟واشكركم على الردودعسى ربي يفرجها لكم

---

1- لازم يدرس دوام كامل فيزا اف ١ هو بالنسبالك انتي محرم فقط في الانظمه الامريكيه راح يطلع كطالب.
٢- الي يقصدوه انك تجيبي كشف حساب بنكي عشان تلحقي الوقت وتجيبي ليه قبول من المعهد عشان يطلع معاكي بمجرد مااتقدرمي اوراقك الملحقيه هم راح يعطوه الضمان الي يدرس بيه وعلى حسابهم
اما ان يدرس بارت تايم مااقد سمعت الا اذا زوج

اقتباس:

---

المشاركة الأصلية كتبت بواسطة الامورة

1- لازم يدرس دوام كامل فيزا اف ١ هو بالنسبالك انتي محرم فقط في الانظمه الامريكيه راح يطلع كطالب.
٢- الي يقصدوه انك تجيبي كشف حساب بنكي عشان تلحقي الوقت وتجيبي ليه قبول من المعهد عشان يطلع معاكي بمجرد مااتقدرمي اوراقك الملحقيه هم راح يعطوه الضمان الي يدرس بيه وعلى حسابهم
اما ان يدرس بارت تايم مااقد سمعت الا اذا زوج

---

يعطيك العافية
كشف حساب بنكي لحساب أخوي أو حسابي ؟؟

انتظر الرد الله يوفقكم

مو كشف حساب .. المطلوب شهادة بنكيه باسم اخوك او اي شخص اخر ( اخ اب صديق) انه في حسابه مبلغ معين ( تكاليف الدراسه + المعيشة ) لمستوى واحد في المعهد او ممكن تسألون المعهد كم يبغى المبلغ يكون في الشهادة..
وفي النموذج حق التقديم على المعهد يوقع الشخص اللي باسمه الشهادة على اساس انه بيدفع التكاليف .. طبعا هذي كلها شكليات عشان يحصل اخوك قبول .. ما راح يترتب اي شي عليها .. الشهادة البنكية مجرد ايضاح من البنك ان فلان في حسابه المبلغ الفلاني ولا يتم الحجز على المبلغ..

واذا جا القبول يقدم على فيزا F1 واذا وصلتوا امريكا اطلبوا ضمان مالي من الملحقية وراح يعطونكم واعطوه للمعهد وبس

وما يقدر يدرس بارت تايم الا اذا فيزته F2 ومستحيل يعطونه فيزا F2 لاني زي ما ذكرت في ردي السابق انها ما تعطى الا للزوج او الزوجة والابناء

ما ادري عن وضع الفيزا السياحية كيف يتعامل معها المعهد وهل ممكن يخلونه يدرس بارت تايم والا لا.. لكن مشكلة الفيزا السياحية انه ما يقدر يقعد اكثر من ٦ شهور .. لازم يطلع برى امريكا ويرجع .. يعني يطلع كل ٦ شهور

ما قصرو الشباب بس حبيت (( احاول )) اوضح الامور بشكل اسهل و الله يوفق :

اما عن نوع الفيزا فقدمي له فيزة اف 1 لأنه يظهر من كلام الجماعه ان اخوكي ما يُعتبر مرافق ( بالنسبه لأنظمة الهجره الامريكيه ) --ولكن ما يمنع انك توظحين الشيء هذا للسفاره الا بالعكس انصح بأنك توظحين الشيء هذا عشان تتيسّر اموركم جميع الله ييسر لنا اجمعين. و للمعلوميه (فقط للمعلوميّه) فيه انواع معاهد ما تستطيع انها تدرّس الا الطلبه اللي يحملون فيزة اف 1 ... و فيه معاهد اخرى تستطيع انها تدرس الاف 1 و اللي يحملون الفيزا السياحيّه ... يعني على حسب تخصص المعهد ( او بالاصح على حسب موافقة الحكومه الامريكيّه لترخيص المعهد) و يظهر ان اليو بن ( جامعتكي) ترخيصهم على الاف 1 بس ...

بكذا نتوكّل على الله و قدمي لاخوكي على اف 1 في السفاره ... و عن كشف الحساب عندك نوعين ... اما تجيبون لاخوكي كشف حساب باسمه ( و هنا خليه يحرص على السبلنق حق اسمه عشان اغلب البنوك ما يكتبونه بالانقلش فخليه يلازم الموظف اللي راح يطبع له الحساب انه يعدّل الاسم و يختم على الكشف ...

والحاله الثانيه تجيبون اي كشف حساب ثاني ( و يستحسن احد قريب ) مع ورقه خارجيه تظمن ان صاحب الحساب مستعد يتكفّل بجميع مصاريف اخوكي الدراسيّه ,,, هذي طبعاً كما ذكرو الشباب مجرّد شكليات ... (( نسيت ما اقول : اللي اهم من كشف الحساب واللي هو الزبده تقولون للبنك يعطيكم ورقه افاده بان الحساب الفلاني -حساب اخوكي او من يتكفل به- يوجد فيه المبلغ الفلاني فقط لا غير )) ... طبعاً المبلغ المطلوب يفيدونك فيه المعهد .. بعظهم يطلب الف بعظهم يطلب عشره ...

ترسلين كشف الحساب مع الاوراق المطلوبه للمعهد و تقدمين له مثل ما قدمتي لنفسك , و استعجلي عشان تجيكي الاي تونتي حقته عشان تروحي لموعد السفاره و اذا كانك قدمتي للسفاره من اول على نوع اف 2 لاخوكي ما فيش مشاكل ابداً ... في المقابله اشرحي لهم الوظع بشكل بسيط ان المعهد ما رظى يقبله بفيزة اف 2 و نبغى له اف 1 و هذي الاوراقو الاي تونتي و قوليها لهم وانتي قايله كذا (:))

عاد بعدما تجون هنا باذن الله يكون تفتحون ملف و تظيفين اخوكي كمرافق و بعد ما تمشي معاملتكم لفه وحده و تنقبل قدمو على طلب ابتعاث مرافق و يجيكم القرار و باذن الله ياخذ اخوكي الدكتوراه و يصير يدرّس باحسن الجامعات والله يعينكم عليه اذا صار دكتور و كبر راسه عليكم :)

و كل عام و انتم بخير ..

- - - مشاركة محدثة - - -

الله المستعان والله ماعندي علم

السلام عليكم

الله يجزاكم خير شرح واضح جدا
لكن عندي سؤال

اذا قدمت لاخوي فيزا اف١ ومشت اموره ووصلنا امريكا
وفتحت له ملف مرافق مبتعثة ، هل لازم أغيرها الى فيزا اف٢ ؟؟ وهل الملحقية راح تدفع لاخوي تكاليف الدراسة وراتب مرافق ؟؟

أو لازم يقدم ع ابتعاث ؟ بس عمره فوق ٣٠ مايسمح !

افيدوني عاااااجلا
لاجل مااتوهق

الرجاء الرد عاجلااا

ابغى احجز موعد بالسفارة \ ومتخوفة انه تصير تعقيدات بتحويل الفيزا من اف 1 الى اف 2