السلام عليكم
انا كلما أدفع في Dept card البنكية حقتي في مكينة الدفع , تجيني رسالة تبي كاش باك والا لا , وانا احط لا علطول لأني ماعرف ايش هذي !!
فيه أحد يوضح لي معناتها ؟
أشكركم ..
عرض للطباعة
السلام عليكم
انا كلما أدفع في Dept card البنكية حقتي في مكينة الدفع , تجيني رسالة تبي كاش باك والا لا , وانا احط لا علطول لأني ماعرف ايش هذي !!
فيه أحد يوضح لي معناتها ؟
أشكركم ..
وعليكم السلام ورحمة الله وبركاته ..
بالنسبه للكاش باك ..
هي عملية سحب من رصيد حسابك عن طريق استخدام بطاقة في دفع مشترياتك .. والمبلغ المسحوب يدفع لك كاش عن طريق الكاشير ..
فمثلا .. قول أنك اشتريت من احد المحلات بقيمة 20 دولار .. ودفعت بالديبت كارد حقتك .. وقالك تبي كاش باك .. قول أنك حطيت الكاش باك 20 دولار ثانيه ...
راح تكون قيمة العملية الكليه 40 دولار مسحوبه من حسابك ..
وراح يعطيك الكاشر 20 دولار كاش ..
هي نفسها نفس لما تسحب الفلوس من الصرافه .. لكن الفرق أن الكاش باك له حد معين واكثر حد شفته هو 40 دولار ..
وايضا مبلغ الكاش باك اللي سحبته يضاف تلقائيا مع عملية الشراء .. (يعني بسجل العمليات حق البنك راح تشوف المبلغ الاجمالي قيمة المشتريات + قيمة الكاش باك) ...
كعملية شراء واحده ..
بعكس الصرافه تسجل كعمليه منفرده بسجل العمليات اللي بالبنك ..
بإختصار .. استخدم الكاش باك اذا ماكان معك كاش .. وكنت تبي كاش بمبلغ بسيط .. وهذا يوفر عليك الوقت والجهد من الذهاب للصرافه علشان تاخذ 40 دولار مثلا ..
أتمنى أني اوضحت لك الفايده منها ..
هذا والله اعلم ..
اخوي اذا حطيت نعم بيطلع لك كذا خيار عن المبلغ اللي تبيه
مثلاً حطيت نعم وبعدين اخترت ٦٠ دولار راح يخصم من بطاقتك قيمة المشتريات حقتك بالإضافه الى المبلغ اللي طلبته وبعد مذا الكاشير يعطيك ال ٦٠ دولار كاش
مدري حسيت اني طولتها وهي قصيره لكن اذا ما فهمت علمني علشان ارجع اشرح ثاني مره :)
فهمت عليكم ,,
يعني مجرد ان الكاشير يكون كأنه مكينة صرافة , يعني يخصم من رصيدي ويعطيني قيمتها كاش ..
انا فكرتها لها دخل بالمكافأت , يعني البنك يحسب لي عن كل عملية شرائية فرضاً 1% تجيني منها فلوس كهدية مكافأة .. << مثال
أشكركم ..
زين .. أخيرا فهمت
والله اني كل مرة NO ولا ادري ايش السالفه
جزاكم الله خير
الكاش باك ماهي خدمة لوجه الله عليها رسوم سحب
حركة ذكية من المحلات , انا ماشفتها الى في وول مارت
فيها نسبة اخوي ! مرة رحت لكاشير وقالي ترانا ناخذ عموله بعدين ! بس قالي اغلب المحلات ما تقولك وتخليك تحسب انها مجانا
الكاش باك كأنك تستخدم الكاشير كمكينة صراف ..
يعني بدل ما تشتري مقاظي بعدين تطلع و تمر صراف و تصرف كاش يكون تسويها كلها عن طريق كاشير المحلات ...
بعضهم ياخذ فلوس وبعظهم لأ ... تقدر تسأل تقول
do you charg for cash back ?
و يعلمونك ... بعظهم مجاني يقدموها خدمه للعملاء لغرض كسب الزبائن.
رد رقم اثنين طول السالفه خخخخ
ياخي كلها اذا بغيت كاش وانت مامعك اكتب يس وحط الملبغ اللي تبيه ويخصمون المبلغ من حسابك ويضيفونه على الفاتوره والحد الاقصى لها 200 دولار
وبالنسبه للشباب اللي يقولون انهم ياخذون عموله راجعوا معلوماتكم تراكم فاهمين الموضوع غلط او احد قص عليكم لاني اخذ كاش باك للتب احطه احتياط معي في البوك كل اسبوعين تقريباً
خلاص , انا بجرب بنفسي وبشوف ياخذون رسوم عليها والا لا ,,
بروح وول مارت وبشوف ..
الكاش باك
ماحطوها لسواد عيونك خايفين على انفسهم
بالنسبة للرسوم ماادري
بس بعض المرات تسحب الرسوم اخر الشهر يعني تتراكم عليك واخر الشهر تسحب وممكن تسحب مباشرة ماعندي علم بالضبط
اللي ابي اوضحه ان الهدف من الكاش باك
اصحاب المحلات في امريكا يحاولون قدر الامكان ان الفلوس الكاش تكون اقل مايمكن في المحل
عشان تلاحظ اغلب السوبر ماركات موفرين عليك انت تحاسب نفسك بدون كاشير تسعر اغراضك وبالبطاقة تدفع وتمشي
يعني الفكرة اذا طبيت بتسرق محل ماتحصل المبلغ اللي يبيض الوجه هههههههههههههههه
وبالتوفيق للجميع
ما قصروا الشباب شرحوا لك وموجود في أغلب السوبر ماركتس
أنا لا أستخدمها نهائياً لأن كل عملياتي بالبطاقه ما أشيل كاش نهائياً