معاناة التوصيااااااات وطريقتها ... بليييييز ساعدوني

السلام عليكم ورحمة الله وبركاته ... مساكم الله بالخيرات

عندي كم سؤال عن التوصيات في التقديم على الجامعه ،، لاني سمعت ناس يقولون انه لازم التوصيه تكون برقراف وناس يقولون ان الجامعه الاجنبيه نفسها هي تعطيك توصيه من عندها ولا تقبل اي توصيه خارجيه وناس يقولون عطهم ايميل الدكتور اللي درسك وهم يراسلونه و ............

وانا احترت مدري وش اسوي :wacko:

للي قدم توصيه للجامعات و قبلوا التوصيه ( كيف طريقة التوصيه برقراف والا جدول ؟؟؟

او اعطي الجامعه الاجنبيه ايميل الدكتور الموصي لي وهم يراسلونه ؟؟؟ >> كذا اريح شي بس اخاف مايرد عليهم :( )



ياريت تفيدوني ضروري بليزززززززززز

تكفون ساعدوني

مثل ماكنتم محتاجين اجوبه للاسئله المشابهه لاسئلتي في فترت التوصيات انا برضو محتاجه لهذي الاجوبه واكيد فيه ناس مثلي محتاجه لاجوبه ...

الله يوفقكم افيدوني وجاوبوني .....

التوصيه تروحين عند الدكاتره اللي درسوك في مرحلة البكالوريوس ويفضل انك جايبه عندهم B وطالع وهم راح يكتبون لك ان فلانه كانت طالبه عندي في السنه الفلانيه بالماده الفلانيه وحصلت على درجة كذا وانها طالبه مجتهده ... الخ

ومن هالكلام وبعدين يكتب اسمه وايميله ويوقع وتختمينها من عمادة الكليه وانتهينا

طبعاً معظم الجامعات يطلبون 3 توصيات ولازم تكون باللغه الانجليزية

وموفقه اختي

مشكور اخوي ماقصرت

لكن ماعندك خلفيه عن طريقة اعطاء الجامعه الايميل وهم يتفاهمون مع دكتورتي ؟؟؟

عزيزتي تختلف من جامعة لـ اخرى
فيه جامعات معقدين في مسألة التوصيات ويطلبوا انها تكون نسخ اصلية وفيها ايميل الدكتور وعلى شكل برقراف وفي ظرف مغلق ومختوم ..... الخ
وفيه جامعات اساسا ما يطلبوا منك توصيات !!!!!!!!!!!!!!!!!!!!!!!!!!!!!!!!!!!!!!!!!!!!!!!!!
توصياتي مجدولة ولقيت جامعة تقبلني
وجامعة ثانية تعتبر من الجامعات التوب في امريكا تقبل توصيات من اساتذة معهد اللغة اللي تدرسي فيه
فـ يختلف من جامعة لـ الثانية انتي دوري كويس وتلقي الجامعة اللي تقبلك بنوع التوصيات المتوفر عندك

نسيت اقول لك
ترى توصياتي ما كان فيها ايميل الدكاترة اللي درسوني :D

انا قدمت توصياتي ... نسخ طبق الاصل

ارسلتها لهم .. و عادي قبلولها

طبعا قبل ما اجي امريكا اخذت لي عده توصيات

موفقـــه

انا عني راسلت كم جامعه وطبعا رفضوا توصياتي ...اخذت توصيات من مدرسين معهد مررررررررررررررره كويسه وتمشي في جامعات امريكا...

وانا نفس الشي

جبت ٣ توصيات بالانقليزي على شكل براقراف وتحت فيه اسم الدكتور ورقمه وايميله ومختوم
ورحت سويت منها عشر نسخ وبرضو رجعت ختمتها ختم اصلي


والظروف أخذت عشر ظروف مفتوحه بس مختمه ويوم قدمت للجامعه حطيت كل توصيه بظرف وسكرتهاااا
وقبلووووها بصدر رحب

انا التخصص الي ابغاه في هذي الجامعات كولومبيا-هارفارد-بوردو-تكساس في سانتياغو-تكساس في هيوستن-كلوفونيا-شيكاغو- وجامعة كنتاكي- مينسوتا-ويسكونسن-ناشفيل-اوكلاهوما-وتوليدو اذا منكم حد يعرف وش الجامعات الي قبولها سهل وشي اللي القبول فيها معقد يخبرني الله يجزاكم خير وانا ماعندي الى توصيات على شكل جدول وحاطة في بالي جامعة توليدو

توصياتي كانت جدول ومافيها ايميلات وعادي قبلتها الجامعة .. بس وانا اقدم فيه جامعات كانت تطلب ايميل ..
فاعتقد تختلف من جامعة لاخرى ..

اقتباس:

---

المشاركة الأصلية كتبت بواسطة Muslimah

توصياتي كانت جدول ومافيها ايميلات وعادي قبلتها الجامعة .. بس وانا اقدم فيه جامعات كانت تطلب ايميل ..
فاعتقد تختلف من جامعة لاخرى ..

---

انت باي جامعة .......

مشكورين اخواني الاعضاء على الردود اللي تثلج الصدر وتطمن القلب الله يجعلها في موازين حسناتكم ياااااارب

على كذا احتياطا لأي ظرف طاريء راح اجيب 3 توصيات على شكل برقراف واسوي منها كذا نسخه واحطها بظروف واختمها وان شاءالله تمشي معي ...

الله يجزاكم الف خير ..

من نفس الجامعه الي درستي بها

اقتباس:

---

المشاركة الأصلية كتبت بواسطة moooooooooooony

انا التخصص الي ابغاه في هذي الجامعات كولومبيا-هارفارد-بوردو-تكساس في سانتياغو-تكساس في هيوستن-كلوفونيا-شيكاغو- وجامعة كنتاكي- مينسوتا-ويسكونسن-ناشفيل-اوكلاهوما-وتوليدو اذا منكم حد يعرف وش الجامعات الي قبولها سهل وشي اللي القبول فيها معقد يخبرني الله يجزاكم خير وانا ماعندي الى توصيات على شكل جدول وحاطة في بالي جامعة توليدو

---

اختي جامعة توليدو قبولها سهل .. فإذا كان تخصصك موجود في الجامعه توكلي على الله وقدمي عليها

والله يكتب لك اللي فيه الخير ان شاء الله