Aug 27,2012 عاجل (تحديد مصير إما البقاء أو العودة)

السلام عليكم ورحمة الله وبركاتة

إستفسار لذوي الخبارت ..؟!

طلبي (طلب إلتحاق بالبعثة) وصل إلى وزارة التعليم العالي وبعد أن تعدى اللجنة و طباعة توصية اللجنة وصل إلى مرحلة تسمى
إظهار نتيجة القرار !

1/هل معنى ذلك انه تمت الموافقه على البعثة بنائا على مرور الطلب مرحلة تقييم اللجنة و طباعة توصية اللجنة دون الرفض ..؟
المشكلة التي تواجهني أنه لم أكن متوقع ان الملف سيصل إلى مرحلة (إظهار نتيجة القرار) وعلى ذلك فقد حجزت عودة في تاريخ Aug 27,2012
وأيضا طلبت اجازه من المعهد لمدة شهرين , لأني أكملت ثلاث شهور دراسة متتالية فسمحوا لي بذلك.
2/هل إذا تمت الموافقة على البعثة قبل أو أثناء وصولي إلى السعودية ستكون هنالك مشكلة؟ (أعني انه سيتم الرفض بسبب عودتي إلى السعودية)
3/ وهل هنالك طريقة غير ان أأجل الرحلة ..؟!

* سبب عدم تأجيلي للرحلة أنه قد سبق تأجيل الرحلة منذ قبل .
* والسبب الرئيسي انه لا أعلم ما إذ سيتم رفض الطلب أم قبولة .!؟ ولدي كلية بالسعودية وستبدأ في Sep 1,2012

عذراً على الإطالة ..

والله وانا اخوك

ما اتوقع فيها مشكلة اذا رجعت السعودية واذا تم ابتعاثك ترجع لامريكا ,,, مع العلم اذكر واحد من اخوياي قدم ع البعثة ورجع للسعودية مباشرة يعني ماتم ولا شهر ورفضو الطلب

ففحالتك ما اتوقع انه بيسير شي ان شاء الله (لكن لا اضمن لك)

ومن ناحية القرار النهائي الله اعلم بس اكثر اللي يمرون بمرحلتك يبتعثون

اخوب لا تضمن اجوبتي لانها من تجارب بعض الناس ,,, يعني يمكن تصيب معك ولا تخيب ,,, والله اعلم

اتوقع ان النتيجه القبول والعلم عند الله

نصيحتي لك اجلس علشان لو صار فيه الحاق وانت راجع ولا عندك اي توني ترجع فيه امريكا فراح تتورط ولا تقدر ترجع .. انت الله يهديك تسرعت بالقرار لكن الله يعوض عليك ان شاء الله

والله وانا اخوك ماراح افتي لك بالموضوع .. ولا احد يقدر يفيدك اكثر من الملحقية نفسها ..
لكن صديق لي قبل كم اسبوع وصلت اوراقه للوزاره وتم قبوله وكل شي ..
وفي خمسه رمضان راح للسعوديه اجازه بس يكمل رمضان ويرجع بعد العيد ..
فبعد وصوله الى السعوديه بثلاث ايام تفاجأ برساله من الملحقيه مفادها ان طلبه تم ايقافه وان ملفه اغلق بسبب أنه سافر للسعودية ..
ولما كلمهم وخبرهم انه بس اجازه رسميه من المعهد .. قالوله لابد لرافع الطلب ان يكون في امريكا حتى يتم الحاقه بالبعثه ..

ووكمل بس اسبوع عند اهله ورجع لامريكا لهالسبب .. ولا ادري وش صار عليه الان ...


فانا اخاف أنه ترجع للسعودية وبعدها يصير فيك مثل ماصار فيه ..

واما بالنسبه للحجز .. فبإمكانك أنك تكنسل الرحله كامله وتسترجع فلوسك ... ( هذا اذا كان الحجز باقي فعال الانشورانس حقه ) ..
واذا ماتعرف كلم الشركه اللي حجزت عندها وعطهم رقم الحجز واسألهم اذا تقدر تكنسل الرحله وتسترد المبلغ .. واستفسر منهم ..


هذا والله اعلم ..

بعضهم ما يقولوا لهم شي و البعض يكنسلوا عليهم طلب الالحاق

انصحك تنتظر فـ امريكا لين يطلع الخبر اليقين