عرض للطباعة
السلام عليكم ورحمة الله وبركاته انا مبتعث جديد وجاتني فرصه ادرس يا في امريكا او بريطانيا والاختيار بقوله لهم بكره الاحد ضروري
يعني ولا تهونون وش الافضل من ناحية الامان + انك تخلص بسرعه وماتحس بالملل
لاني سمعت من شباب انه الدراسه في بريطانيا 4 سنين وامريكا 5 سنين فياليت احد يوضحها لي او اذا هي غلط يعلمني شنو الصح
وسمعت انه بريطانيا وقت الشتاء تكون كئيبه جدا وفيه اوقات الشمس تشرق فتره بسيطه وترجع الظلمه
وفيه اساله ماتحضرني الان لكن مستني اجاباتكم لحد ما اتذكرها
وعليكم السلام ورحمة الله
آتمنى احد يفيدك آكثر ، لكن رآيي الشخصي آفضل بريطانيا قبولاتهم آسهل من امريكا والمواضيع بالنسبة لي ببريطانيا مشت اسهل مع انها اغلى
استخير ورشح لنفسك جامعتين من كل مكان واقرآ عنهم وعن المدن واختار وتوكل ، ارجع واقول قبولات امريكا اصعب وابطآ
اذا تقصد اماااان ؟
طبعا بريطانيا أأمن من امريكاااا بمراااحل
لان امريكا قانونيا عادي اي شخص يشتري سلاح ويمشي فيه بالشوارع بس ببريطانيا لا ممنوع
فعادي جداً تسمع بأمريكا وبمدينتك خبر اطلاق نار في شارع معين وعدد الضحايا مدري كم لانها صارت في مدينتي مع انها تعتبر من أأمن ولايات امريكا لأسف وفي صاله سينمااااااا !!!!!
عدد سنوات الدراسه
صحيح بريطانيا ٤ ماعدا بعض الأقسام ممكن تكون خمس سنين ونفس الشي امريكا
الوناسه
مدري انا اخوي درس ببريطانيا ومبسوط وانا بأمريكا ومبسوطه
بس الفرق احسه بشيئين اثنين
١- امريكا افضل من بريطانيا بشعبها البشوش الرايق المبتسم الي لو تجيك مشخه شالوك وركضوووو فيك ويعطووون وجه ويتحملون لغتك المكسره ويشجعونك ويتفهمون انك غير ناطق بالانقليزي ويتكلمون بوضوح معك
اما في بريطانيا أنسى هالشي يصييييير !
٢- بريطانيا اقرب جغرافيا للسعوديه من امريكا تقريبا اقرب بأقل من نصف المسافة يعني الإجازات ام أسبوعين تنفع انك ترجع فيها للسعوديه بس في امريكااااااااا أنسى
أنا درست ببريطانيا وحالياً أدرس في أمريكا.
على كثر ما يمدح الناس امريكا وأهلها، أقول: ما أدري مين سوّق لهذي الفكرة.
بريطانيا عندي أفضل من أمريكا، قبولات أسهل، دراسة أسهل وأقصر في جميع المراحل، اهتمامهم بك كطالب أجنبي أكثر بكثير، آمن بكثير من أمريكا، أقرب للسعودية، ما فيه فرق كثير في الأسعار أبداً (ما عدا المدن الكبرى هنا وهناك)، تعامل الجامعة معك كطالب أجنبي أفضل بمسافات (بحكم تجربتي) أيضاً النقل العام في بريطانيا يخليك تنسى شيء اسمه سيارة، في أمريكا السيارة إن لم تكن ضرورية في بعض المدن فما تزال تحتاجها بين الحين والآخر...
بالتوفيق،،،
مشكوووورين على سرعة التفاعل
بالنسبه للقبول راح تدبره لي الدوله وبعدها اذا رحت الدوله المقصوده اقدر اغير من هناك ولانسبه لي انا راح ادرس هندسه كهربائيه انشالله فما اعرف هل سنين الدراسه في بريطانيا هي نفسها في امريكا او بريطانيا اسرع
وهل بريطانيا كئيبه من ناحية الانشطه والملاهي والجو ؟
على حسب هل أنت طالب بكلوريوس، ماجستير، دكتوراه.اقتباس:
المشاركة الأصلية كتبت بواسطة المحتار999
البكلوريوس في بعض جامعات بريطانيا 3 سنوات، وبعض التخصصات أربع، والقليل يصل خمس سنوات.
أمريكا أقل مدة للبكلوريوس هي 4 سنوات.
الماجستير في بريطانيا سنة واحدة أو حتى 11 شهر.
الماجستير في أمريكا سنتين بالضبط، وإذا ضغطت على نفسك ممكن تخلص في سنة ونصف.
الدكتوراه في بريطانيا ثلاث سنوات.
الدكتوراه في أمريكا خمس سنوات، وقد تجد بعض الجامعات يمكن تنهي فيها الدكتوراه في أربع سنوات.
الجو: جو بريطانيا متقارب، لكن أمريكا متفاوت كثيراً، وقد تجد مدن في أمريكا أتعس من بريطانيا كلها (أمريكا حسب المدينة يعني).
المعيشة والترفيه: إذا رحت بريطانيا رح مدينة مثل مانشستر أو لندن (وأنا أنصح بمانشستر عشت فيها سنة رائعة).
أمريكا لا شك أن بعض مدنها مثل بعض مدن كاليفورنيا وفلوريدا أفضل في الترفيه والحياة لكن لو تروح بعض مدن أمريكا الكئيبة تتمنى بريطانيا.
بالتوفيق
انا انشالله ناوي ادرس هندسة كهربائيه بكالرويوساقتباس:
المشاركة الأصلية كتبت بواسطة ابن بيت آل هليلة
يعني في كم سنه ؟
مشكورين ياجماعه لكن انا ما احتاج قبول لكن ابغي اعرف ايش الفرق بين امريكا وبريطانيا لانه بكره لازم اختار
وانا ناوي ادرس هندسة كهربائيه بكالوريوس لكن محتار في الدوله
اخوي انا رحت بريطانيا سياحة مو دراسه وجلست فبها ١٠ ايام مو ٤ سنين واقسم بالله بغيت اموت من ضيقة الصدر وامريكا جلست فيها سنتين اقسم بالله مرت علي كانها اسبوعين مع العلم ان كنت في افضل فندق في لندن ورحت افضل الاماكن الا ان المدينه كئيبه واعرف ناس كثير كانوا يمدحون بريطانيا ولما شافوا امريكا تغيرت وجهة نظرهم ١٨٠ درجة .. نصيحتي لك اطلع امريكا لكن اختر الولاية المناسبة اللي تصلح للدراسه وبالنسبة للوناسة اذا بغيتها راسلني على الخاص وانا اضبط لك احلى برنامج تنبسط في على قد ميزانيتك للرحله وشرط تنبسط :)