ارجع امريكا الليلة او لحد هنا ووقف

يا شباب يا هل الخبرة والعقول انا مرافق لزوجتي المبتعثة رحنا امريكا كنا متحمسين لها انا واهلي زوجتي خلت بنتها في 12 يوم وتحملت وراح معي وصلنا امريكا وجاءت المصيبه تغيرت زوجتي تبي ترجع بأي وسيلة وبأي ثمن حتى لو الثمن انى ننفصل عن بعض قلت ممكن عشان بنتها خلصت اوراق بنتها وتغيرت هي علي كثير وصارت تضحك وتبكي بشكل غريب وتغير في معاملته لي مع انه ملتزمة بدون ما احد يدري ما تستمع الاغاني وتقوم الليل وتختم القران كل شهر مره طبعا خلصت اورق بنتنا و حجزت ع حسابي انا وهي قبل يومين وصلنا على اننا بناخذ البنت وننمشي وجاءت المصيبه اولا ما وصلنا عند امي قلت لها انا ماراح ارجع امريكا لو يطلقني ولوتقطعوني بصراحة ما جلست احد من اهله او اهلي لا وكلمها واذا كلمها احد تجلس تبكي وكانها مجنونة ما قدر احد يقنعها في شي اقوى منها مسيطر على افكارها وقلبها وحنا جينا هنا بشنطة ظهر بس ما غيرها اي شي وحجز العودة موكد من الرياض ع امريكا ومن واشنطن على مدينتنا الحين انا رحلتي الليلة اخر الليل وش رايكم ارجع لوحدي اخذ اغراضنا واسحب فلوس من البنك الامريكي وابيع اثاث الشقة بصراحة الملحقية ما تدري انى بنجي انا كلمت المعهد وقال لكم يومين مع عطلة الاسبوع وش اسوي ارجع اكمل مع انه ارسلو الضمان المالي حقي وحق زوجتي للمعهد او الغي البعثة وش الحل تكفون ابي استشيركم*

اعذروني ع الاخطاء لاني اكتب وانا جالس اسوق بالسيارة
ونسيت اقول لكم انا ابي اكمل الدراسة واخاف الملحقية يعاقبوني و اخاف اتورط بشيء معهم او مع المعهد وش رايكم وحتى لو اكمل هذا الفصل اللي اندفع حقها

مصيبتك مصيبة يااابه

اولا ما ادري اصلا كيييييييييييييييييف ترتكت بنتك بعيد عنكم !؟!؟!؟! واكيد بتفصل عليك زوجتك ! بنتتتتتتتتتتها !! كيف تخليها بعيد عن بنتها (وانت بعد رايح علم نفس !!!!)
بالنسبة لسالفة ابي ارجع مابي اكمل تحصل واجد خصوصا من طرف الحريم لانهم ما يقدرون يتحملون الغربة عكس الرجال (مع ان الرجال بعد تكويهم الغربة كوووووووووووي) لكن يصبرون .
لكن انت الحين جبت لزوجتك (غربة + بعيد عن بنتها !!!!!!!!!!!!!!!!!!!!!!!) وتبغاها ما تفصل بعد !

الحل الان :
1- يا تكلمها وتقول لها راس مالها كم سنة وتغريها بامريكا (بطلعك وامشيك وكلهاااااااا كم سنة بس ونرجع )
2- او خلها هنا مع بنتك وتعال لهم في الاعياد (نظام اخواننا المصريين والسوريين وغيرهم) (مع اني ما افضل انك تستخدم الطريقة ذي )الغربة غرررررررررررررررررررربة

وهذا اللي عندي وارجو باقي الاعضاء يفيدونك

الله يعينك أخوي، سبحان الله نفس قصة زميل لي، وصلت زوجته مقر البعثة وتغيرت، وقاوم الرجال وصبر، وأنا أشهد أنه حاول بكل جهده لين تسكرت الدنيا في وجهه وترك البعثة ورجع. مع أن أطفالهم معه لكنها تغيرت عليه، لدرجة أنها تطلب الانفصال، وعانى مع رعاية الأطفال في مرحلة اللغة؛ لأنها هي صارت ما تعتني بهم، وفي الأخير ترك البعثة ورجع السعودية.

اللي أقدر أقوله دعوة خالصة أن الله يختار لك الخير، ويرضيك به، ويرجع حالكم أفضل.

طيب لو جيت الملحقية وش راح تسوي فيني وانا مرافق لوجيت بدون المبتعثة ومسألة انها ترجع مستتتتتتتتتحييييل
انا الحين ارجع امريكا او ما راح استفيد شي لو رجعت السؤال هنا؟؟؟؟؟؟

بالنسبة لزوجتك خلها تفصل من البعثه اذا شانيتها وبايعتها ببلاش

اما انت وبعثتك مدري عنك مال الا تروح 4 شهور على حسابك وحول من هناك على الملك

راح تجي حول 50 الف ريال الى 60 الف اذاااااااااااا طاااااااااااااارت ويمكن اقل من 50 بعد ( انت وولايتك وصرفيتك على حسب )

انا اقول اقرو عليها عند الشيخ ومويه مقري فيها وخذو من الحريم واذا مانقع معها ترى البعثه ماهي لازم اذا موظف

الحين أجل البعثه لضروف زوجتك الصحية وربعنا يتفهمون الامور هذي ان شاء الله

موفق ان شاء الله وماقدامكم الا كل خير ياربي

العين حق

اذكرو الله

يا شباب انا لو كملت وزوجتي اجلت يمديها يخلوني ادرس على حسابهم او لا وبيصرفون لي راتب او لا

الله يصلح حالكم

السلام عليكم ورحمة الله وبركاتة

الله يكون بعونك والله يهديها ان شاء الله وتكملون دراستكم

اخوي ما اتوقع يخلونك تكمل لـ انك مرافق عندك احد امرين

1/ اماا انك تقنعها وتحاول فيهاا وان شاء الله تتيسر الامور
او
2/ انك تطلع على حسابك ومن بعدها تنضم للبعثه ان شاء الله موفق

انت مرتبط بالمبتعث الاساسي لو الغى او أجّل توقف بعثتك معه

اعانك الله
و فرج عنك كربتك و اهلك

لا حول ولاقوه
اخوي لاتكنسل البعثة حسافه
سوي تآجيل بعثه افضل ومتى مازانت أموركم ارجعو كملو
اطلب من الملحقيه او من الوزارة ولازم بعذر ياانك وحيد اهلك وحاليا محتاجينك او اي عذر انت حطه تحس انه بيفيدك

الله يعينك اخوي
كل شيء كان يجب ان يحدث بالتفاهم
مسألة انكم تعودون وتقول لك لن اعود "بدون تفاهم" وانت تريد العودة بنفس الوقت ترفع الضغط
وحسافة خاصة انكم دبرتم البعثة ، انا انصحك ياتسوي تأجيل للبعثة ياتمشي لامريكا وتدرس شوي ليما تقتنع هي

الله يهديك المشاكل العائلية خلها بينكم وبين أهلك او المقربين من لانهم يهتمون بمصلحتك أما اا فيه استفسارات تخص البعثة ممكن تسألها بدون تفاصيل حياتك الزوجية. نصيحة لمصلحتك الخاصة

اخوي انت اتكلمت عن كم نقطة لفتت انتباهي في كلامك
اولا زوجتك في الفترة الاولى عاشت من دون بنتها وهذي عند اي حرمة مصيبة فما بالك لو كانت حساسة شوي
الثاني زوجتك انسانة ملتزمة وطلعت لوضع جدا منفتح فيمكن الشيء هذا سبب لها صدمة
ثالثا مع الضغوطات اليومية من دراسة او لغة اكيد رح تنفجر

الحل الاسلم في مثل حالتك خاصة انك جدا متعلق بـ البعثة
كنسل حجز الشقة وبيع الاثاث و قدم على طلب تأجيل
طبعا تكنسل الحجز عشان ما تقعد تدفع وانت ما تدري هل ترجع قريب او لا
الشيء الثاني اترك الموضوع الفترة الحالية لا تفتحه مع زوجتك خير شر واذا سألتك قول لها انك كنسلت الشقة والاثاث بس
لا تعطيها خبر انك اجلت بس من دون ما الغيت ( عادة انا ضد انه الرجال يخبي على حرمته في موضوع زي كذا بس انت لسى ما تدري ايش علة حرمتك )
خليها الى شهر او شهرين وبعدين افتح لها الموضوع من بعيد لـ بعيد
اسالها ايش اللي خلاها تغير رأيها
ايش اللي ما عجبها
ايش سبب تغيرها المفاجيء
ممكن كل المشاكل هذي بسبب الدولة فقط انها ما حبت المكان فـ الحل انك تحول بعثتك من امريكا لاي دولة ثانية مثل ماليزيا او سنغافورة
ممكن السبب يكون بعد بنتها عنها فـ خلص اوراق بنتك مع اوراقها وارجعوا كلكم مع بعض
بس لا تستعجل لا على نفسك و لا على حرمتك
يا سيدي معانا بنات لاهم متزوجات ولا نيلة ومع كذا صجونا بـ البكاء لانهم بعاد عن اهلهم فما بالك في زوجتك
طول بالك وربي يهدي نفوسكم ويختار لكم الخيرة الطيبة

يااخوي الحال من بعضه

وانا شخص من الي كنسلو بعثتهم

حالنا من حالكم طلعت انا والزوجه وطفل معانا والزوجه تبهذلت مع الطفل والدراسه انتكست احوالنا ومعيشتنا نطلع منا لصباح بدري

وفطورلا مشي حالك ولاغداء زي الناس ودوام بالمعهد الى الساعه 3 ونص العصر ماناصل الشقه الا حول المغرب وتعبانين وننام

يعني وضع مزري وسيئ للغايه

والهم والغرابيل الي واجهتنا اتخذت قرار مع الزوجه بان وضع البعثه للمتزوجين صعب جدا جداً ولوضعنا الخاص صعب الاستمرار بهذا الشكل


وكنسلت بعثتي ورجعت لوضيفتي وزوجتي بالبيت وهي مستانسه بالشي ذا وعن قناعه تامه انا واياها


لكن انت دام حاب انك ترجع فما امامك الا انك تدرس ع حسابك الخاص لان الملحقيه يبون يربطونك مع المبتعث الاساسي ويبي يطلبون ختم الدخول لجواز الزوجه

واذا انت موضف استخير ربك ويمكن الله رادكم عن شي كبير وماتعرف وين الخيره

أتوقع جواب الاخت اوكاسيا هو الانسب ..

اسأل الله أن ييسر لكم اموركم ويرفع عنكم السوء ويسدد خطاكم ..

اخوي خذها لشيخ خله يقرا عليها صدقني و ان شاء الله خير
استغفر كثير ,,,

اقتباس:

---

المشاركة الأصلية كتبت بواسطة لااله ألا الله

يا شباب يا هل الخبرة والعقول انا مرافق لزوجتي المبتعثة رحنا امريكا كنا متحمسين لها انا واهلي زوجتي خلت بنتها في 12 يوم وتحملت وراح معي وصلنا امريكا وجاءت المصيبه تغيرت زوجتي تبي ترجع بأي وسيلة وبأي ثمن حتى لو الثمن انى ننفصل عن بعض قلت ممكن عشان بنتها خلصت اوراق بنتها وتغيرت هي علي كثير وصارت تضحك وتبكي بشكل غريب وتغير في معاملته لي مع انه ملتزمة بدون ما احد يدري ما تستمع الاغاني وتقوم الليل وتختم القران كل شهر مره طبعا خلصت اورق بنتنا و حجزت ع حسابي انا وهي قبل يومين وصلنا على اننا بناخذ البنت وننمشي وجاءت المصيبه اولا ما وصلنا عند امي قلت لها انا ماراح ارجع امريكا لو يطلقني ولوتقطعوني بصراحة ما جلست احد من اهله او اهلي لا وكلمها واذا كلمها احد تجلس تبكي وكانها مجنونة ما قدر احد يقنعها في شي اقوى منها مسيطر على افكارها وقلبها وحنا جينا هنا بشنطة ظهر بس ما غيرها اي شي وحجز العودة موكد من الرياض ع امريكا ومن واشنطن على مدينتنا الحين انا رحلتي الليلة اخر الليل وش رايكم ارجع لوحدي اخذ اغراضنا واسحب فلوس من البنك الامريكي وابيع اثاث الشقة بصراحة الملحقية ما تدري انى بنجي انا كلمت المعهد وقال لكم يومين مع عطلة الاسبوع وش اسوي ارجع اكمل مع انه ارسلو الضمان المالي حقي وحق زوجتي للمعهد او الغي البعثة وش الحل تكفون ابي استشيركم*

---

اخوي ..

زوجتك عندها اكتئاب مابعد الولادة ,وهذا شي معروف ..

كل شي تحتاجة بهذا الوقت احد يساعدها ع البيبي ويوقف جمبها ومايلومها ..

حاول تاخذون اجازة وتجلسون اسبوع بعد ,وتكلم معاها بهدوء وحاول تسمعها اكثر شي ..

ولو تسأل طبيبة نساء وولادة رح تفيدك اكثر ..

ترى عادي ,كثير بنات كيذا مو شي غريب ..

اوكاسيا ردها الانسب والافضل في الوقت الحالي ...

غيرتو فكرتي انا قررت اتزوج اول ما ادخل الجامعة لكن الحين :( ما ادري ايش اقول اتغيرت افكاري

لا حول ولا قوة إلا بالله
الله يهدي سركم ويسهل أمركم
أجل البعثة واترك نفسيتها تهدئ
وأرجع أفتح الموضوع لها
الغربة غربة ...

طز في البعثة وفي الدراسة وفي أمريكا كلها ، أهم شيء توقف مع زوجتك في محنتها ومرضها ، وتجلس تخدمها حتى تقوم بالسلامة,,
هالظروف تبين معادن الرجال,,

زي ما قالت اختي جادة جداً ..

زوجتك معاها أعراض اكتئاب مابعد الولادة .. ممكن تسوي بحث و تقرا عنها اكثر لان في بنات تصير معاهم ومايعرفون عنها وممكن تستمر الى سنة !

بالتوفيق

يعني معقوله بترجع لامريكا وتخلي زوجتك بهالحاله ؟؟؟؟

اتق الله يارجل ٫ هـذي ام عيالك قل غير هالكلام !!!

البعثه محسسني اذا مارحت خلاص تتقفل الدنيا بوجهك ٫

كنسلها واجلس عند ام عيالك وعالجها احسن من هالبعثه اللي مايروح لها الا شخص متضايق ماحصل شي في السسعوديه

- - - مشاركة محدثة - - -

يعني معقوله بترجع لامريكا وتخلي زوجتك بهالحاله ؟؟؟؟

اتق الله يارجل , هـذي ام عيالك قل غير هالكلام !!!

البعثه محسسني اذا مارحت خلاص تتقفل الدنيا بوجهك ,

كنسلها واجلس عند ام عيالك وعالجها احسن من هالبعثه اللي مايروح لها الا شخص متضايق ماحصل شي في السسعوديه

اسمع الكلام
رجعتلك لامريكا بدون زوجتك انساها
انا اتكلم من ناحية البعثة
انت مرتبط بزوجتك في البعثة اذا هيا ماهي موجودة بيتسحب عليك من الملحقية
وحتبدا تطق من جيبك كل دولار مصاريف المعهد والسكن والمعيشة وهاذا بيكون مبلغ وقدره
في حال كونك انسان عقلاني وعارف انه وضعك المادي لن يتحمل هاذي التكاليف
لا ترجع امريكا وتنكب نفسك
انا محا اقعد اقلك زي الناس يارجاااال ارجع وماعليك وقدم الحاق ومدري ايش!! تدري ليش ؟
لانه هاذا كلام فاضي وحنضحك على بعض
روحتك لامريكا تعني مصاريف الين اليل
في حال انك مخطط انك تقدر تصرف على نفسك بالقليل 6 شهور وهاذذا كله من اجل تشوف هل الملحقية بيلحقوك ولا لا هاذا كلام ثاني
والله يوفقكم

سوي تأجييل بعثة من الملحقية لا تكنسل بعثتها

يمكن بعد ماترتاح زوجتك ونفسيتها تغير رأيها

اقتباس:

---

المشاركة الأصلية كتبت بواسطة أوكاسيا

اخوي انت اتكلمت عن كم نقطة لفتت انتباهي في كلامك
اولا زوجتك في الفترة الاولى عاشت من دون بنتها وهذي عند اي حرمة مصيبة فما بالك لو كانت حساسة شوي
الثاني زوجتك انسانة ملتزمة وطلعت لوضع جدا منفتح فيمكن الشيء هذا سبب لها صدمة
ثالثا مع الضغوطات اليومية من دراسة او لغة اكيد رح تنفجر

الحل الاسلم في مثل حالتك خاصة انك جدا متعلق بـ البعثة
كنسل حجز الشقة وبيع الاثاث و قدم على طلب تأجيل
طبعا تكنسل الحجز عشان ما تقعد تدفع وانت ما تدري هل ترجع قريب او لا
الشيء الثاني اترك الموضوع الفترة الحالية لا تفتحه مع زوجتك خير شر واذا سألتك قول لها انك كنسلت الشقة والاثاث بس
لا تعطيها خبر انك اجلت بس من دون ما الغيت ( عادة انا ضد انه الرجال يخبي على حرمته في موضوع زي كذا بس انت لسى ما تدري ايش علة حرمتك )
خليها الى شهر او شهرين وبعدين افتح لها الموضوع من بعيد لـ بعيد
اسالها ايش اللي خلاها تغير رأيها
ايش اللي ما عجبها
ايش سبب تغيرها المفاجيء
ممكن كل المشاكل هذي بسبب الدولة فقط انها ما حبت المكان فـ الحل انك تحول بعثتك من امريكا لاي دولة ثانية مثل ماليزيا او سنغافورة
ممكن السبب يكون بعد بنتها عنها فـ خلص اوراق بنتك مع اوراقها وارجعوا كلكم مع بعض
بس لا تستعجل لا على نفسك و لا على حرمتك
يا سيدي معانا بنات لاهم متزوجات ولا نيلة ومع كذا صجونا بـ البكاء لانهم بعاد عن اهلهم فما بالك في زوجتك
طول بالك وربي يهدي نفوسكم ويختار لكم الخيرة الطيبة

---

ماشاءالله تبارك الله دائما ردوردك في محلها ، الله يوفقك ويزيدك

اخي صاحب الموضوع اشوف رد الاخت أوكاسيا هو الحل لموقفكم ، الله يصلح الحال