عرض للطباعة
السلام عليكم ورحمة الله وبركاته ..
أخوااانــي / أخـواااتـــي بأذن الله تعالى رحلتي يوم الأربعاء القادم الموافق 24 / 11 / 1433هـ
وباقي نقطة وحده حاب أخذ رائـكم فيها اللي هو المبلغ المالي ويكون كاش معاي كم تنصحون أخذ (( كــاش ))
بحيث ما يكون فيه خطوره من جميع النواحي .
هلا فيك أخوي
من ٢٠٠٠ الى ٣٠٠٠ دولار أتوقع تكون كافية ان شاء الله
واول ماتوصل أفتح حساب بنكي وحط الفلوس فيه واستخدم البطاقة
وبعد ماتفتح الحساب تقدر تخلي قرايبك يحولوا لك اللي تبيه عليه
البعض يقول جيب بطاقة فيزا من السعودية ومهمة ومدري ايش
انا من وجهة نظري لامهمة ولاشئ اول ماتوصل افتح حساب وانتهى الوضع
قبل اجي امريكا طلعت ماستر كارد من الأهلي ووصلت امريكا وفتحت حساب
وجلست يمكن ٥ شهور ما استخدمتها ولامرة لان بمجرد تفتح حساب خلاص ماتحتاجها
واول يوم تعامل بالكاش ماعندك اي مشكلة ابداً
توصل بالسلامة ان شاء الله
يعطيك العافيه كنت أحبك على النصائح .
طيب فيه نقطه سمعت عنها انه إذا كان معاك أكثر من 1000 دولار كاش لابد تبلغهم .. أبلغ مين بالضبط ومتى وكيف ؟
النقطة الثانية : فلوسي معاي في حسابي البنكي (( الراجحي )) إذا أحتجت أخذ منه مبلغ معين إيش أنسب طريقة لي ؟
يفيدونك الاخواة ان شاء الله
يعطيك العافيه .
وعليكم السلام ورحمة الله وبركاتة
مثل مقال اخوي كنت احبك .. خلي الفلوس معاك واذا وصلت ان شاء الله افتح حساب وحط الفلوس في الحساب
اماا من ناحية لازم تبلغهم ان معاك مبلغ .. 9 الف ومافوق هذا لازم تبلغهم اماا 2000 او 3000 عايدي وان شاء الله مابه الا كل خير موفق
الله يعطيك العافيه اخوي زايد مشكور وما قصرت .
طيب النقطة الثانيه اللي ذكرتها ما في شخص جربها اللي هي :
معاي مبلغ في حسابي البنكي (( الراجحي )) إذا أحتجت أخذ منه إيش أنسب طريقة وبنفس الوقت ما تكلف على بتحويل العملة من الريال للدولار ؟
الله يعافيك يالغالي ماسويت الا الواجب العفوا
بسم الله
توصل بالسلامة انت تحتاج من وصولك لحد ما تفتح حساب تقريبا ثلاث ايام حتى تستقر وتاخذ على الوضع زين
وفتح الحساب يحتاج منك يوم واحد فقط هذا بالنسبة bank of Amrica او WElll Fargo وكثير ما تصادف اخوه عرب يشتغلوا هناك
باقي عليك مصاريفك واسرتك اذا كانو معاك في المطار مصروف التاكسي من المطار للسكن مبلغ للفندق او الموتيل اللي راح تقيم فيه لمدة الثلاثة ايام
مصااريفك خلال الثلاثة ايام اتوقع الموضوع يحتاج 1000 دولار.
مودتي
أخوي ضروري تكون معاك فيزا او ماستر كارد علشان تسكن في الهوتيل لأن الكثير من الهوتيلات ما يسكنونك بدون البطاقة
عندك الفيزا حقت الراجحي مسبقة الدفع ممكن تحط فيها 3000 دولار وتقدر تستخدمها هناك او ماستر كارد حقت البنك الأهلي ممتازه وانا جربتها
توصل بالسلامه يارب
بالنسبة لفلوسك اللي في الراجحي فيه طريقة تربط الحسابين اونلاين
وتقدر تحول بينهم عن طريق الانترنت انا جربتها مع الأهلي مو الراجحي
بس أفضل حل تخلي الفلوس عند أحد اقاربك وتخليه يحولها اذا وصلت
عشان الاحتياط
يعطيك العافيه أبو فيصل مشكور وما قصرت .اقتباس:
المشاركة الأصلية كتبت بواسطة تركي (ابو فيصل )
موضوع الفندق منتهي أمره مدفوع لمدة خمس أيام من الأن وإذا حبيت أكنسل الحجز قبل وصولي بيومين مافي أي رسوم علي أما قبلها بيوم ياخذون حق اليوم الأول فقط .
الله يسلمك ويسلم كل أخواني و أخواتي من كل شر يارب .اقتباس:
المشاركة الأصلية كتبت بواسطة naif2010
أشكرك أخي نايف على تواصلك الدائم .
اقتباس:
المشاركة الأصلية كتبت بواسطة كنت أحبك
يعطيك العافيه أخوي كنت أحبك مشكور وما قصرت .
أعجبتني فكرة ربط الحسابين ياليت تعطيني نبذة بسيطة عنها وعن طريقة التحويل وهل عليها أي رسوم من البنك أثناء التحويل أو الربط أو الخدمة بشكل عام ؟
هلا فيك أخوي
طبعاً فيه رسوم التحويل وفرق العملة
بس للاسف ماعمري حولت عن طريقها
وبنكي مو الراجحي عشان كذا صعب أفيدك في النقطة هذي
ممكن الشباب ان شاء الله يفيدوك بخصوص الموضوع هذا
والشيخ قوقل مايقصر لو بحثت يمكن تلقى أجابة لسؤالك
او انصحك تنزله في موضوع مستقل عشان الجميع يستفيد
بالتوفيق ان شاء الله
وتوصل بالسلامة
من وجهة نظري الف دولار كفاية وحاول أنك تطلع بطاقة
مسبقة الدفعمن الراجحي تاخذها بنفس الوقت وتودع فيها2000
دولاربحيث انك تستخدمها على راحتك لحد ماتفتح حساب
وبالنسبة للتحويل عن طريق الاون لاين زي ماتفضلوا الاخوان
انا مجرب الطريقة هذه ممتاز جدا بس تاكد انك تفعل التجوال
حق جوالك السعودي عشان تقدر تفتح حسابك اون لاين
او تسوي حساب جديد وراح يرسلون لك رقم تفعيل رساله
على جوالك على كل عملية تقوم بها .
يختلف المبلغ على حسب خطتك عند الوصول وعلى حسب الولايه ..
فانت تقول انك مخلص من مسألة الفندق وحاجز حق خمس ايام ..
فبالتالي انت عليك تركز بالمبلغ اللي يضبط امورك من يوم تسافر الى ان توصل وتزيد عليها مصاريف الخمس ايام اللي راح تقضيها بالفندق ..
افضل طريقه تسويها هي عن طريق استخدام الماستر كارد او الفيزا مسبوقة الدفع اللي توفرها البنوك السعودية ..
وبنفس الوقت تاخذ معك كاش يعني حول الـ 3000 دولار كحد اقصى ..
بطاقة الفيزا تترك فيها مبلغ الف دولار .. (وتزيدها من خدمة الاون لاين بحسابك كل ما احتجت الى زياده ) ..
وتتعامل بالفيزا طول فترة سفرك وفترة اقامتك بالفندق .. واما عن الكاش فحاول انك ماتلمسه لانك راح تحتاجه داخل امريكا في امور ثانيه ..
طبعا الكاش ماتحركه الا في اوقات الطوارئ .. مثلا اذا الفيزا مامشت في مطعم او مكان معين تقدر تدفع كاش ..
بعدها اول ماتوصل تروح لبنك اوف امريكا وتفتح حساب فيه وتودع الكاش فيه راح يعطونك بطاقه مؤقته وشيكات مؤقته .. (تقدر تستخدمها في امريكا) ..
وقتها انت بتروح تبحث عن شقه .. الفلوس الكاش اللي اخذتها هي اللي راح تستخدمها في حجز الشقه ودفع التأمين وماخالف ذلك من امور
وهذا لسبب أن الشقق عموما مايقبولون الا شيكات او اصدار Money Order (شيكات مسبقة الدفع) ..
فيه بعضهم يقبولون بطاقات ائتمان بس مو كلهم .. والغالبيه شيكات ..
وبعد حجز الشقه راح يبقى مبلغ بحسابك ..
الان شوف كم يبقى بحسابك الامريكي ورصيدك بالبطاقة الائتمانيه ..
لا تضع اي قيمه اضافيه اخرى في البطاقه الائتمانيه الخاصه بالراجحي ..
استخدمها في مصروفاتك الشخصيه لحتى تخلص رصيد البطاقه ..
الان بعد يومين راح يكون حسابك نشط في بانك اوف امريكا وراح تقدر تستخدمه في الحوالات وماخالف ذلك ...
كل اللي عليك انك تاخذ معلومات حسابك .. وتربط الحساب عن طريق البنك الراجحي وتنتظر الموافقه من ادارة البنك وعادة تاخذ يومين عمل او اقل ... حسب البنك وحسب سرعة تخليصهم للمعاملات ..
طبعا لاتنسى انك تطلب معلومات الـ wire transfer من موظف بنك اوف امريكا وقت تعمل حساب حتى يعطيك اياها بورقه وتسجلها بالراجحي .. (عادة تكون كلها موجوده بالشيكات ماعدا السوفت كود SWIFT CODE تاخذه من البنك نفسه) ..
وبعد مايعتمد الحساب الدولي في حساب الراجحي راح تقدر تحول الى حسابك الامريكي وراح تكون عملية الحواله الوحده تقريبا 50 ريال (ممكن اكثر) .. وراح تاخذ من ثلاث الى خمس ايام عمل لحتى توصل الحواله الى حسابك الامريكي ..
واذا تبي حواله سريعه .. فيه خدمة السبيد كاش لها رسوم خاصه ولكن يحتاج لها شخص يدفع لهم كاش ويحولونها على حسابك دايركت .. وراح توصلك ثاني يوم الصبح ..
او عن طريق الويسترن يونين .. في نفس اللحظه تستلمها .. ولكن ما انصح فيها للمبالغ الكبيره لسبب ان فروع الويسترن حدها بالدفع كاش هو 1500 دولار .. اكثر من كذا راح تتعذب معهم لان اغلبهم مايقدرون يوفرون هذي المبالغ بهذه السهوله ..
(وغير هذا لو جاتك حواله يوميه 1000 دولار وكل يوم تجي تستلمها ممكن الفرع يقولك خلاص ماراح نخدمك بعد الان .. لانك بالعربي طفرت فيهم ) ..
بعدها خلاص راح تستقر امورك في بنك اوف امريكا وراح تستخدم بطاقتهم والتحويلات الدوليه من الراجحي الى حسابك بانك اوف امريكا ..
هذا اللي انا سويته لما جيت امريكا .. واما البنك كنت مع البنك العربي مو الراجحي .. وكانوا ياخذون مني 50 ريال على الحواله الوحده ..
ولا تنسى تسال بنك الراجحي عن الحد اليومي للحوالات الدوليه .. لان كل بنك له حد معين من الحوالات الدوليه .. بعضهم يسمحون لك بـ 5000 ريال يوميا .. وبعضهم اكثر ..
(مادري اذا تغيرت الانظمه او لا .. تحتاج الى ان تتاكد بنفسك من نظام بنكك ) ..
اتمنى اني افدت بهذا الخصوص ..
هذا والله اعلم ..,
أشكر كل من ساهم بالرد والفائدة بخصوص موضوع المبلغ المالي .
بارك الله فيكم وجزاكم الله عنا خير الجزاء (( جعله الله في ميزان حسناتكم ))
أنا ما انصحك انك تاخذ كاش مو علشان في شي او راح يصير شي بس علشان تكون مرتاح افلوسك بالبنك بلا كش