مبتعث = بلوت ..كبسه...معسل

انا كتبت الموضوع بدون اي مراجعه مو ابرر لكن هذا اللي صار واهم شي ان المعنى وصل ل امثالك اخوي

بالتوفيق

موضوع جميل ولكن النقاش فيه عقيم

يا حبيبي حتي لو يعسل ومطاعم وسينما واسواق وكشتات الخ
اهم شي يجيب درجات وما يسوي مشاكل
فيه ناس عندهم قدره يذاكرو للاختبار ويجيبو فيه A في حول 10 ايام مذاكره ..وفيه ناس نفس المده ويجيبو D
كل واحد وعقله

وخلهم ينبسطو ^ـــ^

والله انا اللي اعرفه السعوديين اللي ساكنين بنفس مجمعنا ياااكثرهم ومرافقي على طول معاهم ... نفس كلامك كبسة ومعسل وبلوت بس مرافقي مايعسل ..

بس اكثر قعداتهم مع امريكااااااااااااااااان ومايتكلموا مع بعض إلا إنقليش والجيران الأمريكان كلهم عندهم فهذا شي احس انه مفيد نوعا ما بتعلم اللغه والبراكتيس...


بس فيه شي سلبي يعملوه والله يرفع الضغط ... أكثر جمعاتهم حش في فلان وعلان وفلانه وعلانه فهذا مايصير وربي حراااااااام .....واحاول انصح اخويا انه يطنش ومايسمع كلامهم ..

واحيانا يتجمعوا ويتناقشوا في أمور القبولات ومساعدة التايهين ويحاولوا يعملوا نادي سعودي ... فهذا شي إيجابي ...


بالتوفيق للجميع ولصاحب الموضوع ...

يا اخواني ويا اخواتي ترى صاحب الموضوع مقصده النصح مو انه يتدخل في الناس !! حتى لو كنت انت راعي بلوت ومعسل يومياً هو ما راح يطق باب بيتكم ويقول لك رح ذاكر او ذاكري ..

الله يجزاك خير اخوي وفعلاً انا والله انقهر لما اشوف بعض الشباب ماخذينها سياحه واذا انطرد من البعثه وقام يبكي على حاله ويقول ياليت وما يدري ان كلمت ياليت ما تبني بيت !!

عموماً انا عجبني الموضوع اللي عاجبه عاجبه ولا مو عاجبه ينتف حواجبه

احسن شي اني ما اعرف ولا سعودي ولا حتى عربي حتى الآن ولا ابي اعرف بعد

^^
دلني على ولايتك تكفى

ليه معصبين من موضوع عادي ؟؟ الهرجة مو كبسة وبلوت ودي الاشياء

الهرجة على الي يضيع وفته والي اخد البعثة عشان فلة وسياحة ومافي راسه دراسة اصلاًً ..

ومن رام العلا من غير كد.. أضاع العمر في طلب المحال .. الشافعي وليس المتنبي

ههههههههههه الله واكبر ميتين عليك السعوديين ماحد درا عنك

يا سيدي الناس قدرات
يمكن انت وقتك كله يضيع على الدراسة و ما تحصل النتيجة المرجوة وغيرك ساعتين و تكفيه يجيب مية بـ الراحة !!
ممكن تكون طالب جديد ولسى ما اتكيفت مع الجو وهم صار لهم فترة فـ عارفين ايش الطبخة ومو مختبصين !!
فيها مية حاجة
وبـ صراحة ما اشوف انه تضييع وقت البعثة لو الطالب درجاته تمام انه يطلع يلعب بلوت او يسوي اللي هوه يبغاه
اساسا لو تجلس تدرس 24 ساعة اخرتك تمل و تزهق و تكره ابو الدراسة واليوم اللي رحت فيه امريكا
(( روحوا القلوب ساعة بعد ساعة فان القلوب اذا كلت ملت ))

أنا ما ألعب بلوت (أو بالأصح ما أعرف) ولا أشيش ولا شيء والحمد لله، لكن كبسة أبشر بي.
لكن: لو عندي وقت وش يمنع أطلع أروح على نفسي.

تختلف من قسم لقسم ومن جامعة لجامعة
قد تكون أنت في جامعة كارفين الناس كرف
ويكون غيرك في جامعة دراستها أهون وأريح

وبرضه مو شرط أن السبب يعود لقوة الجامعة

تحياتي،،،