لعلها خير - انها البعثه -
السلام عليكم
الحمد لله على كل حال , طبعا مثل ما يعرف بعضكم قبل نزلت موضوع عن تأجيل البعثه والسبب مرض الوالده - الله يقومها بالسلامه هي وجميع مرضى المسلمين -
المهم انا رجال قلبت السالفه في راسي وشفت الانسب هو اني ادخل جامعه بالسعودية وادرس حول الاهل وما يضيع الوقت عاطل باطل
قالوا لي ونصحوني ناس كثير انتظر وااجل البعثه , بس انا قررت وما فيه رجعه , وان شاء الله اول يجيني القبول من الجامعه اللي بالرياض
اسوي انهاء بعثه من البوابة الالكترونيه , الموضوع هذا فقط شكر لكم وايضآ اطلب منكم الدعاء للوالده ومرضى المسلمين بالشفاء العاجل ان شاء الله
اخواني / اخواتي يعلم الله اني استفدت منكم في هالمنتدى الشئ الكثير
وان شاء الله نقابلكم في جنات النعيم , وشكرآ لكم وجزاكم الله الف خير
اخوكم احمد محمد التميمي - مبتعث سابق
رد: لعلها خير - انها البعثه -
الله يشفيها ويقومها بالسلامة
وعليك بالصدقة للوالدة
رد: لعلها خير - انها البعثه -
الله يشفي والدتك
ممكن بدل ما تنهي البعثة صلح تحويل البعثة الى بعثة داخلية وما دام عنك عذر انشا الله يوافقون
رد: لعلها خير - انها البعثه -
الله يشفيها ويجازيك خير على برك لها
رد: لعلها خير - انها البعثه -
تقوم بالسلامه اجر وعافية انشاء الله
رد: لعلها خير - انها البعثه -
من ترك شيئا لله عوضه الله خيرا منه.
الله يشفي والدتك ويقومها بالسلامة يا أخوي، والخيرة فيما اختاره الله..
رد: لعلها خير - انها البعثه -
الله يشفيها يارب
صدقيني ربنا راح يعوضك افضل من البعثه عشان امك
امك جنتك حاول تضحي بي اي شي عشانها
رد: لعلها خير - انها البعثه -
يا ليتني قويه مثلك في اتخاذ القرارات
الله يشفي لك الوالده ويعوضك خير ان شاءالله
رد: لعلها خير - انها البعثه -
آلله يشفـــي آلوآلدهـ .. ويطيب مآفيهآ عآجلآ غير آجل ..
و إن شآء الله بإذنه تشوفونهآ أحسن ممآ كآن .. وتجلس معكم وهي بأتم آلصحه وآلعآفيه ..
ربي .. إشفيهآ وإشفي مرضى آلمسلمين .. وإبعد عنآ آلأمرآض وآلمصآيب يآ الله ..
سؤآل وآحد فقط : هل إنت ضآمن قبولكـ بآلجآمعه آلدآخليه ؟!
طيب لو جوآبكـ : نعم ..
بيجيكـ سؤآل مآيقل أهميه عن أللي فوق : هل آلتخصص نآدر وله مستقبل وظيفي مثل تخصصآت أمريكآ ؟!
لآزم تقلبهآ زين برآسكـ .. وتستخير ..
رد: لعلها خير - انها البعثه -
ماشاء الله تبارك الله عليك.
بس لازم تراجع افكارك
اتمنا من الله العلي العظيم الرحمن الرحيم ان يشفي امك وجميع مرضى المسلمين..
اذا انت مبتعث للبكالريوس اتوقع يديك تتخذ القرار بالبقاء وانت مطمئن عند امك
اما اذا ماجستير عليك المراجعة للاكثر من مرة
نعم بر الوالدة فوق كل شيء ولكن لعل الله ييسسرها ويطمنك عليها وتحسسن اجل البعثة الان ودور قبول هنا وشوف واكثر من الاستغفار والدعاء وابشر بالخير خوي