ابي قبول دكتوراة ومعهد لزوجتي ( تخصصها انجليزي ) لغويات او مناهج وطرق تدريس انجليزي

اسعد الله صباحكم / مساءكم بكل خير احبتي الكرام


اذا تكرمتوا ابي فزعتكم في توفير قبولات لزوجتي من جامعات امريكية معتمدة لدى وزارة التعليم العالي لدراسة الدكتوراة وكذلك من معهد اذا متوفر بنفس الجامعة او من برا مافي مشاكل

ماجستير / تخصص لغة انجليزية من جامعة الملك سعود

شهادات ايلتس اعتقد اختبرت 4 مرات اعلى وحدة جابت 6 بس للاسف مابعد جبت الشهادة من المعهد وباقي الاختبارات 5 الى 5,5


وبصراحة من شعبان وانا قدمت عن طريق مكتب في الرياض على بريطانيا وماقدر يجيب لي قبول والان نبي امريكا


ارجو ممن لديه خبرة او يقدر يساعدنا لانكم عودتنا على الكرم ياعيال ابومتعب


وفي الاخير اسال الله لنا ولكم وللجميع التوفيق وان تعودوا الى بلادكم سالمين غانمين


والله يحفظكم ويرعاكم

حدد الولاية و المدينه عشان يسهل على الاعضاء مساعدتك

مساء النور ، بالنسبة لزوجتك عندي سؤال لك عشان أساعدك فقط في تحديد الجامعة هل هي تبي تدرس1- ترجمة ولا 2- أدب ولغويات 3- ولا تدريس اللغة الانجليزية لغير الناطقين بها ؟
إذا ترجمة نادر جدا أنا يالله لقيت ماستر ترجمة (إنجليزي -عربي) أما إذا غير الترجمة فعد وأغلط بالمئات ولا تضيق صدرك من هالناحية .
إذا تبي جامعة تدرس ماستر ودكتوراه ترجمه (إنجليزي -عربي) مثل ما أرسلي الدايكتور لTranslation Center وهذا الرابط

UMass Translation Center » M.A. In Translation Studies


وآسف كل الأسف على شح المعلومات

جزاكم الله خير يالغاليين

بالنسبة للولاية يمدحون ( فلوريدا ) واكذب عليكم اذا قلت اني اعرف ولايات

المهم بالنسبة لي ان تكون الولاية آمنة بعد الله و حلوة وهادئة ورخيصة

بالنسبة للقسم لدراسة الدكتوراة ( لغويات )

ولكم كل الحب

بما أن التخصص (لغويات ) فأبشري والله بكثرة وتراه تخصص قوي
أما بالنسبة للولاية (فلوريدا ) أنا مثلك كنت بسجل في جامعة تامبا لأن عندهم تخصص TESOL بس سمعت من كثير من المبتعثين أن فلوريدا مغلقة من الملحقية للتكدس
وترى مانيب متأكد من هالمعلومة تأكدي بس أنا أعلمك أني ألخمت قبل 3 شهور

المشكلة ان موقع وزارة التعليم (الجامعات الموصى بها )
حطيت الرغبة (

TESOL ) وماحصلت جامعة معترف فيها

يعني ممكن ندور تخصصي (تدريس اللغة الانجليزية لغير الناطقين بها ) او ( ادب انجليزي )

وشكرا لكم

أخوي بالنسبة للمعهد لزوجتك أمره فاليد ،
أما أنت شغلتك شغله أنا أنصحك بTESOLفي دكتور درسني بل ملك درسني (جاسر الجاسر ) هذا شايب +60بس انطباعه كان ممتاز عن هذا التخصص لأنه حلو وشيق
وخذ هالجامعات اللي تدرسه

الدولة	موقع الإنترنت
INDIANA UNIVERSITY - BLOOMINGTON	أمريكا	http://ru.mohe.gov.sa/images/url.png
LONG ISLAND UNIVERSITY-BROOKLYN CAMPUS	أمريكا	http://ru.mohe.gov.sa/images/url.png
WINSTON-SALEM STATE UNIVERSITY	أمريكا	http://ru.mohe.gov.sa/images/url.png
1

الف الف شكر حبايبي

اخوي حامد بالنسبة للجامعات اللي كتبت لي من موقع التعليم العالي يقولنوع الجامعة ( غير محدد ) يعني مو موقفة او غير موقوفة

كيف اتاكد
لاني اخاف يقولون لا مانقبلهم لاننا موقفينها

واسال الله التوفيق للجميع

في هالحالة أدخل موقع الملحقية وشف هل هي موقفة ولا لا
وبعد يمديك تعرف كم نسبة السعوديين فالجامعة وهل فيه تكدس ولا لا

شكرا شكرا لكم من االاعماق

وربي يكتب لكم الخير ويسهل عليكم حبايبي

أختصر عليك:

6.0 في الآيلتس ما راح تلاقي قبول دكتوراه لغويات إلا في جامعة كانساس؛ لأن الجامعات تطلب 6.5، 7.0، 7.5 و 8.0.

القبول في الدكتوراه مو سهل، واللي يقول عدّ واغلط يسمح لي أنه ما جرّب مراسلة الجامعات لتخصص اللغويات دكتوراه.

تبي جامعة بريطانية تقبلها بـ 6.0 وجامعة سهلة، تروح جامعة Ulster.

والله يوفقنا وإياكم،،،،

أخي العزيز قبول لغويات وفي أمريكا صراحة (صعبة) ماودي أحطمك بس هذي الحقيقة و الشغلة ماهي بالساهل يعني اذا تبي دكتوراه في اللغويات على طول أنصحك تروح بريطانيا.
أما أمريكا فماراح يقبلون بماستر من السعودية لأنهم أحيانا مايعترفون بالماستر من جامعات أمريكية، يعني اذا وافيت شروط الجامعات فراح يخلونك تدرس ماستر عندهم من جديد وهذي شغله طويله عريضة ويروح العمر عليك بالفاضي
ولا تنسى الجي ار اي وهذي شغله ثانية.
من الاخر ونصيحة لك ولزوجتك اختصر الوقت ورح لبريطانيا وراح تحصل جامعات تقبل 6 في الايلتس وتحصلك فرصة انت بعد.. وفي نفس الوقت تحصل على الدكتوراه في مدة أقصر بس المهم إن زوجتك تجهز لها مقترح في مسار معين من اللغويات سواء سنتاكس او سمانتكس او فنولوجي أو المسار اللي ترغبه..
تمنياتي لكم جميعا بالتوفيق..

يالومومني فيكم

ربي يعطيكم الصحة والعافية

بريطانيا يالغالي جابت لنا الصمرقع من شعبان مقدم ولا من مجيب

وبالسبة لتخصص الزوجة نبيه في قسم (تيسل ) tesol من امريكا لان تخصصها اساسا تيسل

التيسول في أمريكا أقل بعشرات المرات من بريطانيا. نادراً تجد برنامج دكتوراه تيسول. برامج الأبلايد لنقويستكس في أمريكا شبيهة كثيراً ببرامج التيسول (طبعاً بعكس أوروبا)، أي: إذا لقيت برنامج دكتوراه كما في جامعة شمال أريزونا وبول ستيت وغيرهما فالبرنامج أقرب ما يكون للتيسول لا اللغويات.

وش الجامعة البريطانية اللي قدمت عليها وما ردت عليك؟

بريطانيا يجيك الرد في خلال أسبوعين في بعض الجامعات، 4 أسابيع في معظمها، 2 - 3 أشهر في قليل منها. أما من شعبان فالسؤال ليش ما راسلتهم وتسأل وش صار على الأبلكيشن؟ تراهم يرسلون القبول على العنوان البريدي اللي أنت حاطه، وإذا كنت حاط عنوانك السعودي عز الله بيجي شعبان السنة الجاية وما جاك بريدهم.

بالتوفيق،،،