هل هذا تعاون السعوديين فيما بعضهم في الغربة؟

السلام عليكم ورحمة وبركاتة

راح أدخل في صلب الموضوع فورا ً لاني لا املك الوقت حتى لو لدقائق في صياغة مقدمة او ما الى ذلك .

أنا شخص دارس على حسابي الخاص آتيت الى فرجينيا بغرض دراسة اللغة والهدف اتيان درجة الايلتس اللي تدخلني الجامعة في ولاية ثانية .
سبب مجيء الى فرجينيا هناك معهد تجاري ورخيص , علما ان معهد جامعتي طالب 10 الالاف دولار في الترم الواحد فقط , لهذا حطيت الرجال في فرجينيا

ولكن ما ثار استغرابي , أن لم اجد من السعوديين مايتعاونون معي وهذا عكس ماسمعته لما كنت بالسعودية انهم راح يكونو متعاونين والى ما ذلك .

عموما الذي حصل انه فلوسي قربت تخلص من أجار الفندق

جيت للمعهد سألت أغلب السعوديين " ياناس ياعالم انا جديد ودارس على حسابي الخاص ابي مساعدتكم في سكن , هل احد يبي روميت ؟ هل أحد عنده خلفية و و و و و ... الخ "

اللي ضيق صدري من صباح اليوم طلعت بكم هائل من الأرقام , على اساس ان الرد يأتي بالليل من نفس اليوم .

اللي لاحظت بصريح العبارة " قوة سحب سيفوون "

اللي مضيق صدري , ليه داق الصدر انت وياه دامكم بتسوون الحركة اللي مالها داعي .

انا في جيبي كم دولار بسس وبعدها انقطع هنا , وانتظر حواله راح توصلني بعد 3 أيام .

يعني والله شيء مؤسف أني اشوف هالتعامل ذا موجود هنا وحنا بغربة ومن مين ؟ من أبناء بلدي !!

وربي أدق على الواحد كأني طالبه سلف .


احتاج لمساعدتكم : اللي يعرف احد يبغا روميت او اي حد متوفر عنده سكن انا جاهز من هذه اللحظة .

والمعهد في rosslyn


اتمنى المساعدة بالسكن ولا تغيير الولاية الى ولاية أرخص ومعهد أرخص بعد ويكون تجاري ومعترف فيه مافيه مشكلة .


تحياتي .

https://www.facebook.com/groups/392372690825378/
هذا اللينك حق الفيسبوك تبع الطلاب للمدن الي بفرجينيا ادخله واستفسر واطلب ألمساعده

Arbor Park of Alexandria - Alexandria, VA Apartments for Rent - Home Properties
شوف هذا الموقع سعره ممتاز

https://www.facebook.com/Saudiclubvcu
هذا الفيسبوك لنادي طلاب ريشموند ويشمل مدينتك

اخي ان كانت لغتك ممتازة فابحث بنفسك بواسطة المواقع الالكترونية او الاتصال بالهواتف المعروضة على مواقعهم وان كنت بحاجه لدعم لغوي فانت بالتأكيد تحتاج لمواقع القيس بوك او تواصل مع الرقم المعروض بموقع المسجد هذا او الذهاب اليه مباشرة وهناك ستجد اهل الخير الذين يحبون ان يساعدوا المحتاجين في الله
Baitul Mukkaram Masjid (BIC), Arlington, VA 22204, USA - Islamic Centers, Masjids Mosques, Muslim Owned Businesses, Islamic Schools and Colleges

اعتذر فانا فعلا اود ان أفيدك اخي في الله
بعد ان تهدا اقرأ مايلي
تأكد ان الحياة دار بلاء ليمتحن الله صبرك فيها ولتعلم ان ماتوفيقك الا به فهو رب العباد ومسخرهم لخدمة بعضهم البعض فيه ومانعهم أيضاً فتوجه له رب وملك واله الناس والمتصرف الأوحد
لان الله هو ربك كن فقط هادئ سعيد مستقر فان عبد هذا الرب العظيم!!!! هو الذي اقرب إليك من حبل الوريد فقط يتودد إليك بالبلاء فكن كما يحب فيكافئك بالعطايا كما تحب
اطمئن و خذ بالاسباب

الاخت ( الاكتفاء بالمزيد ) كففففففت ووففففففت

اذا ما لقيت يء رح للموقع الاسلامي وهم يدبرونك من هناك ان شاء الله

بسسسسسس لا تثق بكل احد انتبه وكلهم فيهم خير ان شاء الله وما يقصرن لللكن الحذر وااااجب بما انك جديد ولا تعرف احد والنصابين واجد واغطييهم كثثثيرة

والله تعبت وانا اقول لكل شخص يبغى يجي او وصل و حصل له مجموعه و دخل فيها (( يا مبتعث لا تتوقع احد بيسلفك او يسكنك عنده الا لو كنت اخوه او ولد عمه القريب)) هنا في امريكا الشخص مقطوع عن اهله و عن اي مساعده متوقعه خلال اقل من ثلاث ايام . اما انك تكون جاي و معك كل شي تحسب للمفاجات او تحمل الي يجيك . طبعا الا ما ندر .

و سبق و شفنا و سمعنا عن قصص كثير و اتوقع كل شخص حصل له موقف . استطيع سرد اكثر من مئتين اسم اعرفه معرفه شخصيه و يعرف اسمي ولكن ما اقدر اعد لك اكثر من اصابع اليد الوحده الي اتوقع منهم السند في يوم الضيق و مجرد توقع ما هو اكيد .

وعليكم السلام ورحمة الله وبركاته
انا الروميت اللي معاي طالب ويشتغل يحاول يغطي شي من مصروفه.

استخدم هذا الموقع في البحث عن شقق
Apartments and Rentals - Find a Walkable Place to Live

فقط كل ماعليك هو وضع عنوانك وسيظهر لك معلومات عن الشقق اللي حولك .. مع اقيامها ..
او بإمكانك ان تجعل الموقع يحدد موقعك الحالي عن طريق زر تحديد الموقع اللي بجانب حق كتابة العنوان ..

ايضا قبل ان انسى .. بعض المعاهد توفر للطالب سكن مع عائله او سكن خاص على حساب الطالب .. ( من باب المساعده ) ..

ولو سألت المعهد سيساعدونك بهذا الخصوص باذن الله ..

اخوي أقول لك من الحين أطلع من فرجينيـــــــــا ادري انك بمعهد اللنقوا ويقول لك رخيص ياعمي أطلع ولايات رخيصه وربي تسكن غرفه بحمام وأنتم كرامه بـ 300 دولار الى 400 تقول لي وين أقول لك

روح على قائمة المعاهد المعترف فيها لان شغلة الملحقيه حوسه وشوف لك معهد بولاية ميسوري مره رخيصه وفي غيرها كثير بس هذا اللي يحضرني لكن متاكد في معهد هناك كأني شفت رسومه 460 حقت الترم الواحد

لكن والله أني ناسي اسمه والسكن فيها ع 300 الى 400

لاتجلس بفرجينيــــــا انا كنت مبتعث وبفرجينيا وربي اخر الشهر غير ادق ع الاهل يحولون لي فلوس.

من الان لا ترتبط بسكن مع احد اطلع من الولايه افضل لك

بالتوفيق ان شاء الله

مادري بس انا اللي الاحظه ان كثير من الشباب من يوم يوصل يطلب المساعدة قبل حتى ما يحاول
طيب يا اخي الله عطاك اسباب اذا انت ماساعدت نفسك وبحثت وتعبت لاتفكر ان احد بيساعدك
هذا ماهو قل جود بأبناء وطني لكن بهالوقت كلن لازم يساعد نفسه والدنيا تغيرت
اول كانو يفزعون لان عدد السعوديين قليل ووسائل الاتصال والمعلومات نادرة لكن الان كلشي متوفر بضغطة زر حجوزات وطيران وتأجير وعقود
اي نعم حنا مسلمين والمسلم للمسلم بس ان جاك شي من احد ولا لاتنتظر فزعة احد
اول ماجينا هينا بس حبينا استشارة من شخص حاط رقمة بالنادي السعودي ولمن كلمناه قالنا روحو لواحد يساعدكم ب 300 دولار
بعدها عرفت ان ماتوكلت على ربي وبحثت واجتهدت محد بيساعدني
مرت علينا ايام الله العالم به بس بالنهاية هالتجارب هي اللي تزيدك قوة وخبرة واصرار
الله يسهل امرك ويسخر لك خلقه

يارجال بالسعودية بالقوة ينفعونك ، تبي بامريكا ، الله يرحم الرجال الي راحت بالمقابر.

آلله يعينكـ وأتمنــــى تكون بخير وعآفيه وأموركـ تكون على مآيرآم ,,
صدقت بعـــض وآلفئه آلغآلبه تلآقي مآفيهم خير يضحكـ معكـ كل يوم وبوقت آلشدآئد يسحب عليكـ .. وفي آلمقآبل في نآس وآلله وآلله تذكرهم لو بعد 10سنوآت .. وآلذكر آلطيب هو رآس مآل الإنسآن ,,
بس إنت وآلعلم عند آلله مآحسبتهآ صح وهذآ مو نقصآن فيكـ لكــن يصير إن الإنسآن مآيحسب لبعض الأمور أي حسآب ,, من وجهة نظري الإستقرآر هو أهم شي وإنت سآكن في فندق !! وهذآ مكلف بصرآحه !!
آلعآئله أرخص لكـ وأسهل لكـ بكثير وإذآ شفت لكـ أي شخص مستعد يسكن معكـ أطلع من عند آلعآئله ..
بس لآ تعتمــد على أي شخص بآلغربه ,,

ترى وضعكـ مشآبه جدآ لوضعي وقت إنسرقت ببريطآنيآ ومآبقى بجيبي أي شي لآ وكآن وقت إجآزهـ بآلملحقيه وآلبنوكـ بآلسعوديه مقفله !!
وكنت أصلآ مو بآلمدينه أللي سآكن فيهآ كنت أرآجع آلملحقيه وكآن آخر دوآم لهم وآلسرقه صآرت بآلليل ..
يآرجل نمت بآلشآرع من قووو آلحآجه لين آلله يسرهآ من فوق سآبع سمآء ,, كنت أصلي قدآم آلله وخلقه بآلحديقه ولآ عبرتهم ,, وأدعي ربي وأنآ بعز آلبرد ..
وآلحمد لله تيسرت الأمور وكآن درس لآيمكن أنسآهـ ..

آلغربه تعلمكـ وهذهـ ضيفهآ لحيآتكـ ولخبرآتكـ آلقآدمه .. لجل كذآ يقولكـ آلغربه تعلم ..
موفق خير ,,

أشكر كل من قدم الدعم والمساندة هنا .

ولكن أقول بمختصر القول " ماضيق صدري الا عيال ديرتي " المشكلة هو من يدق صدره وبعدها يوهقك .

وسا أرد على الردود

اقتباس:

---

المشاركة الأصلية كتبت بواسطة 1OK

استخدم هذا الموقع في البحث عن شقق
Apartments and Rentals - Find a Walkable Place to Live

فقط كل ماعليك هو وضع عنوانك وسيظهر لك معلومات عن الشقق اللي حولك .. مع اقيامها ..
او بإمكانك ان تجعل الموقع يحدد موقعك الحالي عن طريق زر تحديد الموقع اللي بجانب حق كتابة العنوان ..

ايضا قبل ان انسى .. بعض المعاهد توفر للطالب سكن مع عائله او سكن خاص على حساب الطالب .. ( من باب المساعده ) ..

ولو سألت المعهد سيساعدونك بهذا الخصوص باذن الله ..

---

اشكرك وماقصرت

بالنسبة للمعهد تواصلت معهم أو ماوصلت طبعا السكن مع روميت ويطلع عليك بتكلفة أقل قالوا مايتواجد الا بالصيف , والهوم ستي ممكن تطول مدة البحث وقد تصل الى شهر واقل شيء 900 دولار .

- - - مشاركة محدثة - - -

اقتباس:

---

المشاركة الأصلية كتبت بواسطة قصة كفاح

اخوي أقول لك من الحين أطلع من فرجينيـــــــــا ادري انك بمعهد اللنقوا ويقول لك رخيص ياعمي أطلع ولايات رخيصه وربي تسكن غرفه بحمام وأنتم كرامه بـ 300 دولار الى 400 تقول لي وين أقول لك

روح على قائمة المعاهد المعترف فيها لان شغلة الملحقيه حوسه وشوف لك معهد بولاية ميسوري مره رخيصه وفي غيرها كثير بس هذا اللي يحضرني لكن متاكد في معهد هناك كأني شفت رسومه 460 حقت الترم الواحد

لكن والله أني ناسي اسمه والسكن فيها ع 300 الى 400

لاتجلس بفرجينيــــــا انا كنت مبتعث وبفرجينيا وربي اخر الشهر غير ادق ع الاهل يحولون لي فلوس.

من الان لا ترتبط بسكن مع احد اطلع من الولايه افضل لك

بالتوفيق ان شاء الله

---

أخوي ياليت تزودني بوسيلة اتصال اتواصل معك فيها , صعبة اروح ولاية ما اعرف فيها شيء وانا اخوك .

ياليت ما تتأخر علي بردك

اقتباس:

---

المشاركة الأصلية كتبت بواسطة one way

مادري بس انا اللي الاحظه ان كثير من الشباب من يوم يوصل يطلب المساعدة قبل حتى ما يحاول
طيب يا اخي الله عطاك اسباب اذا انت ماساعدت نفسك وبحثت وتعبت لاتفكر ان احد بيساعدك
هذا ماهو قل جود بأبناء وطني لكن بهالوقت كلن لازم يساعد نفسه والدنيا تغيرت
اول كانو يفزعون لان عدد السعوديين قليل ووسائل الاتصال والمعلومات نادرة لكن الان كلشي متوفر بضغطة زر حجوزات وطيران وتأجير وعقود
اي نعم حنا مسلمين والمسلم للمسلم بس ان جاك شي من احد ولا لاتنتظر فزعة احد
اول ماجينا هينا بس حبينا استشارة من شخص حاط رقمة بالنادي السعودي ولمن كلمناه قالنا روحو لواحد يساعدكم ب 300 دولار
بعدها عرفت ان ماتوكلت على ربي وبحثت واجتهدت محد بيساعدني
مرت علينا ايام الله العالم به بس بالنهاية هالتجارب هي اللي تزيدك قوة وخبرة واصرار
الله يسهل امرك ويسخر لك خلقه

---

الله يصلحك , انا كل يوم جالس على النت أدور بالمواقع والى الآن ماحصلت ولكثرة الأسباب وأبرزها : انت عربي يعني ليس مقبول الى حد كبير بالمجتمعات المفتوحة لما تدور على روميت .
والهوم ستي مو من السهولة تدور , وتواصلت مع أحد الشخاص بالهوم ستاي قال ماراح يفضى الا بعد سبوعين .

لاتقول نبي الشيء جاهز مجهز وماتعبنا عليه وآصابعك ماهي سوا . ولكن اللي يقهر ان يجونك من عيال ديرتك يدقون الصدر ويسحبون عليك !!
دامهم مهب رجاجيل محد جبرهم يجون ويدقون صدورهم وينكبون خلق الله !!

اقتباس:

---

المشاركة الأصلية كتبت بواسطة حروف .. متناثره ..

آلله يعينكـ وأتمنــــى تكون بخير وعآفيه وأموركـ تكون على مآيرآم ,,
صدقت بعـــض وآلفئه آلغآلبه تلآقي مآفيهم خير يضحكـ معكـ كل يوم وبوقت آلشدآئد يسحب عليكـ .. وفي آلمقآبل في نآس وآلله وآلله تذكرهم لو بعد 10سنوآت .. وآلذكر آلطيب هو رآس مآل الإنسآن ,,
بس إنت وآلعلم عند آلله مآحسبتهآ صح وهذآ مو نقصآن فيكـ لكــن يصير إن الإنسآن مآيحسب لبعض الأمور أي حسآب ,, من وجهة نظري الإستقرآر هو أهم شي وإنت سآكن في فندق !! وهذآ مكلف بصرآحه !!
آلعآئله أرخص لكـ وأسهل لكـ بكثير وإذآ شفت لكـ أي شخص مستعد يسكن معكـ أطلع من عند آلعآئله ..
بس لآ تعتمــد على أي شخص بآلغربه ,,

ترى وضعكـ مشآبه جدآ لوضعي وقت إنسرقت ببريطآنيآ ومآبقى بجيبي أي شي لآ وكآن وقت إجآزهـ بآلملحقيه وآلبنوكـ بآلسعوديه مقفله !!
وكنت أصلآ مو بآلمدينه أللي سآكن فيهآ كنت أرآجع آلملحقيه وكآن آخر دوآم لهم وآلسرقه صآرت بآلليل ..
يآرجل نمت بآلشآرع من قووو آلحآجه لين آلله يسرهآ من فوق سآبع سمآء ,, كنت أصلي قدآم آلله وخلقه بآلحديقه ولآ عبرتهم ,, وأدعي ربي وأنآ بعز آلبرد ..
وآلحمد لله تيسرت الأمور وكآن درس لآيمكن أنسآهـ ..

آلغربه تعلمكـ وهذهـ ضيفهآ لحيآتكـ ولخبرآتكـ آلقآدمه .. لجل كذآ يقولكـ آلغربه تعلم ..
موفق خير ,,

---

حاسب كل شيء الا السكن اجتهد اجد عن طريق النت وانا بالسعودية مالقيت , بيني وبينك لابد من أشخاص هنا يدلونك وين الأماكن الأمنة والمناسبة للسكن .
ولكن اللي صار طال عمرك أن الكل قالي من المبتعثين بولايات ثانية " انت اذا رحت امورك راح تتسهل " لان هناك كثير سعوديين وراح يساعدونك .

ولكن للأسف انصدمت من واقع مرير !


وعزالله انك كفو بقصتك وبيض الله وجهك .

- - - مشاركة محدثة - - -

اقتباس:

---

المشاركة الأصلية كتبت بواسطة حروف .. متناثره ..

آلله يعينكـ وأتمنــــى تكون بخير وعآفيه وأموركـ تكون على مآيرآم ,,
صدقت بعـــض وآلفئه آلغآلبه تلآقي مآفيهم خير يضحكـ معكـ كل يوم وبوقت آلشدآئد يسحب عليكـ .. وفي آلمقآبل في نآس وآلله وآلله تذكرهم لو بعد 10سنوآت .. وآلذكر آلطيب هو رآس مآل الإنسآن ,,
بس إنت وآلعلم عند آلله مآحسبتهآ صح وهذآ مو نقصآن فيكـ لكــن يصير إن الإنسآن مآيحسب لبعض الأمور أي حسآب ,, من وجهة نظري الإستقرآر هو أهم شي وإنت سآكن في فندق !! وهذآ مكلف بصرآحه !!
آلعآئله أرخص لكـ وأسهل لكـ بكثير وإذآ شفت لكـ أي شخص مستعد يسكن معكـ أطلع من عند آلعآئله ..
بس لآ تعتمــد على أي شخص بآلغربه ,,

ترى وضعكـ مشآبه جدآ لوضعي وقت إنسرقت ببريطآنيآ ومآبقى بجيبي أي شي لآ وكآن وقت إجآزهـ بآلملحقيه وآلبنوكـ بآلسعوديه مقفله !!
وكنت أصلآ مو بآلمدينه أللي سآكن فيهآ كنت أرآجع آلملحقيه وكآن آخر دوآم لهم وآلسرقه صآرت بآلليل ..
يآرجل نمت بآلشآرع من قووو آلحآجه لين آلله يسرهآ من فوق سآبع سمآء ,, كنت أصلي قدآم آلله وخلقه بآلحديقه ولآ عبرتهم ,, وأدعي ربي وأنآ بعز آلبرد ..
وآلحمد لله تيسرت الأمور وكآن درس لآيمكن أنسآهـ ..

آلغربه تعلمكـ وهذهـ ضيفهآ لحيآتكـ ولخبرآتكـ آلقآدمه .. لجل كذآ يقولكـ آلغربه تعلم ..
موفق خير ,,

---

حاسب كل شيء الا السكن اجتهد اجد عن طريق النت وانا بالسعودية مالقيت , بيني وبينك لابد من أشخاص هنا يدلونك وين الأماكن الأمنة والمناسبة للسكن .
ولكن اللي صار طال عمرك أن الكل قالي من المبتعثين بولايات ثانية " انت اذا رحت امورك راح تتسهل " لان هناك كثير سعوديين وراح يساعدونك .

ولكن للأسف انصدمت من واقع مرير !


وعزالله انك كفو بقصتك وبيض الله وجهك .

الله يعينك ويفرجها عليك ..
ياخوي تطمن هالمواقف والله ثم والله تصير للكل بلا استثناء يعني مو بس انت وتصير مع كل الطبقات الغني والي حاله يمشي
لكن لازم تعرف يا اخوي .. (بعض الناس) مايسكن احد عنده او يقوم بمساعدته لانه (مايعرفه) الا ان كان قريبه او صديقه من السعودية هذي ممكن تنبلع
هذي بعض أنظمة بعض الناس .. ومو معناته مافيهم خير .. هو حر بنفسه وبنفس الوقت معه حق لو قلبتها براسك
لكن ان جيتني انا والله ثم والله لاسكنك عندي واذبحلك ثور امريكي لين ماتجيك الحوالة يعني يناس وخير يطير بيتكسر بيتك لا سكن عندك حق كم يوم ؟
عموماً انت روح لولاية رخيصة لين ربك يفرجها وتنضم للبعثة وحول للولاية الي تبي ,, موفق

شف لك واحد سعودي تحسه رجال، وامسكه وقل له: اليوم رجلي على رجلك نطلع ندور لي سكن، وأعزمك على موكا في ستار بوكس، ترى ربعنا صاروا مثل الأمريكان ما يسوي شيء إلا لشيء.

اقتباس:

---

المشاركة الأصلية كتبت بواسطة 4.5

الله يعينك ويفرجها عليك ..
ياخوي تطمن هالمواقف والله ثم والله تصير للكل بلا استثناء يعني مو بس انت وتصير مع كل الطبقات الغني والي حاله يمشي
لكن لازم تعرف يا اخوي .. (بعض الناس) مايسكن احد عنده او يقوم بمساعدته لانه (مايعرفه) الا ان كان قريبه او صديقه من السعودية هذي ممكن تنبلع
هذي بعض أنظمة بعض الناس .. ومو معناته مافيهم خير .. هو حر بنفسه وبنفس الوقت معه حق لو قلبتها براسك
لكن ان جيتني انا والله ثم والله لاسكنك عندي واذبحلك ثور امريكي لين ماتجيك الحوالة يعني يناس وخير يطير بيتكسر بيتك لا سكن عندك حق كم يوم ؟
عموماً انت روح لولاية رخيصة لين ربك يفرجها وتنضم للبعثة وحول للولاية الي تبي ,, موفق

---

والله وانا اخوك اللي هو رجال وقول وفعل ورجال ومتربية تربية رجال , يقول اعتذر ما اقدر لأسباب التالية :
-
-
-

هذا ناحية الناحية الثانية واللي انا سمعته عن ولاية مجاورة لفرجينيا وينقلها لي أحد الأشخاص اللي اول ماراح لها , يقول حصلت طالب يستقبلنا بالمطار وحنا مجموعة طلاب وقام وزعنا على الطلاب اللي معهم سكن وظلينا كم يوم لين حصلنا سكن .

وربي لو اجي حق واحد هالأيام اقوله معك سكن او تبي روميت , حاس اني طالبه سلف 100 الف

لا بارك الله في الناس اللي مثل ذول

اقتباس:

---

المشاركة الأصلية كتبت بواسطة ابن بيت آل هليلة

شف لك واحد سعودي تحسه رجال، وامسكه وقل له: اليوم رجلي على رجلك نطلع ندور لي سكن، وأعزمك على موكا في ستار بوكس، ترى ربعنا صاروا مثل الأمريكان ما يسوي شيء إلا لشيء.

---

يعلم الله ان بمجرد سؤالك يافلان , تبي روميت معك ولو لمدة مؤقته ؟ بمعنى اني اشاركك اجار السكن

يعني سويت فيك خير زي ماتسوي فيني خير >> ولكن من يفهم هذي المعادلة !!

اخي ريبان تبي الصراحه انت تتحمل الخطأ ....

وش الي يخليك تطلع من السعوديه وانت عارف ان ماعندك سكن هناك ؟؟؟

الأصل والواجب عليك تحجز شقتك في مدينتك في امريكا من السعوديه وتظبط كل امورك من إلى ..... والان في عصر التقنية كل شئ يتـــم .. فيه مكاتب في الرياض تحجز لك كل شئ .....


أو تكلم نادي الطلاب السعودي قبل لا تسافر وتقول لهم يالربع احجوزلي شقه او بيت الي تبي وتستقبلوني في المطار وتاخذوني لشقتي وتعطوني شرح مفصل عن المعهد وعن المدينة ولا مانع لو تاخذوني في جوله فيها بعد ... والان احول لكم الي تبوووون .. بلا منـــة فلان وعلان ...


إإييييييه خلك متكتك وضعك ... لاتصير برحــــــــــه ... وبعدين انت رجل نويت البعثه على حسابك إذن إجمع لا يقل عن 200 الف ريال سعودي للمعهد والسكن وسياره واحلى لبس تلبسه واحلى اكل تاكله ...ولاااا انثبر في السعوديه ... الدراسه في الخارج ترى مو بهذي البساطه الي تتوقعها ..


وصدقني في شباب مبتعثين عن 1000 رجال .. موفق يا وحـــــــش

لا تتعب نفسك مع احد وانا اخوك ولا ترتجي احد ..

الديره ماهي بس للسعوديين ... بمعنى انه مو لازم تكون المساعده من السعوديين .. تقدر تسنع نفسك بنفسك ...

الطريقه طال عمرك .. اما تبحث عن طريق الموقع اللي عطيتك بردي السابق ..

او تبحث بنفسك بطريقتين .. عن طريق سؤال المحلات المجاوره للجامعه او المعهد ...
تسألهم اذا فيه شقق قريبه من حولك .. وراح يعلمونك .. بس تقولهم يكتبون لك عنوانها .. وتروح لها ..

او تركب لك مع تاكسي .. وتقوله ابي شقق للايجار لي .. وهو بيفر فيك على الشقق .. لان التكاسي يعرفون الشقق ..
ولا ازيدك من الشعر بيت .. اكثر ناس يعرفون وين السعوديين يتجمعون هم التكاسي .. يعني منطقة سكنيه غالبيتها سعوديين اول واحد يعلمك هو التاكسي يقولك هذي المنطقه كثير فيها سعوديين .. < من كثر اللي شافوه ..

لحتى ماتلقى شقه كويسه .. تستاجرها ..

هذي الطريقه اللي انا سويتها .. لا سعوديين ولا شي .. ولا احرجت نفسي مع احد ولا احرجت احد معي .. مثل مايقولون الوجهه من الوجهه ابيض ..
جيت وركبت مع تكسي وقلت له ابي شقق ويفر فيني مايقارب ساعتين وانا وياه من مكان لمكان ..
لحتى مالقيت السكن اللي انا فيه .. واستاجرته ونقلت فيه بنفس اليوم بعد .. صحيح التاكسي يعني اخذ مايقارب الميتين وستين دولار ...
بس انها عندي اهون من اني ادفع ثلاث اضعافها في فندق ..

فانت وانا اخوك قم وسنع نفسك لاتربط نفسك مع احد ولا تقعد على رجا احد ...
ان جات الجميله من دون سؤال .. فابرك الساعات .. ماجات .. فالدنيا ماهي واقفه على احد ..

الديره ماوقفت على اللي قابلتهم او حتى على السعوديين اللي بمنطقتك ..

اذا انت لازلت مالقيت سكن .. فانصحك لاتضيع وقتك .. شفلك تكسي وخله يفر بك على الشقق ..
وجهز معك فلوسك .. يمكن بعد تروح مع واحد يعرف له مكان طيب وتستاجر من اول شقق تروح لها ..

هذا الكلام والله من اخو لاخوه .. وانت لك الحشمه والتقدير فديتك ..
لكن من حرصي عليك ...

اخوك محمد

اقتباس:

---

المشاركة الأصلية كتبت بواسطة النـــــادلر

اخي ريبان تبي الصراحه انت تتحمل الخطأ ....

وش الي يخليك تطلع من السعوديه وانت عارف ان ماعندك سكن هناك ؟؟؟

الأصل والواجب عليك تحجز شقتك في مدينتك في امريكا من السعوديه وتظبط كل امورك من إلى ..... والان في عصر التقنية كل شئ يتـــم .. فيه مكاتب في الرياض تحجز لك كل شئ .....


أو تكلم نادي الطلاب السعودي قبل لا تسافر وتقول لهم يالربع احجوزلي شقه او بيت الي تبي وتستقبلوني في المطار وتاخذوني لشقتي وتعطوني شرح مفصل عن المعهد وعن المدينة ولا مانع لو تاخذوني في جوله فيها بعد ... والان احول لكم الي تبوووون .. بلا منـــة فلان وعلان ...


إإييييييه خلك متكتك وضعك ... لاتصير برحــــــــــه ... وبعدين انت رجل نويت البعثه على حسابك إذن إجمع لا يقل عن 200 الف ريال سعودي للمعهد والسكن وسياره واحلى لبس تلبسه واحلى اكل تاكله ...ولاااا انثبر في السعوديه ... الدراسه في الخارج ترى مو بهذي البساطه الي تتوقعها ..


وصدقني في شباب مبتعثين عن 1000 رجال .. موفق يا وحـــــــش

---

بداية أعلق على مبلغ 200 الف ريال :

يالغالي اذا انت عندك المقدرة بالمبلغ غيرك مامعه والبعض اظطر انه يطلع يكمل دراسته لين ربك يفرجها ويلتحق بالبعثة لانه ماحصل وظيفة تغنية عن سؤال الناس .

وضعي باختصار :

ظليت 3 سنين انتظر وظيفة وانا معي هندسة وبعد مرمطة حافز جمعت لي قرشين ودعم من الوالد واللي هو راح يكون محدود

يعني من الطبيعي اني ادور سكن في طور المعقول واما قضية مكاتب , ارجع واقول اصابعك ماهي سوا للمكاتب !


اما قضية النادي الطلابي : بصراحة هذي بحد ذاتها مسرحية . اتصلت على رقم احد الأشخاص للنادي الطلابي وبعد محاولات بالاتصال به اكثر من مرة بالأخير ترد علي " بنت خليجية " وتقول ان هذا الرقم انصرف والعالم جالسة تتصل >>>> هذا النادي الطلابي اللي تفتخر فيه وانا اخوك ؟

ويعلم الله ان هناك رجال ولكن ياكثر من وسخ الرجولة بهذي الغربة !!

هم متو متكفلين بك صراحة

انا عادة اساعد السعوديين الجدد باللي اقدر عليه

لكن اذا مالي نفس اقوله "ما اقدر اساعدك"

يجي يقول ليه و مدري ايش اقوله "بس كذا ما ابغى"

اذا ساعدوك فـ لهم جزيل الشكر...و اذا ما ساعدوك بـ كيفهم و براحتهم...عدم مساعدتهم لك ما يدل على عدم تربيتهم

قرأت موضوعك ولكن لم يسعفني الوقت أن أقرأ التعاليق .
إذا تريد ولاية السكن فيها معقول يتراوح مابين 400 إلى 600 دولار و10 دقائق مسافة المشي إلى المعهد. والمعهد معقول أيضا وهو معهد في نفس الجامعة الواقع في ولاية أركانساس مدينة ليتل روك وسعر المعهد في الترم الواحد هو 3950 دولار وهي ثلاثة أترام تستطيع أن تنجزها خلال 10 أشهر وتدخل الجامعة بدون توفل أو الأيلتس وأنصحك فيه بقوة .
بارك الله فيك وأعانك

الله يعطيك العافية , انا خلصت على المعهد وانا بيني وبينك عندي قبول الجامعة
ولكن انحشت من معهد الجامعة لانه طالب بالترم الواحد 10800 دولار باربعة اشهر .. طبعا مبلغ غير معقول

طبعا ولاية أركانساس مدينة ليتل روك , هل تجهزك للتوفل او ايلتس ؟

وهل مجربها وانا اخوك ؟

- - - مشاركة محدثة - - -

اقتباس:

---

المشاركة الأصلية كتبت بواسطة Twisted

هم متو متكفلين بك صراحة

انا عادة اساعد السعوديين الجدد باللي اقدر عليه

لكن اذا مالي نفس اقوله "ما اقدر اساعدك"

يجي يقول ليه و مدري ايش اقوله "بس كذا ما ابغى"

اذا ساعدوك فـ لهم جزيل الشكر...و اذا ما ساعدوك بـ كيفهم و براحتهم...عدم مساعدتهم لك ما يدل على عدم تربيتهم

---

اولا اخي الكريم ماجبت طاري التربية , هذي ناحية وفعلا هم مهب متكفلين فيني ولكن لا توعدني يا اخي

خليك صريح من البداية وحبل الكذب صغير .

بـ صراحة اللي مو كفو فزعة لا يدق صدره
من جد حاجة تنرفز رجال طول بـ عرض و ما يقدر يوفي بـ كلمته !! ايش بقي من المروءة و من الشهامه

اخوي تقريبا الاخوان غطوا كل الطرق اللي ممكن انه تلاقي فيها سكن بدون مساعدة السعوديين خير شر
بس لو انا منك رح اتصل على رئيس النادي السعودي و استلبش لـ ملة اهله هوه دوره ايش في الحياة !!! و الا بس فالحين في تصوير الكبسات
و يلبسوا الامريكيات كم عباية و يفقعوها كااااي عليهم !!!!

يفترض انه جلست يا اخوي في موتيل مش فندق ,, هذا اول شيء
ويفترض انه تكون عامل حسابك جلستك فيه ما تزيد عن الاسبوع و تقدر انت بنفسك تطلع و تدور

كان حطيت اعلان في المعهد انه تدور على روميت ممكن تتوفق في اي احد
بـ امكانك برضوه انك تلجأ للجامعة و تطق بـ نفس الاعلان و فترة بسيطة وانت ملاقي احد

بس نصيحة اخت لـ اخوها
في الغربة مالك صديق ,, كلللللللللهم خذهم فلة و وناسة و سعة صدر بس تحتاج فعليا مساعدة من اي احد
ما تلقى
سبحان الله احيانا ربي يسدها في وجهك من كل النواحي عشان تتعود على مسألة انه ما ينصرك و لا يعينك احد غيره
كلامي هذا ما ينفي انه فيه قلة من الرجال اللي بكل معنى الكلمة رجاااااااااااااااااااااااااااااااااااااااااااااااا ااااااااااااااال ,, و للاسف انهم زي ما قلت لك قلة

الاخ الفاضل.........

عليك بالتوكل علا الله سبحانه واعلم ان توفيقك به . واقول لكل الاشخاص الذين ذكرتهم هذا والله من ذهاب الاخوة الاسلاميه والعربيه....
ثالثا اخي الفاضل ..........
اذا كنت تريد معهد علا حسابك بالسكن 1000$ في افضل مدينه مدينة سان فرانسيسكو صحيح غاليه لكن انت يهمك قيمة المعهد والسكن .....
فيه معهد ذكره لي احد الاخوه اسمه....
transworld school
,الشهر ب1000$ السكن بالمعهد هذا ماوصلني من احد الشباب
طقق فيه حتا تلتحق بالبعثه والله يوفقك ويسهل امرك ودربك يعني راح يكلفك السكن بالمعهد بالنقل 13000$ سنويا
يعني حدود 49000 الف ريال من غير اكلك وشربك علا حسسب صرفك
وردلي اذا اعجبتك الفكررررره.......
هذا اللي فهمته وعطني علا قد عقلي.....
واحتسب الاجر .....

اقتباس:

---

المشاركة الأصلية كتبت بواسطة أوكاسيا

بـ صراحة اللي مو كفو فزعة لا يدق صدره
من جد حاجة تنرفز رجال طول بـ عرض و ما يقدر يوفي بـ كلمته !! ايش بقي من المروءة و من الشهامه

اخوي تقريبا الاخوان غطوا كل الطرق اللي ممكن انه تلاقي فيها سكن بدون مساعدة السعوديين خير شر
بس لو انا منك رح اتصل على رئيس النادي السعودي و استلبش لـ ملة اهله هوه دوره ايش في الحياة !!! و الا بس فالحين في تصوير الكبسات
و يلبسوا الامريكيات كم عباية و يفقعوها كااااي عليهم !!!!

يفترض انه جلست يا اخوي في موتيل مش فندق ,, هذا اول شيء
ويفترض انه تكون عامل حسابك جلستك فيه ما تزيد عن الاسبوع و تقدر انت بنفسك تطلع و تدور

كان حطيت اعلان في المعهد انه تدور على روميت ممكن تتوفق في اي احد
بـ امكانك برضوه انك تلجأ للجامعة و تطق بـ نفس الاعلان و فترة بسيطة وانت ملاقي احد

بس نصيحة اخت لـ اخوها
في الغربة مالك صديق ,, كلللللللللهم خذهم فلة و وناسة و سعة صدر بس تحتاج فعليا مساعدة من اي احد
ما تلقى
سبحان الله احيانا ربي يسدها في وجهك من كل النواحي عشان تتعود على مسألة انه ما ينصرك و لا يعينك احد غيره
كلامي هذا ما ينفي انه فيه قلة من الرجال اللي بكل معنى الكلمة رجاااااااااااااااااااااااااااااااااااااااااااااااا ااااااااااااااال ,, و للاسف انهم زي ما قلت لك قلة

---

هههههههههههههههههههههههههههههههههههههههه يلبسوا الامريكيات عباية

ابغى اشوف امريكيات بعباية :(

يشيخ ولله انك صادق. الواحد هنا دام عنده اخويا مافكر فيك جديد ولا قديم . لازم تترجاه وتزعجه اتصالات لين يوافق يقابلك. سلموني على نيك وزوجته برييل انا اشهد انهم اطلف واكفء من بعض السعوديين الي تعرفت عليهم

و الله الصراحة لو اني في جامعة في السعودية و اطلب من شخص ما عرفه الا شهر اكيد بيقولي ما عندي ..... ليه لان الدنيا تغيرت

كم واحد طيب انضحك عليه هنا في السعودية, فكيف برا السعودية الي الطيب فيها تغير!

الآن ثقافة المجتمع الي يسلف لشخص ما يعرفه الا كم شهر, هذا للاسف غبي (طبعاً بستثناء القبائل خارج المدن لا زلت فيها النخوة و الرجول, تسلفه يرجعها لك اليوم الثاني بدون اوراق و بدون شي)

اما بالنسبة للسكن فهذا اما شخص يحب الخصوصية و هذا معذور
اما شخص محد يبي يعرف عنه شي الا اخوياه الكتومين
اما شخص ما يعرفك و ما يعرف وش وراك, لان في امريكا ما في يمه ارحميني, لو كان ورا الشخص شي بيروح فيها و يمكن يرحل اذا كان وراه شي
فهو ايظاً معذور

اما بالنسبة للنادي السعودي هذا لا اعرف محله في الاعراب


كل الي اقدر اقوله الله يغنيك عن الناس و يوفقك في دراستك و انشاء الله تنظم قريب


بالتوفيق

اقتباس:

---

المشاركة الأصلية كتبت بواسطة Twisted

هههههههههههههههههههههههههههههههههههههههه يلبسوا الامريكيات عباية

ابغى اشوف امريكيات بعباية :(

---

بسسسسسسيطة
تواصل مع النادي و على طول البوم صور بين يديك :D

هذا دورهم :cool: