افضل طريقة لتحويل فلوسك الى امريكا 2013 بنفس الوقت ومن غير رسوم!

السلام عليكم ورحمة الله وبركاته,,

من غير مقدمات.. بسم الله نبدأ

بنقل لكم تجربتي الشخصيه بالتحويل:

1- حسابي في البنك الاهلي.
2- بطاقة مسبقة الدفع (ماستر كارد) من البنك الاهلي.
3- حسابي في بنك harris في امريكا.

اولاً: حولت المبلغ من حسابي الاهلي الى البطاقه مسبقة الدفع (ماستركارد).
ثانياً: رحت لموقع xe حق تحويل العملات وحولت المبلغ اللي في حسابي الاهلي من ريال الى دولار علشان اعرف كم يطلع.
ثالثاً: رحت لبنك harris وقلت لهم ابي اسوي ايداع, قالو لي كاش؟ قلت لهم لا عن طريق الكريدت كارد حقتي السعوديه, قالو ok, سألوني كم المبلغ؟(راجع ثانياً :D) وقلت لهم, ثم اخذو بطاقتي ورجعوا قالو لي تم,
رابعاً: شيكت على حسابي الاهلي لقيتهم خصمو المبلغ من غير اي رسوم, شيكت حسابي harris لقيتهم اضافو المبلغ من غير خصم. (في نفس الوقت!)

طبعاً تفاجأت لأني ماقد سمعت عن هذي الطريقه وكنت ماني عارف كيف احول فلوسي
ملاحظة: ممكن يكون الوضع غير بالنسبه للبنوك السعوديه الثانيه والبطاقات مسبقة الدفع اللي يصدرونها لعملائهم, اهم شي تعرفه :
- سعر الصرف.
- الحد الاعلى اليومي للمشتريات. (الاهلي اعتقد انه من غير حد اعلى لانه مكتوب في موقع البنك: صفر)

اتمنى اني افدتكم!
ادعوا لي بالتوفيق,,, ربي يحفظكم
فــــي أمـــــان الله..


نسيت اقول لكم ان العمليه تعتبر كـ مشتريات, يعني كأني اشتريت من بنك harris لكن في الحقيقه انا اودعت الفلوس :)



إضافة لعام 2014 :
تجربة أحد الأعضاء في الإيداع عبر بطاقة البنك الأهلي مسبقة الدفع في بنك Chase

طريقه حلوه و مفيده وجعلها بميزان حسناتك اخوي و مشكور هذا الي الكل المفروض يسونه

ياشيخ روح الله يسهل عليك وويسر امورك ويفرج همك وين ماتروح ...

والله انك فكيت ازمه ...

بس صح لازم نتأكد من سالفة الحد اليومي للبطاقه .. وايضا الحد الاعلى لشحن البطاقه ..
لان فيه بطاقات تكون لها حد معين بالشحن .. فبالتالي ممكن تكون مشكله ..

لكن اللي انا اعرفه ان الاهلي مفتوحه .. وعن تجربه بعد .. لكن مشكلتها مثل ماقلت سالفة الموقع < مادري متى يحدثونه ؟
والله من يوم عرفتهم وهم نفس النظام بالموقع .. واللحين زاد على سالفة التحديث كل مره ادش الموقع يقولي ارسال رساله < متى نخلص حنا !

عموما الله يجزاك خير وماقصرت والله انها فكره ممتازه وراح تنفعني بالذات كثيررررر ...


الله يجعلها في موازين حسناتك ...

تحية للمبدعين ياخي ! على كثر ما سألت البنوك والمبتعثين ما قد سمعت بهالطريقة, إيداع بالكريدت .الله يوفقك ويسهل عليك

اخوي صاحب الموضوع يعني فلوسي كلها احطها في البطاقة مسبقة الدفع >>>واروح بنك اوف امريكا >>>اقول لهم ابغى اودع المبلغ اللى في البطاقه >>>فقط >>>صح والا فهمتك غلط

و

ياليت اللى جرب الطريقه هذي من بنك البلاد يعطينا خبر >>>مداد


والف شكر لصاحب الموضوع

الف شكر الله يسهل عليك من جد ياليت احد جرب نفس الطريقه مع بنك اف امريكا ويكون مستخدم بطاقه الراجحي تسوق مسبقة الدفع


بالتوفيق للجميع

وعليـــكم آلسلآم ورحمــة آلله وبركـــآته ..

تــم حفظ آلموضوع بآلمفضلــــه ,, ألف شكر لكـ وربي يتمم لكـ على خير ..

اقتباس:

---

المشاركة الأصلية كتبت بواسطة الزهراااااني

اخوي صاحب الموضوع يعني فلوسي كلها احطها في البطاقة مسبقة الدفع >>>واروح بنك اوف امريكا >>>اقول لهم ابغى اودع المبلغ اللى في البطاقه >>>فقط >>>صح والا فهمتك غلط

و

ياليت اللى جرب الطريقه هذي من بنك البلاد يعطينا خبر >>>مداد


والف شكر لصاحب الموضوع

---

نعم عزيزي بالضبط هذا اللي تسويه, وتأكد من بنك البلاد بنفسك اسالهم عن الحد الاعلى اليومي للمشتريات.
ولكم تحياتي.

تأكد يمكن البنك الاهلي نسبة من المبلغ لاحقا لان اللي انت سويته حسب اعتقادي هو cash advance وهذا الطريقة رسومها مرتفعة

اقتباس:

---

المشاركة الأصلية كتبت بواسطة nasa2009

تأكد يمكن البنك الاهلي نسبة من المبلغ لاحقا لان اللي انت سويته حسب اعتقادي هو cash advance وهذا الطريقة رسومها مرتفعة

---

هلا عزيزي, انا نفسي مو مصدق اللي حصل ومستغرب ان مافيه احد كاتب عن الموضوع هذا, لكن هذا اللي صار معاي بالضبط (من غير رسوم & في نفس الوقت)