زوجي العسكري متخوف من اجازتة الاستثنائية ساعدوني كل شي متوقف على اجاباتكم

السلام عليكم

انا مفكرة اكمل ماجستير وزوجي بيكون المرافق معي
لكن المشكلة زوجي متخوف من الاجازة الاستثنائية خايف مررة بعدما نروح يكون فية مرابطة او شي بدوامة و يقطعون اجازتة ويجبرونة يجي ويتلخبط كل شي لان مستحيل يرضى يخليني هناك ويجي

الله يعافيكم اللي عندة خبرة بهالموضوع بليز يكتب هنا لان زوجي ينتظر اجاباتكم وعلى اساسها بيتحدد اشياء كثيرر

انتظركم .....

هلا اختي اول شي الله يوفقكم و ييسر امركم اتوقع ان في العسكريه شي اسمه اجازه اضطراريه و اجازه بدون راتب و العسكري يقدر يزبط مع الضابط حقه و امره تزين.

جزاك الله خير على الرد .. لكن احنا ماقدامنا الا الإجازة الاستثنائية اللي بدون راتب

لكن استفساري هل ممكن يطلبونة يرجع بعدما ياخذ الاجازة الاستثنائية والا مو من حقهم

قرار من خادم الحرمين الله يطول في عمرة ويخلية لنا
انه اي مرافق غصب عن جهة عملة يخرج مع زوجته اذا كانت مبتعثة وهو مرافق لها وهذا يتم بقرار وزارى
الى على زوجك انه يجهز خطاب يتضمن قرار الابتعاث وكرت العائلة ويطلب اجازة استثنائية بصفتة مرافق لزوجتة المبتعثة و يقدم على مرجعه العسكري اذا رفضوا مثلاً بطلب التكميل للوزير اذا وصلات مكتب الوزير راح يتعامل بالنظام والنظام يسمحلة غصب عن الضابط المسؤل عنه وحتي قائد الكتيبة او اين كان لانه راح يطلع قرار وزارى بالمدة التي سوف يحصل عليها على اجازة استثنائية ولان يستطيع اي شخص قطع اجازتة

- - - مشاركة محدثة - - -

الله يجزاك خير يارب .. لكن استفسار اخير هل يفرق اذا كان قرار الابتعاث على حسابي الخاص او على الحكومة

مالهم حق في قطع اجازته لانه وقتها يكون اجازه بدون مرتب
وبخصوص اخر سؤال لك قرار الابتعاث مايجي الا اللي طالع على حساب الحكومه

يعني انا مااعتبر مبتعثة لأني على حسابي الخااص؟؟؟؟؟

على كذا كيف يقدر زوجي ياخذ اجازة استثنائية بدون قرار الابتعاث ؟؟؟

ردوو علي الله يرضى عليكم

بإنتظاركم :( <<<<<<<<<<<<

يطلب إجازة بدون راتب وبعد ماتلتحقي بالبعثة ويصدر لك قرار يرسله لعمله عن طريق خطاب من الملحقية الثقافية يطلب فيه تحويل الإجازة إلى إجازة مرافقة ويوصي زملائه بمتابعة الموضوع

اذا ع حسابك الخاص ما يحق له الاجازه الاستثنائيه لازم تكونين مبتعثه في برنامج خادم الحرمين الشرفين

- - - مشاركة محدثة - - -

اذا ع حسابك الخاص ما يحق له الاجازه الاستثنائيه لازم تكونين مبتعثه في برنامج خادم الحرمين الشرفين

مشكورين وجزاكم الله خير ... بديت ايأس من تكملة الدراسة لان اذا زوجي مايقدر يرافق معاي مااقدر اكمل دراستي

ولكن ي ( خطوة الحلم الكبير ) كيف ياخذ اجازة بدون راتب هي نفسها الاجازة الاستثنائية مالهم غيرها العسكريين واكتشفت من كلامكم انها محصورة للي بيدرسون على حساب الحكومة لكن اللي على حسابة الخاص مايقدر ياخذها قهرررر وماادري ايش الحل

أولاً بالنسبة للأجازه الإستثنائية فهي سهله وفيها أمر ملكي يمنح إجازه للماجستير لمدة ثلاث سنوات وتمتد إلى أربع سنوات لا أكثر

ولما يأخذ الإجازه لن يصبح له اي متعلق بالعمل نهائياً لا مرابطه ولا شيء


بس لازم لكي تصدر له الإجازه أنك تكوني مبتعثه رسمياً وليس على حسابك الخاص

لأنه شرط من شروطها

طيب ليش ما تقدمين على البعثه بشكل رسمي وبيقبلون فيك إذا معدلك يسمح لك

انتى جربي وقدمي على البعثة والله يوفقك
لكن فية طريقة ثانية ممكن تطلعين على حسابك وتاخذين اخوكي او ابوكي مرافق لفترة 4 شهور وبعد ما تنظمين للبعثة غيري المرافق ليصبح زوجك وفي هذي الحالة يعطونه اجازة استثنائية

الله يعافيكم ويجزاكم خير ... انا تقديري جيد مايسمح لانة اقل من المطلوب

وتقريبا ممكن يكون الحل اللي قالة الاخ (الرئيس العام) اني اخذ اخوي مرافق لي وبعدما انظم اغير المرافق لزوجي

بس متأكدين اني اقدر اغير المرافق اخاف اكتشف بعدين انهم ماسمحون بهالشيء

اقتباس:

---

المشاركة الأصلية كتبت بواسطة وة بس

الله يعافيكم ويجزاكم خير ... انا تقديري جيد مايسمح لانة اقل من المطلوب

وتقريبا ممكن يكون الحل اللي قالة الاخ (الرئيس العام) اني اخذ اخوي مرافق لي وبعدما انظم اغير المرافق لزوجي

بس متأكدين اني اقدر اغير المرافق اخاف اكتشف بعدين انهم ماسمحون بهالشيء

---

حياك الله أختي الكريمة ،.

يمكنك تغيير مرافقك من والدك أو أخاك إلى زوجك وقت ما تريدين حسب أنظمة الملحقية والتي تسمح بتغيير مرافق المبتعثة فلا تقلقي من ذلك.

بالتوفيق ،.

أخوكم
بــن نيـــاز

اقتباس:

---

المشاركة الأصلية كتبت بواسطة وة بس

مشكورين وجزاكم الله خير ... بديت ايأس من تكملة الدراسة لان اذا زوجي مايقدر يرافق معاي مااقدر اكمل دراستي

ولكن ي ( خطوة الحلم الكبير ) كيف ياخذ اجازة بدون راتب هي نفسها الاجازة الاستثنائية مالهم غيرها العسكريين واكتشفت من كلامكم انها محصورة للي بيدرسون على حساب الحكومة لكن اللي على حسابة الخاص مايقدر ياخذها قهرررر وماادري ايش الحل

---

نصيحــــة لاتيأسين ولاتستلمين للفشل أسالي مجرب كثير من الإنظمة نقدر نصيرها من صالحنا بدل تجي ضدنا

اللي بقوله لك أختي

أي موظف عسكري كان يحق له ياخذ إجازة إستثنائية بدون راتب إذا بين ظروف تستحق الإجازة يعني مو شرط دراسة لو ظروف نفسية بحث عن علاج أي شي أخر
لكن مايحق له يطلب إجازة إستثنائية مرافقة إلا بعد صدور قرار الابتعاث

وللمعلومية وأتكلم عن موظفي الخدمة المدنية لو صدر قرار إبتعاث لزوجته مايحق لاي من كان الاعتراض حتى لو العمل في حاجته والعسكري أعتقد كذلك ولاكن ماأجزم وهذا الكلام أقوله لك لان صادر مرسوم ملكي في هذا الشي ونصه يمنح من رافق زوجته للدراسة إجازة لعشر سنوات كأقصى حد ( موظفي الحكومة )

لا أحد يشتتك الإجازة الإستثانية تختلف عن الإجازة الإستثنائية للمرافقة كلاهما بدون راتب وكلاهما لاتدخل في الخدمة لاكن الأولى لابد يقتنع العمل بالاسباب اما الاخرى ( المرافقة ) فلا يجب إقناعهم يكفي إرفاق قرار الابتعاث كما أن الاولى لاتتجاوز سنتين لاكن الثانية تصل إلى عشر سنوات

أنا نصيحتي لك إن تطلبي زوجك يقدم إجازة إعتيادية خارجيه لمدة ثلاث أشهر متواصلة وبعدها إستثانية 3 أشهر ويكون معاك بعدها يصدر لك قرار الابتعاث ومكتوب إسمه فيه يرسله على العمل وصلى الله وبارك

بالتوفيق