-
الإستئناف بعد (الغش) في امريكا .!!
السلام عليكم و رحمة الله وبركاته
يا اخوان تكفون ابي مساعدتكم ضروووووووري
انا طالب ادرس صيدله و على شان ادرس الفارما دي (التخصص الوحيد اللي تبيه الملحقيه في مجال الصيدله) لازم اقدم على American PharmCas Organization
المهم انا قدمت و عبيت الابليكشن و كان فيه Essay تكتبه في الابليكشن ,, المهم انا فكرت essay القبول ليس بذات الاهميه و جمعت من كم منتدى و حطيتها في مكان essay
المهم الحين ارسلوا إيميل علي يقولون بعد الكشف وجدنا إنك ناقل الإيسي و إن نسبة الغش 100% و احتمال كبير ما تدرس فارما دي في امريكا نهائياً ..
و يقولون معك فرصه وحيده و هي الإستئناف !؟؟ احد عنده خلفيه او فكره عن كيف استآنف !!
قالوا لي رد علينا بالإسباب عن طريق الإيميل فقط ..!!
تكفون لازم الإستئناف قبل منتصف مارس !
-
رد: الإستئناف بعد (الغش) في امريكا .!!
هو المشكله بامريكا سألفة الغش عندهم كبيره مو شويه ..
والمقالات لها برامج بحث خاصه عندهم بحيث يحطون المقاله في البرنامج ويطلع لهم كل المصادر اللي فيها نفس الكلام "حرفيا" اللي مكتوب ..
وهذي برامج تكشف التلاعب بالمقالات والطلاب .. وهم ياخذونها بجديه تامه ..
المفروض انك سألت قبل انك تقدم على الشي بدون معرفه .. ويقولك المثل " من سأل ماضاع " ..
الان لابد لك انك تحاول تراسلهم وتعتذر منهم وتبين لهم خطأك وانك ماسويت كذا الا ان الاسسي المطلوب شفته مجرد مطلب اضافي يعني ماتوقعت انه يأخذ بعين الاعتبار ..
وانك سويتيها على عجل بدون ماتاخذ باالاحتمالات .. ولا كنت تعرف ان هذا نظاميا ممنوع ... (ركز على هالنقطه ) ..
يعني تبين لهم غشامتك بالموضوع وان ماكان عندك فكره .. ( وهذا اللي فعلا حاصل ) ...
وتكتب لهم اسسي من عندك (لو كنت بتدرس جامعه على طول ) ..
او تتضمن بالخطاب اسف وتقولهم ان لغتك ضعيفه وانك اساسا جاي عندهم لقبول المعهد حقهم حتى تستكمل دراستك عندهم بعد تحسين لغتك ..!
( لو كنت بتدرس بمعهد ثم تلتحق بالجامعه ) ..
اذا شافوا انك معترف بخطأك .. وبنفس الوقت فعلتك كانت بسبب جهلك بالانظمة .. وانك راح تعتبر من الخطأ هذا وتصححه .. وجاد بهالشي ..
راح يعطونك فرصه ثانيه باذن الله ..
الجامعات تعطي فرصه ثانيه اذا اخطأ الطالب بدون علم عن الانظمة .. !
وادع الله انه ييسر لك امورك ..
وباذن الله الامور تتيسر ..
-
رد: الإستئناف بعد (الغش) في امريكا .!!
الف شكر اخوي و جزاك الله خير
المشكله إنها منظمه كبيره و ليست جامعه ..
الله ييسرها
-
رد: الإستئناف بعد (الغش) في امريكا .!!
و الله يا اخوي اذا نفذت كلام اخونا 1OK و ما مشى الحال مالك حل الا انه
تغير الدولة ,,
و لـ علمك ترى مو بس امريكا اللي كذا معظم دول الابتعاث يعتبر عندهم الغش مصيبة عظمى و اللي ينمسك فيه
في مادة عادية اما يعطى صفر في المادة مباشرة او يفصل ( الجامعات المتساهلة تعطيك صفر محترم )
يعني خلي بالك المرة الجاية
-
رد: الإستئناف بعد (الغش) في امريكا .!!
وعليكم آلسلآم ورحمــة آلله وبركآته ..
مآعندي شي أضيفه .. ولكــن حبيت أدعي لكـ بآلتوفيق وإن آلله ييسر أمركـ ويتمم لكـ على خير ..
وإن شآء الله تعدي آلموقف أللي إنت فيــــه على خير ..
ورب يوفقكـ ويفتح لكـ أبوآب آلخير ..
وعليكـ بصلآة آلليل هـــي أفضل الأوقآت تتقرب فيهآ لرب آلعآلمين وتدعي بآللي خآطركـ فيه ..
وصدقني رح تشوف بركآت آلسآعآت أللي دعيت فيهآ .. قريب بإذن آلله .. ثق برب آلعآلمين ..
موفق خير ,,
-
رد: الإستئناف بعد (الغش) في امريكا .!!
مع تعاطفي معك، إلا أني أقول لك:
سبحان الله، كثير من الشباب من كثر ما تعود على الغش، يغش وهو باقي في السعودية قبل يبدأ الدراسة هنا!
-
رد: الإستئناف بعد (الغش) في امريكا .!!
-
رد: الإستئناف بعد (الغش) في امريكا .!!
مالك الا محامي في امريكا يعرف وين المخارج والمطالع فقط
اما رد اخوي 10k ف اتوقع انه راح يضرك اكثر من انه ينفعك مع كامل احترامي لاخوي الغالي ..
بس اعتذار و تجيهم بالعاطفه وهذا ما يمشي .. مالك الا محامي يدخل فيهم بالقانون و راح يلقى له مدخل او مخرج من هالموضوع صحيح ممكن ما تدرس بهالجامعه لكن ما يسون عليك هولد عن كل الجامعات الامريكيه .
انا اشوف ان خطاك قانوني و ما يعدل هالشي الا شخص فاهم بالقانون .
-
رد: الإستئناف بعد (الغش) في امريكا .!!
اقتباس:
المشاركة الأصلية كتبت بواسطة أبوفهد11
مالك الا محامي في امريكا يعرف وين المخارج والمطالع فقط
اما رد اخوي 10k ف اتوقع انه راح يضرك اكثر من انه ينفعك مع كامل احترامي لاخوي الغالي ..
بس اعتذار و تجيهم بالعاطفه وهذا ما يمشي .. مالك الا محامي يدخل فيهم بالقانون و راح يلقى له مدخل او مخرج من هالموضوع صحيح ممكن ما تدرس بهالجامعه لكن ما يسون عليك هولد عن كل الجامعات الامريكيه .
انا اشوف ان خطاك قانوني و ما يعدل هالشي الا شخص فاهم بالقانون .
الدعوه ماتحتاج محامي .. لانهم اعطوه فرصة الاستئناف وشرح الاسباب عن طريق الايميل حتى يقررون بقبوله او رفضه !..
اخوي سعودي .. ترا لو حطيت رسالتهم اللي جاتك منهم ممكن نقدر نخدمك اكثر ..
لما تترجم الكلام من انجليزي الى عربي تتغير مفاهيم كثيره وتضيع مفاهيم ..
انا انصح بأنك تحط رسالتهم لك هنا حتى نقراها ونقدر نساعدك اكثر ..
لانك لما تقول استئناف .. ماندري وش استئناف وشو هل هو استئناف التسجيل نفسه او استئناف وشو .؟
بالرساله اللي ارسلوها لك راح تكون موضحه هالشيء .. بس ممكن انت ماوضحك لك المعنى منها .. !
-
رد: الإستئناف بعد (الغش) في امريكا .!!
اخوي 10K
هذا نص الايميل :
This letter is to inform you that it has been reported to the American Association of Colleges of Pharmacy (AACP) and to the Pharmacy College Application Service (PharmCAS) that you have potentially violated the PharmCAS Applicant Code of Conduct by plagiarizing your PharmCAS personal essay.
Your personal statement, as well as the items from PharmCAS listed below, was reviewed by the PharmCAS Conduct Review Committee.
1. Per the PharmCAS Code of Conduct you agreed to:
· Act with honesty and integrity throughout the admission process when interacting with school admissions officers, admission committees, and PharmCAS staff.
· Respect the knowledge, skills and values of those involved in the admission process, including the faculty and staff at schools or colleges of pharmacy and PharmCAS staff.
· Respect the autonomy and dignity of fellow applicants, admission staff, college or school faculty, staff, and students, and anyone involved in the admission process.
· Be responsible and accountable for my actions and personally manage and respond to all matters related to my application.
2. Through the Certification and Verification statement, you certified “that all the information and statements I have provided in this application are current, correct, and complete to the best of my knowledge. I understand that withholding information requested on the PharmCAS application, or giving false information, may be grounds for denial of admission to a pharmacy institution participating in PharmCAS or may be grounds for expulsion from the institution I have been admitted and may prevent me from entering the pharmacy profession… I agree that my admission essays and other materials may be subject to submission for textual similarity review to Turnitin for Admissions for the detection of plagiarism duplication as a potential violation of the PharmCAS Applicant Code of Conduct. I am aware that all submitted essays and other materials will be included as source documents in the Turnitin for Admissions reference database solely for the purpose of detecting plagiarism of such documents.”
3. Your signature on the PharmCAS Applicant Code of Conduct and your certification of the certification and verification statement served the same purpose as a legal signature, and are binding.
4. The PharmCAS instructions in the Personal Essay section state, “Please be aware that your admission essay may be subject to submission for textual similarity review to Turnitin for Admissions for the detection of plagiarism duplication and other potential violations of the applicant code of conduct. All submitted essays and other materials will be included as source documents in the Turnitin for Admissions reference database solely for the purpose of detecting plagiarism of such documents. ”
The case was reviewed by the PharmCAS Conduct Review Committee and it has been decided, as per the Code that you signed as part of your PharmCAS application, that you have violated the PharmCAS Applicant Code of Conduct, due to blatant plagiarism. PharmCAS will not allow you to reapply to the application service in the future.
Should you choose to appeal this sanction, you have ten (10) business days to submit your appeal letter and any documentation to Katie Owings (kowings@aacp.org) in writing. The deadline for the receipt of this informationis March 1, 2013.
If you would like to discuss the matter of plagiarism and how you could have prevented it in this case, feel free to contact me.
-
رد: الإستئناف بعد (الغش) في امريكا .!!
شف لك بلد ثاني الكلام واضح وغير قابل للاعتراض
3. Your signature on the PharmCAS Applicant Code of Conduct and your certification of the certification and verification statement served the same purpose as a legal signature, and are binding.
-
رد: الإستئناف بعد (الغش) في امريكا .!!
ماشاء الله عليك هالقوانين كلها والشروط ولا عرفت انهم راح يعرضون كتابتك على برامج الكشف عن الغش !
شف وانا اخوك .. امورك واضح انها ان شاء الله فيها امل باذن الله ..
اكتب خطاب الى Katie Owings .. موضح فيه الاسباب اللي خلتك تغش .. وتطلب منها انهم يعطونك فرصه ثانيه .. (بنفس الطريقه اللي قلت لك سابقا ) ..
وترفق معها Essay تكتبه بنفسك .. او تخلي احد يكتبه لك .. الموهم انه يكون مبتكر ومو منقول ..
وتتضمن بالخطاب اسفك واعترافك بغلطك وانها اول مره وماراح تتكرر .. وانك جدي بالموضوع وعلشانك جدي كتبت الايسي وارفقته ..
مع شوية كلام يوضح طموحك وايش ناوي تسوي لو تتخرج .. وبنفس الوقت تقولهم هذا خطأي وانا اعترف فيه بس مابي هالخطأ يوقف مستقبلي كله .. يعني من هالكلام ..
بالمختصر لابد يكون كلامك فيه نوع من ( الاسف + الجدية التامة + الصدق + طموح ) ..
وحاول ماتكثر كلام خلك سيده بكلامك يعني لاتكثر كلام خلك بالزبده !
شوف هالملف :
https://www.google.com/url?sa=t&rct=...42553238,d.eWU
راح يفيدك ان شاء الله ..
وباذن الله راح تتحسن الامور ويستأنفون الابليكشن حقك ويكملونه ..
ولا تنسى الدعاء ثم الدعاء ثم الدعاء والتوكل على الله ..!
بدونها صدقني ماراح يتعدل شي وحالتك راح تكون اسوأ !
الله ييسر لك امورك ويفرج همك ويسهل دربك ياغالي ..
-
رد: الإستئناف بعد (الغش) في امريكا .!!
اقتباس:
المشاركة الأصلية كتبت بواسطة مجنون الحاسب
شف لك بلد ثاني الكلام واضح وغير قابل للاعتراض
3. Your signature on the PharmCAS Applicant Code of Conduct and your certification of the certification and verification statement served the same purpose as a legal signature, and are binding.
:(
بس اخوي يوم كلمتها قالت لي بــ إمكانك تستآنف خلال 10 ايام ...!
-
رد: الإستئناف بعد (الغش) في امريكا .!!
جزاكم الله خير جميعاً و دعواتكم
-
رد: الإستئناف بعد (الغش) في امريكا .!!
الله يعينك انشاء الله سهلات
-
رد: الإستئناف بعد (الغش) في امريكا .!!
-
رد: الإستئناف بعد (الغش) في امريكا .!!
فاهم غلط يا M-F
الله يصلحك بسس
-
رد: الإستئناف بعد (الغش) في امريكا .!!
اقتباس:
المشاركة الأصلية كتبت بواسطة M-F
انا مافريت موضوعك بس كفو غش وفي امريكا ههههههههههههههههههههه فضحتنا ارجع ارجع قدم بحافز احسن لك:laughing1:
كيف كانت طريقة غش اوراق مصغره او لابس سروال وفنيله في امريكاء ومعبيهن فل:) الى متى ورايح لمريكا وشهوله اقول يالذيب ماتبي مرافق:D
يمقن نحتاج مرافقين :)
-
رد: الإستئناف بعد (الغش) في امريكا .!!
بشرنا ايش بيصير معاك بعد ما تكتب الاسساي و تستأنف
-
رد: الإستئناف بعد (الغش) في امريكا .!!
السلام عليكم ورحمت الله وبركاتة
أخوي سعودي
أنا درست في امريكا قانون سنتين ومن خلال تعاملي مع الامريكان تبين لي انهم ناس عكسنا عندهم حسن يغلب على سوء النية بس ترى ما هم أغبياء لذلك نصيحتي لك كالآتي:
1- حذاري من الاعتراف بأنك غشيت لان مشكلة الامريكان ماعندهم فرصة أكاديمية ثانية .
2- أكتب essey شبية (((( بافكار العامة فقط)))) لل essey اللي نقلتة بالابلكيشن بس أتعب علية من جميع النواحي الافكار وترابطها وترجمتها ، لان هذة النقطة راح تحل نص المشكلة.
3- قولهم ان سبب سوئ الفهم هو انك محتقظ بكثير من المقالات و الابحاث إلى جانب المقلات الخاصة فيك على اللاب توب الخاص فيك وإنك بالخطأ بدال لا تحط ال essey الخاص فيك حطيت المقال اللي متهمينك فية.
وبالتوفيق إنشالله .
-
رد: الإستئناف بعد (الغش) في امريكا .!!
فعلاً كلام سليم ،،،،،،،،،،،
-
رد: الإستئناف بعد (الغش) في امريكا .!!
اقتباس:
المشاركة الأصلية كتبت بواسطة bo fahad
السلام عليكم ورحمت الله وبركاتة
أخوي سعودي
أنا درست في امريكا قانون سنتين ومن خلال تعاملي مع الامريكان تبين لي انهم ناس عكسنا عندهم حسن يغلب على سوء النية بس ترى ما هم أغبياء لذلك نصيحتي لك كالآتي:
1- حذاري من الاعتراف بأنك غشيت لان مشكلة الامريكان ماعندهم فرصة أكاديمية ثانية .
2- أكتب essey شبية (((( بافكار العامة فقط)))) لل essey اللي نقلتة بالابلكيشن بس أتعب علية من جميع النواحي الافكار وترابطها وترجمتها ، لان هذة النقطة راح تحل نص المشكلة.
3- قولهم ان سبب سوئ الفهم هو انك محتقظ بكثير من المقالات و الابحاث إلى جانب المقلات الخاصة فيك على اللاب توب الخاص فيك وإنك بالخطأ بدال لا تحط ال essey الخاص فيك حطيت المقال اللي متهمينك فية.
وبالتوفيق إنشالله .
طيب وش السواة إذا هي تقولي اعرف حتى المكان اللي غاش منه !!
انا المشكله اخذته (نسخ - لصق ) بدون اي تغيير ..!!
الله يعين :)
-
رد: الإستئناف بعد (الغش) في امريكا .!!
اقتباس:
المشاركة الأصلية كتبت بواسطة سعودي امريكي
طيب وش السواة إذا هي تقولي اعرف حتى المكان اللي غاش منه !!
انا المشكله اخذته (نسخ - لصق ) بدون اي تغيير ..!!
الله يعين :)
هلا أخوي سعودي
أعتقد انه ردك راح يكون مقبول إذا قلت إنك بالغلط بدال لتسوي نسخ لموضوعك اللي حافظة على الكمبيوتر الخاص فيك سويت نسخ للموضوع اللي متهمينك فيه واللي قولهم إنه محفوظ بنفس الملف اللي فية ال essay بس أخوي بس علشان يكون ردك مقنع لازم يكون عندك essay قوي خاص فيك وجاهز علشان ترسلة مع ردك . الاستئناف يعني بيعطونك فرصة تدافع عن نفسك وعلى الأقل هذا الرد راح يحميك بعد الله إذا راسلت جامعة ثانية. تحياتي أخوي وبالتوفيق :)
-
رد: الإستئناف بعد (الغش) في امريكا .!!
اقتباس:
المشاركة الأصلية كتبت بواسطة سعودي امريكي
طيب وش السواة إذا هي تقولي اعرف حتى المكان اللي غاش منه !!
انا المشكله اخذته (نسخ - لصق ) بدون اي تغيير ..!!
الله يعين :)
انا احذرك يا عزيزي من الاعتراف بالخطأ .. هما لما يكشفون احد الكل يجيهم بالعاطفه واني اسف ،اعتذر وتكفون اسمحوا لي .. وهذا ما يمشي بالقانون .!!
انت لا تخليهم يمسكون عليك شي بشكل شخصي ..
انا قلت لك برد سابق ابحث عن محامي تدفع له ٣٠٠ دولار يساعدك بحلول تفك الازمه .. المحاميين صارت لهم اشياء مثل هذي كثثثير وكثير جدا وعارفين كيف الطريقه اللي يطلعون منها
ب اختصار : اذا اقريت بالخطأ معناته باي باي امريكا
-
رد: الإستئناف بعد (الغش) في امريكا .!!
اقتباس:
المشاركة الأصلية كتبت بواسطة أبوفهد11
انا احذرك يا عزيزي من الاعتراف بالخطأ .. هما لما يكشفون احد الكل يجيهم بالعاطفه واني اسف ،اعتذر وتكفون اسمحوا لي .. وهذا ما يمشي بالقانون .!!
انت لا تخليهم يمسكون عليك شي بشكل شخصي ..
انا قلت لك برد سابق ابحث عن محامي تدفع له ٣٠٠ دولار يساعدك بحلول تفك الازمه .. المحاميين صارت لهم اشياء مثل هذي كثثثير وكثير جدا وعارفين كيف الطريقه اللي يطلعون منها
ب اختصار : اذا اقريت بالخطأ معناته باي باي امريكا
أخوي الله يهديك لا تخوف الرجال. مسالة محامي والاعتراف في الخطأ إذا كان في قضية جنائية أمام محكمة. القضية هنا ليست جنائية وليست أمام محكمة. المسالة باختصار انوا الجامعه اكتشفت انوا خطاب الغرض من الدراسة منسوخ طبق الأصل من خطاب سابق وهذا يعتبر غش في أمريكا.
الحل وصدقني باذن الله بتزبط أمورك. اكتب خطاب واذكر انوا الي كتبلك الخطاب شخص لغتوا الانجليزية جيدة. محتوى الخطاب أنوا انت كنت على جهل تام بالأنظمة في أمريكا حيث لم يسبق لك أبدا السفر إلى أمريكا وانوا انت مستحيل تقوم بفعلتك هذه إذا كنت تدري الي فعلتوا غش. أيضاً اذكر انوا لغتك الانجليزية ضعيفه جداً وأنك حتدرس لغه أولا قبل الالتحاق بالجامعة. وأخيرا اذكر اسفك الشديد على فعلتك وانوا إذا بالإمكان إعطائك فرصة أخرى.
صدقني باذن الله بيمشولك هيا وخاصة انك صادق في ما كتبت
الله يوفقك يا رب ويسهل امرك
-
رد: الإستئناف بعد (الغش) في امريكا .!!
يا اخوان انا حاولت اكلم محاميين و اتصلت على 4 محاميين و كلهم قالوا اول شي تدفع 2500 دولار و بعدين نبداء معك بالساعه !!
طيب إذا كتبت لهم إن السبب كان ضعف في اللغه , ألا يعتبر هذا اعتراف ؟
طيب السفاره و القنصليات ما تفيدني !!
-
رد: الإستئناف بعد (الغش) في امريكا .!!
الله يعينك والله المني ما صابك يا صاحبي
ولكن الإخوان بينو لك بعض النقاط الي قد تفيدك وجرب ما انت خسران خصوصا انك أسعار المحاماة غالية جدا
فجرب الاعتذار وكتابة مقال جديد وبين الخطأ مع الكثير من الأسف وكمال قالوا الإخوان جرب والله يكون في عونك
واذا تقدر على محامي وعندك مبلغ لا تنتظر أبدا أو مقالة واعتذار وإقرار بعدم تكرار هذه الأشياء مرة ثانية
-
رد: الإستئناف بعد (الغش) في امريكا .!!
الله ييسر امرك .. اتوقع تشوف لك محامي احسن .. لان الفرصه لو راحت خلاص
-
لا عاد تتعاودها
_____________________________ لا عاد تعودها ___________________________
-
رد: الإستئناف بعد (الغش) في امريكا .!!
الحمدلله على كل حال :)
بعد ما كتبت ورقة الاستئناف عن طريق شخص له علاقه بالقانون و ارفقت معه إيسي جديد ,, رفضوا إستئنافي و ذلك لآن نسبة الغش 100% :(
لكن الحمدلله فيها خيره ,, فــ بإمكاني ادرس تخصصات اخرى في الصيدله غير الاكلينيكيه لعل لم يكن هذا التخصص خير لي .
الحمدلله الحمدلله الحمدلله إنه لم يكن القرار شامل جميع مجالات الصيدله ..
شكراً لمشاعركم يا اخوان و الف مبروووووووووك لي للبقاء في امريكا و تكملة دراستي :)))
-
رد: الإستئناف بعد (الغش) في امريكا .!!
اي والله الحمد لله على كل حال وانا اخوك،،،
لعلها خيره لك
والله كنت متعاطف معك الى ابعد درجه ومبرووك انها جت على كذا