عرض للطباعة
السلام عليكم
ارجوا إفادتي بموضوع الدراسه على حسابي الخاص هل مبلغ 10 آلاف شهريا سعودي هل كافيه كمصاريف وسكن ومعهد وإذا كان الجواب لا فما هي المصاريف المحتملة شهريا كامله حتى بالمعهد
وماهي المدن والولايات التي ممكن تمشي نفسك بمبلغ مثل هذا ارجوا ألمساعده حيث اني خارج لدراسه الماجستير
الله يوفقكم ولا يحرمكم الأجر
ما اقدر احدد بس بفيدك بهالمعلومات البسيطه يمكن تفيد
طبعا المبلغ اللي معك شهريا 2600 دولار تقريبا
مكافاة الطالب المبتعث تقريبا 1800 دولار لكن الملحقيه تتكفل بالتامين الصحي وهذا مطلوب منك حتى لو كنت على حسابك الخاص بس تقدر تشوف شركة تامين ارخص . كذلك رسوم المعهد اذا قدرت تامن رسوم المعهد والتامين في البدايه فبعدها المبلغ اللي معك يكفي وزياده باذن الله
اشكر لك وقتي اخوياقتباس:
المشاركة الأصلية كتبت بواسطة wind soul
لكن كحسبه مبدئيه وتقريبيه للمصاريف الشخصيه والسكن والتأمين الطبي هل تستطيع اخباري كرقم. بغض النظر عن المعهد لان المعهد راح ادفع سته شهور كامله قبل القدوم
وبالنسببه للولايات هل هناك ولايه ينصح بها من ناحيه الغلا والرخص
اخوي انا نفس حالتك بالتمام وناوي اطلع بعد عيد الفطر ( بداية الترم هناك ) وعندي صديق لي في احدى ولايات امريكا جالس يكمل ماستر هناك،
المهم على حسبتي انا واياه المعهد + التأمين الصحي + السكن + مصاريف اكل وشرب ومواصلات
تكلف ٥٠ ألف تقريبا لمدة ٦ شهور
حسب المكان اللي رايحله، في مدن رخيصو ومعاهدها رخيصة بالنسبة لباقي مدن امريكا
زي اللي انا الان فيها
تعتمد على الولايه اللي رايح لها واسعار المعيشه فيها .. وايضا اسعار المعاهد تختلف من معهد لاخر ..
ولكن العشره الاف ريال شهريا راح تكفيك فقط كمعيشه .. واما المعهد فله حسبته الخاصه ..
فالافضل إنك تجعل لمعيشتك حسبه .. وقيمة المعهد حسبه ثانيه ...
ماتحسبها مع بعض .. لان هذا راح يضيعك ..
والحسبه الجماعيه هذي راح تخليك تصرف بدون ماتحس وممكن بالنهايه راح تصرف من فلوس المعهد وبالتالي تجيب العيد .
شوف المعهد اللي انت رايح له .. كم اسعاره .. واخصم قيمته وخلها على جنب ..
بقية القيمه احسبها على المعيشه من سكن واكل وفواتير .. واستبعد الامور الاختياريه (مثل السياره او الاثاث وماشابه ذلك ) ..
يعني تقدر تحط لك اولويات بالدفع .. وتأجل بعض الامور لاجل تجيب قيمة امور ثانيه وتخفف عليك الصرفيه ..
وإذا انظميت للبعثه ان شاء الله واستقريت بولايه وبديت جامعه .. وقتها تقدر تستقر وتأثث وتضبط على مزاجك ..
هذي فقط نصيحه لك حتى لاتقع في غلطة غيرك ..
مرحبا طموح
طيب ياغالي يعني حسبتك تقريبا 9 الاف كل شهر وهذي حسبتي انا من 8 الي 10. ألاف لكن وين ولايتكم ياطموح وكم رسوم معهدكم وشنو اسمه ولاعليك امر
بالبداية راح تتكلف بمبالغ كبيره ( التأمين + السكن "مبلغ تحت الحساب نفس مبلغ الأجار" + اساسيات ممكن تحتاجها بالسكن )). بعدها راح تكون مصاريفك عاديه لأكل وشرب , وكل بداية سمستر ( او مستوى ) مبلغ للكتب.
يعني 10 كافيه وزود ان شاءالله , بس حاول اول ماتجي يكون معك 20 الف لشهرين, وخلص امورك المهمه, والباقي خله ع جنب للأشهر الجايه. واذا احتجت (الله يعينك) تتصل ع الي راح يتكفل بمصاريفك وانت بامريكا ويحول لك.
موفق
اخوي الولايه اسمها اركنسا طبعاً الولايه حسب مافهمت انها كئيبه لكن فيها جامعات حلوه وميزتها الرخص بس
طبعاً المعهد تابع للجامعه سعر الترم اربع شهور (٤٦٩٠) مع التأمين والسكن مع عائله من ٢٥٠ الى ٣٥٠ بالشهر والسكن برى من ٥٠٠ وفوق
هي كبدايه حلوه الين الواحد يلحق ويظبط اموره وبعدين يشوف له ولايه ثانيه،،،
وعليكم السلام ورحمة الله وبركاتة
اخي بن حمد انا راح اعطيك مصاريف الدراسو بمدينة سياتل شاملة رسوم المعهد و السكن و مصروف اليد
طبعا المدينة و الولاية تعتبر غالية يعني التاكس 9.5% يعني جدا مرتفع
المعهد اليوداب و نظام الدراسة بالكوارتر و كل كوارتر شهرين و نص و اسبوعين اجازة يعني تقدر تقول كل كوارتر ثلاثة اشهر
طيب نحسبها شهريا
دراسة واحد كوارتر بتكلفك تقريبا 3000 دولار تقريبا 1000 دولار كل شهر
كتب و خرابيط تقريبا 300 او 400 دولار تقريبا 133 دولار شهؤيا
تامين طبي لمدة كوارتر اعتقد 100 دولار تقريبا 33 دولار شهريا
كرت باص لمدة كوارتر اشهر 120 دولار 40 دولار شهريا
سكن كلفني مع عائلة تقريبا 600 دولار شهريا
فاتورة جوال 50 دولار شهريا
شنطة مدرسة استخدمتها سنتين كرفتها كرف 60 دولار
مصروف يد اكل و خرابيط على حسب صرفيتك بس نفرض 500 دولار شهريا
يعني شهريا راح تدفع 2416 دولار تقريبا 2500 دولار شهريا و هذي راح تطلع بالسعودي 9375 ريال سعودي
اتوقع لو تروح ولاية رخيصة و معهد رخيص راح تكفيك و بتزيد
و للمعلومية في رسوم راح تدفعها دفعة وحدة مثل المعهد راح تدفع رسوم كوارتر اي 3 شهور دفعة واحدة مو اقساط بس اتوقع ان 10000 ريال سعوديراح تكفيك و زيادة شهريا
لو ردي افادك ادعيلي و لوالدي بالرحمة و المغفرة
السلام عليكمارجوا إفادتي بموضوع الدراسه على حسابي الخاص هل مبلغ 10 آلاف شهريا سعودي هل كافيه كمصاريف وسكن ومعهد؟
نعم كافية وتزيد لاكن اختر المعاهد الرخيصة (300-500) دولار شهريا