مهم جدا لأي واحد جاي على امريكا

احم احم .. اول موضوع لي لازم احم احم


سلام عليييكم جميعا


احب اقولكم نوقطة واحدة موهيمة ... لأ نقطتين خلاص

اول شي قبل ما تجو على امريكا لااااااااااااازم كل واحد يسوي برنت من الاحوال .. البرنت هاذا يبين انو الشخص ماهو شغال لأي قطاع حكومي...
لأنو لمن جيت سالوني عنها الملحقية لأنو صارلي كان سنة متخرج فسالوني ايش سويت في السنة هادي والحمد لله اني كنت جايبها دخلتها بعيونهم وشافو انو مو موظف..

فكل واحد لا ينسى البرينت هادا من الاحوال...



الشششششششي التاني هوا السكن كل واحد يحجز سكن قبل ما يجي على امريكا لأنو في مدن كبيرة زي فيلاديلفيا صعب تلاقي سكن بسرعة وتضطر تسكن في اي محل وان كان سعره مرتفع لكن مضطر ..

فالأفضل تسأل عن السكن وتحاول تحجز بدري بدري ..


يارب تكون تفيدكم الكلمتين هادي.. :)

:drool1:

شاطر شاطر ..فلادلفي
1- ما راح اجيب برنت
2- شكلها فلافل دي تخوف بديت احس انها مو شي

يعطيك العافيه.....يعني تقولي لو الشخص ماجاب برنت من الاحوال ونفرض انه كان يشتغل في قطاع حكومي....راح يرجع على اقرب طياره!

تسلم يالذيب ما قصرت

تحياتي

طيب اخوي لو ما جبت البرنت لأن الشغل لفوق راسي وصراحة ما عندي وقت اروح للاحوال

بالنسبة للسكن اعتقد معك حق وشكراً جزيلاً لك .

اما هذي كثر منها لازم برنت

ياخي الملحقية تسال مجرد اسئلة فقط ولا يحتاج اثبات ولا شي
الطالب لما يجي الملحقية معناته خلاص عنده قبول في برنامج الملك وعند قرار لابتعاثه والملحقية مالها دخل في الامور هذي هي شغلتها بس تتابع الطلاب اكاديميا وتهتم بهم

قبل ما تحط مواضيع زي هذي تشوش على الطلاب الجايين الجدد وتسوي ضجة لازم نناكد لان كلامك محسوب عليك

يا اخوي انا صارلي الموقف هادا وصار لواحد تاني قدام عيني وخلا اخوه اليوم التاني يروح الاحوال ويطبع البرينت ويرسله فاكس

انا ليش حاشوش على ناس جاية هنا وبحاول اساعدهم بقد ما اقدر .. لا تحكم عالشخص بدون ما تشوف ايش بيعمل عشان

اخواني مراح تخصرو شي لو ما جبتوها !!!!!!!! بس لو تلاحظو من متطلبات البعثة انك ما تكوني موظف حكومي ومافي اييييييييييي ورقة راح تثبتلهم انك مو موظف حكومي غير هاذي الورقة

ما اظن بيرجعونك عشان هالورقة .. بس احتياطا جيبها مو احسلك بدل المرمطة والتعب ؟!!

بس كل الي سألوهم كانو مرافقين !!

فما أدري عن المبتعثين لكن المرافقين متأكد مية في المية انهم يطلبو ورقة البرينت من الاحوال او اي دليل يثبت انه مو موظف حكومي ...


والله يوفق الجميع

اخوي احنا نتكلم عن المبتعثين

وانت في البداية تكلمت على ان الموضوع يخص المبتعثين والحين صاروا مرافقين
يعني انت مرافق؟؟

ارجوا انك تتاكد من الموضوع عشان الاخوان يستفيدون

اخوووووووووووووي مو خسرانين شي لو جابوها للإحتيااااااااااااط !!؟؟


انا ايوا مرافق وبحول قريب ان شاء الله ... بس لمن جيت طلبو مني البرنت ...


انا مو متأكد اذا المبتعث مطلوبة منه بس يعني للإحتياط الي يقدر يجيبها يجيبها يعني ماراح يخسر ولا شي ومو القصد اني اتعبكم او افجعكم لكن القصد انو عشان شي تقدرو تسوونه ومابتخسرون شي لو جبتوها معاكم عشان لو طلبوها تكون عندكم وما تترمطو ...

الاحتياط واجب يا اخ باتريوت


سامحونا لو غلط وقلت مبتعثين انا الي متأكد منه انه يطلبوها من المرافقين .. لكن المبتعثين الله اعلم ...

كلامك غير صحيح للأسف ..

انا ومعاي 30 واحد كنا في الملحقية ما قالوا لنا وين كنت تشتغل والا وين قاعد

يالله يالله يدفون نفسهم عشان يخلصون البطاقات ويفتحون الملفات ويوزعوننا على المشرفين الدراسيين

وعددنا يعتبر قليل جدا مقارنة بالرحلات اللي قبلنا واللي بتجي بعدنا وانت تقول برنت

يا شباب توكلوا على الله و موضوع انك كنت او مازلت موظف محسوم هنا قبل لا تروح اما هناك يرحبون فيك وشغلهم الشاغل كيف تترتب امورك عندهم وكيف تتواصل معهم و ايش هي حقوقك

اثارة البلبلة ما تنفع حتى لو تقصد فيها توجيهه الطلاب انت قاعد تبهذلهم

اكيد مو منطق...لأن الوزاره مشيكه قبل وخلصت الاجراءات ورشحتك للأبتعاث....مو مسؤولية الملحقيه انها تشيك من جديد..

عموما الأخ اكيد يقصد المرافقين زي مقال .....اجتهد وجزاه الله خير

والله هاذا الي صار معاي وبراحتكم الغلط مو عليكم على الي بيحاول يفيد

ان بعض الظن اثم :)

ولو شايفين اني بابهدل الناس روحو شوفو مشاركاتي كلها اذا كان قصدي ابهدل عاد بذمتكم هادي والنية ربي عالم فيها

مشكور فيلادلفي

بالتوفيق

الحمد لله اني لقيت احد يقول نفس الكلام بس توووني قريتها..

والي هو ان المرافق بس الي طالبين منه البرينت

وهاذا الموضوع شوفو رقم 3 ايش يقول http://www.mbt3th.us/vb/showthread.php?t=33051