هل ِإنهاء معاملة روتينية يستلزم السفر لواشنطن؟
عندي معاملة قبول لدرجة الماجستير لها فترة طويلة وأريد من المشرف فقط توصيلها لجامعتي في الرياض، وللحين ما صار شيء والتعامل بطيء جدا.. وإلى التفاصيل بالتواريخ :D :
25/5/2013 : تقديم الطلب
31/5/2013 : الرد بأني رفعت الطلب بالمكان الخطأ
31/5/2013 : رفعت الطلب في المكان الصحيح
6/6/2013 : الرد بأن الطلب مرفوض لأسباب دراسية (مع أني شرحتها سابقا) وهنا أخذ مشرفنا إجارة ورحنا لمشرف مؤقت
11/6/2013 : رفع الطلب نفسه بعد توضيح وتبرير الطلب
18/6/2013 : تحويل الطلب لقسم شؤون الجامعات
18/6/2013 : إعادة الطلب للمشرف الدراسي
18/6/2013 : تحويل الطلب لمدير الإقليم
20/6/2013: إعادة الطلب لي لإرفاق قرار الابتعاث
21/6/2013 : تحويل الطلب مرة أخرى لمدير الإقليم
24/6/2013 : مدير الإقليم رجعها للمشرف الدراسي
حتى اليوم الطلب تحت الدراسة :)
فالسؤال الأول : هل التأخير هذا عادي ويحصل مع الكل؟
السؤال الثاني : هل تنصحوني أروح للملحقية بنفسي أتابع معاملتي ولا هذا ما يفيد؟
وللتوضيح مرة أخرى: المطلوب فقط هو إرسال قبولي لجامعتي بالرياض حتى تنظر لجنة الابتعاث فيه.. ولا أحد يقول أرسل إيميلات لأني أرسلت لسعادة الملحق ومدير مكتبه ومساعديه ومستشاريه والسكرتاريا ولقسم الشكاوى ولقسم شؤون الجامعات ولقسم الشؤون الدراسية ، وبالأخير ما صرت أقرأ المنصب، أنسخ الرسالة نفسها وأرسلها لأي واحد :) وطبعا ما أحد يرد
رد: هل ِإنهاء معاملة روتينية يستلزم السفر لواشنطن؟
بأختصار
اذا الوقت مهم بالنسبه لك اتوقع لازم تروح لهم لأن بصراحه في ناس هناك ماتفهم
ولا تنسى تآخذ جميع اوراقك معك
رد: هل ِإنهاء معاملة روتينية يستلزم السفر لواشنطن؟
أبشركم رد المشرف اليوم وقال اكتب معروض تشرح فيه وش تبي بالضبط :)
شيء محبط لكن الظاهر المعاملة أخيرا بتروح الرياض يوم الاثنين
رد: هل ِإنهاء معاملة روتينية يستلزم السفر لواشنطن؟
الطلب ماخذ شهر .. واحسك مبسوط!
افضل شي تروح لهم لانه ايميلات وتلفونات مايردون
اليوم اتصلت زي المجنونه ع كل ارقام المكاتب حتى الي مالها علاقه بطلبي!
ولاااااا احد رد .. فمسكت ع رقم واحد لمده تقريبا نصف ساعه ولمن رد انفجعت وبكيت هههه
رد: هل ِإنهاء معاملة روتينية يستلزم السفر لواشنطن؟
اقتباس:
المشاركة الأصلية كتبت بواسطة Abeer 511
الطلب ماخذ شهر .. واحسك مبسوط!
افضل شي تروح لهم لانه ايميلات وتلفونات مايردون
اليوم اتصلت زي المجنونه ع كل ارقام المكاتب حتى الي مالها علاقه بطلبي!
ولاااااا احد رد .. فمسكت ع رقم واحد لمده تقريبا نصف ساعه ولمن رد انفجعت وبكيت هههه
ههههههه
نفس الكلام يصير معي بس انا ما ابكي لكن انسى موضوعي الي انا متصل عشانه.
رد: هل ِإنهاء معاملة روتينية يستلزم السفر لواشنطن؟
سبحان الله اعتقدت أنك حاصل على الماجستير من جامعة إدنبره، لا أدري كيف كنت أعتقد هذا.
عموماً: بصراحة الطلب طول كثير عند الملحقية؛ لأنه يفترض يأخذ أسبوع بالكثير ويتم رفعه لمرجعك في السعودية.
الله يعينك أخوي ويكتب لك التوفيق،،،
رد: هل ِإنهاء معاملة روتينية يستلزم السفر لواشنطن؟
اقتباس:
المشاركة الأصلية كتبت بواسطة Abeer 511
الطلب ماخذ شهر .. واحسك مبسوط!
افضل شي تروح لهم لانه ايميلات وتلفونات مايردون
اليوم اتصلت زي المجنونه ع كل ارقام المكاتب حتى الي مالها علاقه بطلبي!
ولاااااا احد رد .. فمسكت ع رقم واحد لمده تقريبا نصف ساعه ولمن رد انفجعت وبكيت هههه
منب مبسوط بس وش اسوي.. عموما بكرة إذا ما صار شيء لازم أروح والله يعين على المشوار
- - - مشاركة محدثة - - -
اقتباس:
المشاركة الأصلية كتبت بواسطة ابن بيت آل هليلة
سبحان الله اعتقدت أنك حاصل على الماجستير من جامعة إدنبره، لا أدري كيف كنت أعتقد هذا.
عموماً: بصراحة الطلب طول كثير عند الملحقية؛ لأنه يفترض يأخذ أسبوع بالكثير ويتم رفعه لمرجعك في السعودية.
الله يعينك أخوي ويكتب لك التوفيق،،،
ما اعترفوا فيها هنا بسبب المعدل واختلاف المواد.. لقيت مثلي حوالي خمسة حتى الآن كلنا بنعيد الماستر
جزاك الله خير
رد: هل ِإنهاء معاملة روتينية يستلزم السفر لواشنطن؟
اقتباس:
المشاركة الأصلية كتبت بواسطة أحمد الهرفي
منب مبسوط بس وش اسوي.. عموما بكرة إذا ما صار شيء لازم أروح والله يعين على المشوار
- - - مشاركة محدثة - - -
ما اعترفوا فيها هنا بسبب المعدل واختلاف المواد.. لقيت مثلي حوالي خمسة حتى الآن كلنا بنعيد الماستر
جزاك الله خير
كثير ممن حصل عليها من خارج أمريكا أعاد ماجستير هنا، هذه ليست غريبة، والماجستير التي تدرسها هنا راح تضيف لك كثير.
أنا أحيانا لا ألومهم بصراحة، جذريا يختلف كل شيء حتى المدرسة الأوروبية في اللغويات والمدرسة الأمريكية فيها اختلاف كبير.
الله يكتب لك التوفيق أخوي،،،
رد: هل ِإنهاء معاملة روتينية يستلزم السفر لواشنطن؟
اقتباس:
المشاركة الأصلية كتبت بواسطة ابن بيت آل هليلة
كثير ممن حصل عليها من خارج أمريكا أعاد ماجستير هنا، هذه ليست غريبة، والماجستير التي تدرسها هنا راح تضيف لك كثير.
أنا أحيانا لا ألومهم بصراحة، جذريا يختلف كل شيء حتى المدرسة الأوروبية في اللغويات والمدرسة الأمريكية فيها اختلاف كبير.
الله يكتب لك التوفيق أخوي،،،
الله يكتب اللي فيه الخير، أحس رد المشرف وتحويله للمعاملة أصعب من دراسة الماستر!! أكثر من شهر وللحين مهب راضي يسوي شي روتيني وتافه :( وشلون لو أني طالب شيء صعب
رد: هل ِإنهاء معاملة روتينية يستلزم السفر لواشنطن؟
الموضوع بصراحة ما يحتاج له كل هالوقت والمشاكل وليس موضوع من اختصاص الملحقية أصلا حتى يأخذ كل هذا الوق عندهم1
الطبيعي إنك ترسل طلب ترقية بعثة أو دراسة ماجستير باالقبول وأي أوراق أخرى يحتاجها الطلب ومن هنا المشرف يرسلها فاكس لجامعتك وينتظر الرد حتى يتمكن من تعديل وضعك بالبوابة ..
أكثر ما تذكرني به رحلات المعاملة التي وضعتها هو حالات تبين فيها أن المشرف للاسف جاهل بالعملية ولا يدري ماذا يفعل..
خارج موضوع استفسارك: الله يعينك في إعادة الماجستير وهناك غيرك ممن ماجستيرهم من بريطانيا لم يعترف بها في أمريكا وأعادوها .. ولكن سؤالي لماذا لم تكمل الدكتوراه في بريطانيا؟