مين يبغى يحول فلوس سعودية الى دولارت بدون فارق عملات ؟

وعليكم السلام
ماعليش Post لكن ما اتوقع ان فيه محل صرافه يبيع الدولار ب 5 ريال
اعلا معدل وصل الدولار ينباع في الدولار اتوقع ب 3.85 ريال
حتى بالسعوديه اقل معدل يشترون فيه الدولار ب 3.69
هذا اذا بنك ولاعب عليك بالعاده يكون مابين 3.74 لين 3.79
عالعموم االله يعينك

الويترن يونيون افضل و اضمن و يجول في اقل من ساعو يحسب الدولار بي 3.75 ريال بس ياخد 45 دولار رسوم

حلوه الفكره
...........

فكرة ممتازه وانا اطبقها مع اصحابي في كل سفره لسعوديه ، نستفيد من بعض ولا اتنخسف فلوسنا ، وانتبه ترا لحد يدري خلي شغلك مع اصحابك واحبابك ولا تشتغل مع جنسيات ثانيه لان هذا ممنوع دوليا .

اما ان سعر الصرف. يوصل 3.89 هذا شي يضحك صراحه ، شكلو لا صرف ولا يعرف ايش يعني صرف

اخوي يوسف لبان السلام عليكم

تخصصي مو ماليه ولا له دخل بالاقتصاد اساساً لكن ابي ابين وجهة نظر ممكن تكون صحيحه وممكن تكون خاطأه
عام 2001 قيمة الدولار كانت عاليه جدا وبدت تنزل بشكل خفيف لين عام 2007 ثبتت قيمة الدولار وصارت تتذبذب بشكل خفيف
وعام 2008 انخفض سعر الدولار بشكل كبير بسبب الازمه الاقتصاديه وبعدها رجع للقيمه اللي كانت في عام 2007
في عام 2001 كانت توصل قيمة الدولار فوق 3.85

طبعاً انا بنيت توقعاتي بشكل عام من 2001 لين 2013

بالسعوديه كل بنك وكل محل صرافه له اسعار خاصه فيه
مثلاً اذا رحت لبنك سامبا صرف الدولار عندهم اعلى من بنك الراجحي
لانهم يحسبون السعر للدولار وياخذون بعد رسوم خدمتهم عن طريق الصرف

انا ذكرت اسعار صرف ومعتمد على ارقام رسميه من مواقع ماليه معتمده وغير معتمده علشان اجمع كل شي
واخواننا الاقتصاديين ياليت لو يحطون رايهم

لكن صاحب الموضوع يقول انه بعض محلات الصرافه تعطيك في 100 ريال 19 دولار وهذا يعني ان قيمة الدولار الواحد 5.26 ريال
الدولار باْْعز حالاته ما وصل لهالقيمه

شي ثاني بالنسبه للتحويل
العضو باسم20009 ذكر طريقه حلوه
لانهم دايم يجيبون اسعر صرف معقوله
لكن خل نحسبها ونشوف هل بننخسف ولا مهولين السالفه

اغلب الاماكن اللي تصرف الفلوس في الوقت الحالي
الدولار ب 3.75 للبيع و 3.74 للشراء فهم بالحاله هذي بيشترون الدولار منك
تكون خسارتك او ربحك في ال 6000دولار 60 ريال
فهل انت راح تكلم ربعك وتحوس الدنيا وتحويل وحسابات وتنشر مواضيع بالنت علشان 60 ريال؟
60 ريال هذي احسبها رسوم خدمه هم ريحوك من كل شي
طبعاً ال 60 ريال من 22500 ريال
واغلب المبتعثين ما يحملون بالدولار الا بكمية المكافأه اللي هي 1847 دولار
فهذا يعني بالمكافأه خسارتك اقل من 19 ريال