يا جماعه الخير انا محتاج اجدد جوازي في امريكا لان قرب ينتهي و ما اقدر ارجع انا جهزت كل الاوراق لاكن مطاوب دفع وصلة للسفارة بقيمة 40 دولار ارجوا من الي عنده جواب يقلي كيف الطريقة وشكرا
عرض للطباعة
يا جماعه الخير انا محتاج اجدد جوازي في امريكا لان قرب ينتهي و ما اقدر ارجع انا جهزت كل الاوراق لاكن مطاوب دفع وصلة للسفارة بقيمة 40 دولار ارجوا من الي عنده جواب يقلي كيف الطريقة وشكرا
تروح اقرب سوبر ماركت او ول مارت وتقول له ابي order money و تعطيهم 40 دولار ويطلع لك الشيك وتتكب عليه اسم السفارة السعودية بالانجليزي وترسله لهم مع المتطلبات.
هم ما اعطوك طريقة الدفع ؟؟
اكيد يا بالفيزا
ولا شيك غالبا
يعطيك العافية اخوي ... الحين اكتب Saudi embassy in Washington
قرات موضوع انهم مايقبلون الا بفيزا سعودية
فما ادري وش الصح وش الغلط
هذا رابط حديث من السفارة السعودية في واشنطن طبعاً لابد أنك تشوف أقرب قنصليه لك وإذا أقرب شيء لك السفارة ترسله للسفاره
The Royal Embassy of Saudi Arabia, Washington, DC, USA
بس السؤال بالنسبه للصور كم صوره يبغون وهل هي بالزي السعودي أو لا؟
ترسل لهم Money Order حتى لو ماكتبت عليه اسم السفاره هم من يشوفون الاوراق بيعرفون وش هي له
الصور يفضل بالزي السعودي علشان مايستقعدون لك
انا ارسلت لهم صورتي لابس بدلة ماقالوا لي شي
وترسل لهم الاوراق عن طريق الفيديكس بنظام ارسال واستقبال مدفوع مسبقاً
الحين تقدر تسدد أون لاين عن طريق إنجاز ما أدري شركة متعاقدين معهااقتباس:
المشاركة الأصلية كتبت بواسطة hayway
بس صورتك في الجواز هل هي بالبدله ولا سحبوا نفس صورتك حقت الأحوال
الاحوال حقتي قديمه حطوا لي صورة الجواز القديماقتباس:
المشاركة الأصلية كتبت بواسطة عاشق ترابها
حياك الله أخي الكريم ،.اقتباس:
المشاركة الأصلية كتبت بواسطة i-s-m-94
أذا ستعود بعد فترة قصيرة ، أو ستعود بعد عام ، يمكنك طلب تمديد تاريخ صلاحية الجواز بلا مقابل ، والخطوات في الرابط التالي :
http://www.saudiembassy.net/files/PDF/intruction_page_for_expiered_passport_less_than_on e_Year.pdf
لدفع قيمة إرسالية الجواز ، فعليك التوجه بالدفع في الموقع الالكتروني وهو :
https://enjazit.com.sa/eservices
ترفق صورة من وصل التسديد مع الطلبات.
أما لإرسال ظرف الارسالية ، فعليك تسديد قيمة الارسالية مع وضع ظرف أرجاع مدفوع القيمة ، وتقوم بهذه الخطوة من محل الإرسال كفيدكس أو يو بي اس أو غيره.
بالتوفيق ،.
أخوكم
بــن نيـــاز
يعطيكم العافية يا شاباب الحين هم طالبين صور 2*2 انا عندي 6*4 راح يمشوها ولا؟؟ لان ماقدر اجيب صور زياده ماعندي الزي الرسمي وعندي 2 بس
ادخل على Walgreen وروح قسم التصوير .. ووريهم الصوره وعلمهم بالمقاسات اللي تحتاجها .. وهم يطبعونها لك !اقتباس:
المشاركة الأصلية كتبت بواسطة i-s-m-94
أو .. حط الصوره على سكانر .. واذا تأكدت ان الصوره صارت بالكمبيوتر واضحه .. خذ نسخه منها على فلاش ميموري .. وروح للـ Walgreen ..
لقسم التصوير .. (بتلاقيه عادة جنب الصيديلية) ..
واطلب منهم طباعة الصوره الموجوده في الفلاش ميموري بمقاس 2*2 .. وراح يطبعونها لك .. اتوقع تاخذ ساعه او اقل على حسب الموظف والزحمه !
ايضا نفس الخدمه راح تلاقيها في Walmart ..!
يعطيك العافية على هل المجهود
اقتباس:
المشاركة الأصلية كتبت بواسطة 1OK
محمد طيب اللي ما عنده صور وش يسوي وما عنده شماغ يعني لو يصور صور ببدله
ايه عادي ليش مايقبلونها ! يعني لازم تلبس شماغ وعقال علشان التصوير ؟اقتباس:
المشاركة الأصلية كتبت بواسطة عاشق ترابها
اهم شي بالصوره تكون خشتك واضحه طال عمرك ;)
لان الصوره كلها ماراح يطلع فيها غير وجهك وجزء من كتوفك بس !
فما اعتقد عندك اي مشاكل بهالخصوص .. واعتقد ان السفاره السعوديه بتقدر هالامور لانك في امريكا ..
اهم شي الخشه هههههههههههاقتباس:
المشاركة الأصلية كتبت بواسطة 1OK
الجواز يروح للسعوديه للتجديد علشان كذا يطول
فاذا كان شكله ماتغير مره اتوقع يسوون له مثلي صورة الجواز القديم
اقتباس:
المشاركة الأصلية كتبت بواسطة 1OK
اقتباس:
المشاركة الأصلية كتبت بواسطة hayway
يا رجل رح شف شروط الجوازات في الرياض لازم خلفيه بيضاء والزي السعودي مشخص فيه
علشان كذا أسأل لا يوهقونا والمشكلة متناقضين السفاره والملحقيه هذولي يقولون أربع صور والثاني يقول صورتين واحد يقول 2 في 2 والثاني ما أدري وش يبغى
ما ثبتوا لهم على رأي
طيب عنديلك حل !اقتباس:
المشاركة الأصلية كتبت بواسطة عاشق ترابها
سو لصورة الجواز سكان على الكمبيوتر .. او اي اوراق فيها صورتك واضحه بالزي السعودي ..
أو .. شوف احد من اهلك اذا كان عندك صور بالسعوديه .. خلهم يسوون لها سكان ويرسلونها لك ..
عقبها روح لول جرين واطبعها من هناك ! ;)
وتنتهي القصه ;)