-
أول سمستر بالجامعة وأحس بضياع .. محتاج تجاربكم والنصائح ؟
سلام عليكم انا هذا السمستر اول سمستر با الجامعه بس احس نفسي ضايع فيه و ماني عارف كيف اذاكر و كيف اخذ نوت في الكلاس
الامريكان غير متعاونيين ابد و لا فيه سعوديين في الكلاس حقي
انا خايف من مادتين اني اخذ فيهم F هل الملحقيه فعلا تعطي انذار او اول سمستر تتساهل ؟
ويا ريت كل واحد يعطينا تجربته في اول سمستر وكيف تغلب ع الصعوبات
-
رد: أول سمستر بالجامعة وأحس بضياع .. محتاج تجاربكم والنصائح ؟
وعليكم آلسلآم ورحمــة آلله وبركآته ..
شهر وشــوي .. وبتعدي وتصير آلأمــور طبيعية ..
هذآ آلشيء طبيعي جــدآ .. لأن في فترة آللغة آلكل كآن متعآون معكـ حتى إذآ تكلمت ونطقت آلكلمآت خطأ ..
أللي بآلمعهد يفهمون عليكـ لأنهم متعودين على آلطلآب آلدوليين أللي يتعلموآ لغة ..
بس آلآن آلوضع يختلف بآلجآمعة .. صآروآ متعودين على آلطلآب آلطبيعيين أللي لغاهم عآلية ..
لجل كذآ .. آلمحآضر يتكلم بكــل طلآقــه .. ومعتبركم كلكم في مستوى وآحد ..
إستفيــد من آلتجآرب :
http://www.mbt3th.us/vb/forum8/thread362014.html
http://www.mbt3th.us/vb/forum8/thread388127.html
بآلتوفيق ..
-
رد: أول سمستر بالجامعة وأحس بضياع .. محتاج تجاربكم والنصائح ؟
لا تشيل هم ابدا ،، هذا اول ترم وكل واحد مر بهالظروف وبعد ماتاخذ فترة راح تتأقلم وتتعود عالوضع..
-
رد: أول سمستر بالجامعة وأحس بضياع .. محتاج تجاربكم والنصائح ؟
فترة وتعدي
اول ترم لي انا زيك وحسيت اني انا الوحيد الي مو فاهم والي زاد الطين بله ان الكلاس كله كان فية اربعة طلاب يعني حتى الدكتور مايقدر يسوي كيرف يزود درجات
لا واختبرنا اختبار وطل احسن واحد جايب 60 من مية هههههههههههه حتى الامريكان انفسهم يعني مافي شي سهل
المهم وعدينا كلنا ولله الحمد
نصيحة مني: لاتفكر بــــ F هذا وشلة من بالك ولا تجلس تقول انك بترسب ولا شي خلك ايجابي.
انت ذاكر وشد حيلك واي شي مو فاهمة رح لدكتور وقولة انا مافهمت النقطة ذي (لا تنغر بالامريكان تراهم زينا ان لم انكن احسن منهم لان حنا جالسين ندرس شي مو بلغتنا الام اقصد مو كلهم اذكياء ولا شي بس انهم يذاكرون ويهتمون) وانت سو زيهم ذاكر واجتهد وبتشوف نتيجة باذن الله
انا اول ترم استأذنت من الدكتور قلت له ترا بجيب ريكوردر عشان اسجل الكلاس واراجع وفعلا استخدمتة يمكن شهر وخلاص بطلت منه لاني صرت اعرف كيف الطريقة (جرب تجيب ريكورد واسمعة بالبيت ع مهلك بس استأذن منه اول)
انت بس زي ماقلت لك اي شي مو عارفة اسال الدكتور اذا اخوياك مو راضين يساعدونك
الله يوفقنا وياك يارب
-
رد: أول سمستر بالجامعة وأحس بضياع .. محتاج تجاربكم والنصائح ؟
رح للمدرس وقت ساعات فراغه للطلاب office hours, و أسأله و سولف معه راح يعرف إنك مهتم و يقدر لك الشيء هذا
اسأل إذا فيه tutor من الجامعه
فيه مواقع كثيرة تشرح لإغلب المواد عن طريق يوتوب مثل khan academy حاول تستفيد منها
ذاكر ذاكر ذاكر
الله يوفقك و يسهل عليك يا بطل
-
رد: أول سمستر بالجامعة وأحس بضياع .. محتاج تجاربكم والنصائح ؟
اذا انت شهر انا اذكر قعدت سميسترين ليما تعودت عليهم :cool:
والله اذكر اني كنت ادخل الكلاس واطلع منه وانا ماني فاهم ولا شي من اللي اسمعه !
لا شرح ولا سوالف ولا شي !
والمشكله بس اطلع من الجامعه .. اصير افهم واتكلم وكل شي عادي .. بس مجرد ادخل حرم الجامعه خلاص مخي يصير "مجيم" عليه العوض ههههه
اذكر اني كنت اخذ كويزز .. ولا وحده منها اساسا قريت الاسأله من زود التناحه اللي فيني كلها احل من راسي ههههه كل مره احط شكل معين بالاجابات ..
مره كلها A ومره اثنين A واثنين B .. ويالله وانت ماشي حسب مزاجي ذاك اليوم هههه واغلبها تمشي .. تقولي كيف اقولك مدري ههههههه
نجحت بالسميستر الاول ولا ادري كيف مشيت فيه ولا اعرف وش اخذت ووش كانت الدروس .. والله ربك راحمني ...
السميستر الثاني يعني بديت افهم شوي ومشت اموري الحمد لله ..
بس خلاص من بعد السميستر الثاني مسكت الخط معهم .. خلاص تأقلمت مع الوضع وصرت افهم واخذت على البيئه الجديده ..
فالوضع جداً طبيعي .. كلها فتره وتعدي ان شاء الله ..
لاتحاول تعقد الامور على نفسك ولا تشغل بالك .. بس حاول انك تفهم بقد ماتقدر .. واعمل بكلام الاخوان ..
وإن شاء الله امورك طيبه ..
-
Re: أول سمستر بالجامعة وأحس بضياع .. محتاج تجاربكم والنصائح ؟
يارب ادرس يارب تحقق لي مطلبي
-
رد: أول سمستر بالجامعة وأحس بضياع .. محتاج تجاربكم والنصائح ؟
الله يعينك ويسير لك امورك ويسهلها عليك لو تنجح بحض يانصيب الامور سهلات ان شاء الله
-
رد: أول سمستر بالجامعة وأحس بضياع .. محتاج تجاربكم والنصائح ؟
توني بحط استفسار عن هالشئ بس لقيت هالموضوع :)
لاني احس نفسي اوكيه بالانجليزي وباقي كم شهر عشان اكمل سنة بس خايف لما اخش الجامعة ماافهم ولا شي هههه @ـ@
بس دام قريت الردود خلاص اقتنعت :)
-
رد: أول سمستر بالجامعة وأحس بضياع .. محتاج تجاربكم والنصائح ؟
الأخ الكريـم,
الدراسـة الجامعيـة هنـا تختلـف عن طريقـة الدراسـة في السعـودية،،،والطـالب عندمـا يكـون في أول فصـل دراسـي له بالجامعـة يتفاجـأ في بعـض الأمـور مع اختلاف طريقـة التدريس.
من رأيي تسأل الطـلاب الذين سبقـوك بالجامعـة (السعوديين), عن المـواد الدراسيـة, الأفضل لك من المـواد كونك طـالب في أول فصل دراسـي, كتابة الدروس والمتابعة مع الطلاب ومدرس المادة.
دخولك لأول فصـل دراسي في الجامعة وهذا الفصل لايوجـد فيه سعوديين, ستواجه بعض المتاعب, لكن أسأل النادي السعودي في الجامعة ومن هم أقدم منك ..
بالنسبة لدرجة المادة, قبل هذا لا بـد من معرفـة شروط وضوابط الحـذف والإضـافة قبـل إتخـاذ أي إجـراء قد يضرك مستقبلاً ..
إذا هنـاك مـادة وأيقنت أن معدلك سيكـون متدنـي ولا فـائدة من المـواصلـة, أحذفها.
في كثير من الجامعـات, إذا تم حذف المـادة بعد المـدة المسموح فيها للحـذف, ستسجل بكشف الدرجات المادة وأمامها حرف W معناه تم حذفها بعد مدة الحذف.
والرسـوم تكون قد دفعت من الملحقية وغير مستردة, وقد تحاسبك الملحقية على رسوم المادة.
[U]برأيي, الحـذف يعتبر خيـار منـاسب عندمـا يكون معدلك متدني في المادة وهذا يؤثؤ سلباً على معدلك العـام, ويدخلك في مشكلة مع الجامعـة وكذلك الملحقيـة ..
فيكون خيـار الحذف هو المنقذ من مشاكل قد تحصل لك فيما لو تم اخذ المادة والحصـول على معدل متدني جداً ..[/U]
وفقك ربي .. ويسر أمرك
-
رد: أول سمستر بالجامعة وأحس بضياع .. محتاج تجاربكم والنصائح ؟
اقتباس:
المشاركة الأصلية كتبت بواسطة محمد فهد ..
اذكر اني كنت اخذ كويزز .. ولا وحده منها اساسا قريت الاسأله من زود التناحه اللي فيني كلها احل من راسي ههههه كل مره احط شكل معين بالاجابات ..
مره كلها A ومره اثنين A واثنين B .. ويالله وانت ماشي حسب مزاجي ذاك اليوم هههه واغلبها تمشي .. تقولي كيف اقولك مدري ههههههه
نجحت بالسميستر الاول ولا ادري كيف مشيت فيه ولا اعرف وش اخذت ووش كانت الدروس .. والله ربك راحمني ...
السميستر الثاني يعني بديت افهم شوي ومشت اموري الحمد لله ..
هههههههههههه لا كذا مشكلة بقوة ههههه ذكرتني لما كنت ادرس قيزكس بجامعة الملك عبدالعزيز للبكالريوس وكنت اسوي كذا والحمدلله عديت الكلاس ههههه بس بعدها حلفت ماسوي كذا خخخ
لصاحب الموضوع: شفت هالحين كلنا عدينا بتفس مرحلتك فاوضعك ان شالله تمام بس اول ترم وبعدين بتقول اثاريني كنت مهذل عمري وافكر بالرسوب والامور اصلا سهالات
-
رد: أول سمستر بالجامعة وأحس بضياع .. محتاج تجاربكم والنصائح ؟
طبعاً عدم الفهم في المستوي الاول من المرحلة الجامعية امر طبيعي
-
رد: أول سمستر بالجامعة وأحس بضياع .. محتاج تجاربكم والنصائح ؟
،
نفس الحالة وافكر كثير قلت بحذف بس ما اقدر لان انا عندي ٩ كريدت اذا حذفت بتصير مشكلة وانا طالبة انترناشونال
عشان كذا فوضت امري وحالي لله ولا على الحالة النفسية قبل وبعد كل امتحان تصير سيئة
استغفر الله العظيم الله ييسر
كل ما اسآل يقولوا اول سمستر كذا ،،
اول فصل بداته كان في الصيف والبرفسور اللي انا عنده قلي انتي من قلك تيجي تدرسي هنا وكان يتمسخر ويسآلني انتي تخصصك رياضيات
وبعدين مارضي يسجلني في المادة وقلي ابغى اتكلم مع اللي يدفع لك فلوس الدراسة واقوله هذي ماتصلح يومها كان دمعتي طارفه وماسكة نفسي
غصب ،، والحمدلله رب العالمين مشيت في مادتين ودخلت هذا السمستر الفعلي لكن برضوا في صعوبات واقول عندي مادة احتمال ارسب واحتمال
بعون الله انجح انا احاول والله كريم المادة مرة صعبة وشفت امريكان معاي في الكلاس بعد ماشافوا درجاتهم بعض منهم كان يبكي ،،
العيب مو فيني ممكن فترة وتعدي اتذكر في البكالويوس اول سنة جبت ٧٢٪
وتخرجت ٨٩٪ في سنة رابعة
،
-
رد: أول سمستر بالجامعة وأحس بضياع .. محتاج تجاربكم والنصائح ؟
اقتباس:
المشاركة الأصلية كتبت بواسطة حَياة
،
نفس الحالة وافكر كثير قلت بحذف بس ما اقدر لان انا عندي ٩ كريدت اذا حذفت بتصير مشكلة وانا طالبة انترناشونال
عشان كذا فوضت امري وحالي لله ولا على الحالة النفسية قبل وبعد كل امتحان تصير سيئة
استغفر الله العظيم الله ييسر
كل ما اسآل يقولوا اول سمستر كذا ،،
اول فصل بداته كان في الصيف والبرفسور اللي انا عنده قلي انتي من قلك تيجي تدرسي هنا وكان يتمسخر ويسآلني انتي تخصصك رياضيات
وبعدين مارضي يسجلني في المادة وقلي ابغى اتكلم مع اللي يدفع لك فلوس الدراسة واقوله هذي ماتصلح يومها كان دمعتي طارفه وماسكة نفسي
غصب ،، والحمدلله رب العالمين مشيت في مادتين ودخلت هذا السمستر الفعلي لكن برضوا في صعوبات واقول عندي مادة احتمال ارسب واحتمال
بعون الله انجح انا احاول والله كريم المادة مرة صعبة وشفت امريكان معاي في الكلاس بعد ماشافوا درجاتهم بعض منهم كان يبكي ،،
العيب مو فيني ممكن فترة وتعدي اتذكر في البكالويوس اول سنة جبت ٧٢٪
وتخرجت ٨٩٪ في سنة رابعة
،
هذا بأي حق يتعامل معك بهذه الطريقه وهذا الاسلوب ؟
كان من المفترض انك توجهتي لإدارة الجامعه مباشرة واشتكيتيه ...
هذا الاسلوب في الجامعات الامريكية ممنوع منعاً باتاً ويعاقب عليه قانونيا داخل الجامعه وخارجها ايضاً !
يعني بإختصار بإمكانك ترفعين عليه قضيه ويتمرمط بالمحاكم بسبب كلامه فقط !
اي برفسور او دكتور مهما كانت درجته العلميه .. اذا واجهتي مثل هالنوعيه .. لاتتردي بالشكوى عليه في إدارة الجامعه .. وإدارة الجامعه راح تتعامل معه ..
وغصب عنه تاخذين الماده طالما أنتي مستوفيه الشروط .. وينطرد من الجامعه ويستبدل بشخص يحترم الطلبه ..
الكلام هذا مو بس على الدكاتره .. على اي موظف بالجامعه ..
قوانين الجامعه لاتسمح بأي شخص داخل الحرم الجامعي بأنه يغلط او يسيء التعامل مع الطلبه مهما كانت مكانته داخل الجامعه !
مشكلتنا إننا تعودنا على نظام المحسوبيات ونظام التنتيف المستمر في الجامعات السعودية .. وفي بالنا أن الدكتور لو قطعنا مانقدر نقوله شي !
ونسينا إن امريكا نظامها يختلف تماماً عن النظام داخل السعودية .. فهي حافظه حقوق الطالب ...
أسال الله ان لايجعل لكم حاجه تحت يد من لا يرحم ويظلم .. وان يوفقكم ويبعد عنكم كل شر ويردكم لآهاليكم سالمين يارب العالمين ..
-
رد: أول سمستر بالجامعة وأحس بضياع .. محتاج تجاربكم والنصائح ؟
اقتباس:
المشاركة الأصلية كتبت بواسطة محمد فهد ..
هذا بأي حق يتعامل معك بهذه الطريقه وهذا الاسلوب ؟
كان من المفترض انك توجهتي لإدارة الجامعه مباشرة واشتكيتيه ...
هذا الاسلوب في الجامعات الامريكية ممنوع منعاً باتاً ويعاقب عليه قانونيا داخل الجامعه وخارجها ايضاً !
يعني بإختصار بإمكانك ترفعين عليه قضيه ويتمرمط بالمحاكم بسبب كلامه فقط !
اي برفسور او دكتور مهما كانت درجته العلميه .. اذا واجهتي مثل هالنوعيه .. لاتتردي بالشكوى عليه في إدارة الجامعه .. وإدارة الجامعه راح تتعامل معه ..
وغصب عنه تاخذين الماده طالما أنتي مستوفيه الشروط .. وينطرد من الجامعه ويستبدل بشخص يحترم الطلبه ..
الكلام هذا مو بس على الدكاتره .. على اي موظف بالجامعه ..
قوانين الجامعه لاتسمح بأي شخص داخل الحرم الجامعي بأنه يغلط او يسيء التعامل مع الطلبه مهما كانت مكانته داخل الجامعه !
مشكلتنا إننا تعودنا على نظام المحسوبيات ونظام التنتيف المستمر في الجامعات السعودية .. وفي بالنا أن الدكتور لو قطعنا مانقدر نقوله شي !
ونسينا إن امريكا نظامها يختلف تماماً عن النظام داخل السعودية .. فهي حافظه حقوق الطالب ...
أسال الله ان لايجعل لكم حاجه تحت يد من لا يرحم ويظلم .. وان يوفقكم ويبعد عنكم كل شر ويردكم لآهاليكم سالمين يارب العالمين ..
والله يا اخوي على قولك احنا تعودنا على تهميش الطالب من بلدنا و ما ادري ان كلامه يحاسب عليه والله الكلام قاله مرتين وكل مرة قدام احد ويومها لسا لي اسبوعين بالضبط
امين يارب الله لايحجنا على احد ويوفق الجميع يارب ،،
-
رد: أول سمستر بالجامعة وأحس بضياع .. محتاج تجاربكم والنصائح ؟
اقتباس:
المشاركة الأصلية كتبت بواسطة حَياة
والله يا اخوي على قولك احنا تعودنا على تهميش الطالب من بلدنا و ما ادري ان كلامه يحاسب عليه والله الكلام قاله مرتين وكل مرة قدام احد ويومها لسا لي اسبوعين بالضبط
امين يارب الله لايحجنا على احد ويوفق الجميع يارب ،،
واعتقد هذا السبب الرئيسي اللي خلاه يتكلم معك بهالطريقه لانه يعرف ان السعوديين مايعرفون بالانظمة ..
لذلك .. أتمنى إن هذي النقطه الكل يعرفها قبل لايروح امريكا .. حتى لو واجهه مثل هالامور يعرف ان فيه مسؤولين يحاسبون مثل هالنوعيه من الدكاتره !
وللمعلوميه .. اي شي تواجهينه مع الدكتور ولايتعاون معك فيه .. اول شي تسوينه تتوجهين الى إدارة القسم نفسه إذا ماتساعدوا معك .. تتوجهين الى ادارة الجامعه نفسها ..
واقصد بأي شي .. بمعنى كل شي يخصك داخل الماده .. يعني لو مثلا طلبتي مراجعة الاختبار ولا وافق .. او طلبتي منه الدرجات ولا اعطاك .. او حتى امتنع من انه ياخذ الواجبات منك بينما ياخذها من الطلبه الاخرين او حتى يتعامل معك بعنصريه او اي شي اخر ..
دايركت وبدون تفكير تتوجهين الى ادارة القسم مباشره ..
وهم راح يتفاهمون معه .. وأمورك تجيك غصب عن اللي خلفوه ..
لو ترجعين الى دستور الجامعه في حقوق الطلبه ومالهم وماعليهم .. لوجدتي كل شي يفيدك بهالخصوص ..
وقسم بالله الى الان منقهر من حركته فيك .. والله لو انا عندك ماسكت عنه حتى اخليهم يشيلونه من مكانه ويقطونه في اقرب بلديه !
-
رد: أول سمستر بالجامعة وأحس بضياع .. محتاج تجاربكم والنصائح ؟
متخرج من مدة طويلة .. تخصص كيمياء ..
والغالب اني نسيت اللي درسته .. لاني مامارست اللي درسته بوظيفتي ..!!
الماستر عندي سنة وحدة فقط .. يعني لا قدر الله ان ما تأقلمت في الترم الاول او استصعبت عليا الامور ..
مافيه الا الترم الثاني للتعديل .. وصعب انك تعدل وضعك بترم واحد ..
انا بفترة اللغة الان ..
وللامانة هالموضوع شاغلني .. وافكر بالرجعه ..
يقولون ماتحمل الغربة ورجع ..
ولا يقولون دخل الجامعة وفشل ..!!
-
رد: أول سمستر بالجامعة وأحس بضياع .. محتاج تجاربكم والنصائح ؟
اخوي هذا لايسمى ضياع , يسمى بداية الانطلاق نحو القمة انت الان كسرت حاجز الخوف و الارتباك
وانخرطت في الدراسة الاكاديمية الشاقة و بدأت بالنجاح و لو في مادتين بغير لغتك الأصلية هذا يعتبر انجاز
لا تذم في نفسك لو كان الطلاب الامريكان يدرسون باللغة العربية بالسعودية لحصلوا على F- في جميع المواد
-
رد: أول سمستر بالجامعة وأحس بضياع .. محتاج تجاربكم والنصائح ؟
-
رد: أول سمستر بالجامعة وأحس بضياع .. محتاج تجاربكم والنصائح ؟
كلنا اول سيمستر ما ندري وين احنا فيه بس ربك يسهل يا اخوي
اللي رح افيدك فيه هو التالي
حتى و ان كنت ما تفهم واصل حضور المحاضرات بـ انتظام و استفسر عن كل شي انت ما تعرفه من الدكتور ,, حتى لو ما فهمت عليه المهم انه الدكتور
يعرفك و يعرف انه تجتهد و تعمل الافضل
الشيء الثاني على الاغلب معظم الجامعات فيها مراكز مخصصة للي يواجهوا صعوبات في التعلم اتواصل معاهم ممكن يفيدوك ,, لانه احيانا الطالب يتوتر قدام ورقة
الامتحان و فايدة المركز انه يعطيك توصية تقدمها لـ الدكتور بـ انه يقيم مستواك عن طريق اي شيء اخر غير الاختبارات التحريرية و الشيء هذا مفيد جدا
لا تستسلم و لا تيأس
اول ما دخلت الجامعة في اول سيمستر كنت على حافة الرسوب في مادتين من اصل ثلاثة ,, و الحمدالله ربك لطف و نجحت فيها
الان في السيمستر هذا انا اسعى لانه انهي جميع المواد بـ تقدير A و الى الان الحمدالله ربي موفقني في مسعاي ,, دائما الخطوات الاولى هي الاصعب و بعدين تبدأ الامور تتدرج في السهولة
اقرأ كثير عن المواد اللي تنزلها ,, مش منطقي انك في اول سيمستر تنزل مواد صعبة !!! حاول انه كل سيمستر تنزل معظم المواد سهلة و مادة او مادتين صعبة عشان تتفرغ تذاكر لهم بـ طريقة مكثفة
لو كل موادك صعبة رح تاخذ وقت و مجهود و انت تحاول تنجح فيها و في الاخر رح تفشل في الكل ,, فـ سهل الامور على نفسك و استفيد من مرونة النظام التعليمي في امريكا
عادة الملحقية ما تدقق كثير على اول سيمستر بس لا تعتمد على هـ الموضوع لانه من مشرف لـ مشرف الوضع يختلف فـ بالتالي ممكن يكون مشرفك اقشر و يصكك بـ انذار من اولها
و ممكن يكون متفاهم و يمشي لك ,, في كل الاحوال اجتهد انك تنجح بـ اعلى مجموع ممكن و لا تنسى انه رفع المعدل التراكمي جدا صعب لما يكون نازل في البداية
كل التوفيق لك
-
رد: أول سمستر بالجامعة وأحس بضياع .. محتاج تجاربكم والنصائح ؟
اقتباس:
المشاركة الأصلية كتبت بواسطة Ingenuity
متخرج من مدة طويلة .. تخصص كيمياء ..
والغالب اني نسيت اللي درسته .. لاني مامارست اللي درسته بوظيفتي ..!!
الماستر عندي سنة وحدة فقط .. يعني لا قدر الله ان ما تأقلمت في الترم الاول او استصعبت عليا الامور ..
مافيه الا الترم الثاني للتعديل .. وصعب انك تعدل وضعك بترم واحد ..
انا بفترة اللغة الان ..
وللامانة هالموضوع شاغلني .. وافكر بالرجعه ..
يقولون ماتحمل الغربة ورجع ..
ولا يقولون دخل الجامعة وفشل ..!!
انا مشكلتي برضوا المصطلحات درستها بالعربي و ف معهد اللغة ماكان يركزو على لغة التخصص اللي بتدرسه عشان كذا ونصيحة من ذهب اعتبرها اشتري كتيب من امازون عربي انجلش باللغتين يشرح فوكاب تخصصك
هذا الشي راح يفيدك كثير لا تدور اسباب لتبرير فشل انت ف غنى عنه ،،
حاول لآخر لحظة والله مايضيع اجر احد اشتغل واجتهد وكله من عند الله انا احيانا افكر كذا وارجع استغفر لآن اللي انا فيه نعمة عظيمة ومادام الله كتب لنا نيجي لحد هنا ونكمل بحول وقدرة من الله بنكمل واجتهاد طبعا مافي
طريق مفروش بالورود ابدا،،
تدري اعرف صديقة لي قالت لي بعد ماتخرجت انها انقبلت في الماستر ب ٤.٥ ايلس لانها راحت تكلمت مع رئيس القسم ووقالت له انا ابغى ادرس بس قدراتي في اللغة هذي حدودها وافق تدخل الجامعة ودخلت وبعد اول سمستر اعطوها انذار
لانها ماكان تستوعب اي شي ،،
بعد سنة وحدة بالضبط اخذت الماستر وتخرجت ورجعت السعودية ف اكتوبر ،، هي من الناس اللي شجعوني كثير ^^
بالتوفيق لو كل مبتعث يحكي قصته بتشوف معاناات لكن ف النهاية نجااح
،
-
رد: أول سمستر بالجامعة وأحس بضياع .. محتاج تجاربكم والنصائح ؟
اقتباس:
المشاركة الأصلية كتبت بواسطة حَياة
انا مشكلتي برضوا المصطلحات درستها بالعربي و ف معهد اللغة ماكان يركزو على لغة التخصص اللي بتدرسه عشان كذا ونصيحة من ذهب اعتبرها اشتري كتيب من امازون عربي انجلش باللغتين يشرح فوكاب تخصصك
هذا الشي راح يفيدك كثير لا تدور اسباب لتبرير فشل انت ف غنى عنه ،،
حاول لآخر لحظة والله مايضيع اجر احد اشتغل واجتهد وكله من عند الله انا احيانا افكر كذا وارجع استغفر لآن اللي انا فيه نعمة عظيمة ومادام الله كتب لنا نيجي لحد هنا ونكمل بحول وقدرة من الله بنكمل واجتهاد طبعا مافي
طريق مفروش بالورود ابدا،،
تدري اعرف صديقة لي قالت لي بعد ماتخرجت انها انقبلت في الماستر ب ٤.٥ ايلس لانها راحت تكلمت مع رئيس القسم ووقالت له انا ابغى ادرس بس قدراتي في اللغة هذي حدودها وافق تدخل الجامعة ودخلت وبعد اول سمستر اعطوها انذار
لانها ماكان تستوعب اي شي ،،
بعد سنة وحدة بالضبط اخذت الماستر وتخرجت ورجعت السعودية ف اكتوبر ،، هي من الناس اللي شجعوني كثير ^^
بالتوفيق لو كل مبتعث يحكي قصته بتشوف معاناات لكن ف النهاية نجااح
،
الله يجزاك خير وانا أخوك ..
والله يسهل لنا ولك وللجميع كل صعب ..
موكل أمري لله .. وراح اعمل بالاسباب .. والله كريم ..
وابشرك ..
بعد قراءة مشاركتك .. حملت ملفين كدكشنري للكيمياء مجموع صفحاتهم قرابة الالف صفحة ..
لا خلا ولا عدم ..
-
رد: أول سمستر بالجامعة وأحس بضياع .. محتاج تجاربكم والنصائح ؟
شد حيلك يا قدع
( تمت المشاركة باستخدام تطبيق مبتعث )