تقرير حملة المطالبة بزيادة المكافآت الطلبة إلى 2500 $

استغرب من الي يقولون نقدر نلاقي شقق رخيصة بحدود 900 و اقل
انا في ولاية تعتبر من الولايات الفقيرة ومع ذلك غرفة وحده وصاله و حمام واحد الله يعزكم 1150 دولار بالشهر غير الكهرب و الماء و غير مؤثثة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

على حسب الولاية
فيه ولايات ممكن تحصل ب٨٠٠ دولار

فيه ولايات فيها شقق رخيصة تصل الى 350$ للشخص الواحد !

مثلاً انا شقتي صاله وغرفه ومطبخ ودورة مياة اجلكم الله .. وتعتبر كبيره شقتي ومع ذلك ايجارها بـ 695$ .. ومع فاتورة المويه توصل الى 730$ !
فيه شقق تبعد عني تقريبا عشر دقايق سيارة .. نظامها شقق مشتركة ..
يكون فيها مثلاً ثلاث غرف نوم .. كل غرفة نوم بدورة مياة خاصه فيها ..وكل غرفة بـ 250$ .. تشترك الثلاث غرف بالصاله والمطبخ والبلكونه !
يعني واحد يبي شقه رخيصه ياخذ هذي الغرفه ومكتب الشقق يأجر الغرفتين الباقيه على اشخاص ثانين ..!

فيه ايضاً بيوت عندنا ايجارها الشهري بحدود الـ 500$ !
بيت من طابق واحد بثلاث غرف ودورتين مياه ومطبخ وصاله ..

وايضاً فيه بيوت اكبر ويوصل ايجارها الى 2500$ شهرياً !
وهذي اللي اغلب الناس اللي اعرفهم يسوونها ..
يجي مثلاً اربع اشخاص ويستأجرون لهم بيت بأربع غرف ومطبخ ودورتين مياه .. بـ 1400$ بالشهر !
وكل واحد يدفع حدود الـ 350 دولار !

وفيه ناس يستاجرون شقه غرفتين او ثلاث .. يسجلون الشقه باسم اثنين او ثلاثه بحسب عدد الغرف .. ويسكن بالشقه خمسه هههه
ثلاثه رسميين بالشقه .. واثنين يعتبرونهم كضيوف .. حتى اذا احد سالهم قالهم انهم ضيوف عندهم !
ويصير الايجار بينهم ! .. وعايشين حياتهم !

وكثير مسوين كذا .. فهذي افضل طريقة يوفرون فيها ...

انا ساكنه بكندا والاجار غالي والفواتير والمقاضي لحد يقول مكافاءه تكفي لسوق انا لدحين ماعندي لاب توب وعادي كل مااهلي يكلموني اقولهم الحمد الله المكافاءه تكفي وتزيد وانا ملييون بالميه كدابه لكن ماهخليهم يقلقو عادي تعودت انه العيش والجبن يكفي وطالما انا مسدده كل الفواتير والاجار خلاص مافيه شي يهم لكن مايحزنوني الا العوائل مدري ايش يعملو مع الاطفال والحضانه ياليت الوزاره تتكفل بالحضانه اقل شي الله كريم
بس لاتتوقعو اي زياده بس رتب وضعك وحط اساسيات لنفسك وميزانيه شهريه وتمشي وضعك تمام انا شهر اقضي للبيت حق شهرين وخلاص الشهر اللي بعده اوفرها وزي كيدا انه البيت مايفضى ابدا وحبيت هالفكره وماشيه عليها واحط لنفسي مصروف يومي اقسمه على مبلغ معين واحيانا مااحتاج اني اشتري شي ويجلس لليوم اللي بعده وعلى هالحال بس تمشيني لين اخر الشهر والحمد الله ليتهم يزيدونها بس شوي لكن التمني شي والواقع شي ثاني

غريبه , لان مكافأتكم في كندا بحدود الـ 2700 دولار كندي .. (يعني حدود الـ 2300 دولار امريكي) ..
المفترض انها تكفي وتزيد بعد .. عارف فيه بعض المناطق غاليه .. لكن مايمنع ان الواحد يبحث عن سكن إيجاره معقول ..

والله مدري ماعرفنا كم بيكفي على كذا ..

امريكا مقارنه بكندا رخيصه وبعدين لو الواحد عايش لوحده ايوا بتكفي وتزيد وبياخد سكن على قده وكل شي يقدر يمشي نفسه فيه لكن فعلا فيه مناطق رخيصه جدا وفيه مناطق غاليه انا تخصصي وجامعتي جايبيني بمنطقه غاليه نسبيا لكن برضو ماشي الحال والله يعين الجميع

صحيح كلامك الحضانات هي المشكلة الأساسية
زميلتي مبتعثه ومعها طفل تقولي لو الطفل مو معها توفر بالراااااحة
لكن بالنسبة لكلامك انه تكفيك المكافاة لو كنتي لوحدك .. مافرقت وحدك او معك مرافق لانه حتى المرافق له راتب ! واقصد المرافق غير الطفل
و فعلا السكن هو اللي يحدد المكافأة تكفي أو لا ..
الله يعين الجميع

في اي مدينه بكندا !!

تورونتو اونتاريو

بالنسبه للحضانات ..أنا شخصيا انصح بالذهاب للمسجد ..فيه بنات مسلمات كثير مسووين ديكير في بيوتهن ..واسعارهن جدا معقوله ..