ماهي البرامج الممنوعه في أمريكا؟؟؟

السلام عليكم كيف حالكم يا أخوان أنا سمعت أن في مشاكل في أمريكا على بعض البرامج
الكمبيوتر وأنا أنشاء الله أباروح أمريكا مع الابتوب بس المشكله عندي برامج وأخاف أروح وتصير مشاكل أرجو أن تفيدوني

مافيه برامج ممنوعه في امريكا ,,
لكن اي شيء منسوووخ يعني مو اصلي يعني منت شاريه بدراهمك ذا يمسكونه ويصادرونك انت ويأه !!
مهب يعني انك لازم تشتري كل البرامج وتخسر نفسك ! بس حمل البرامج من نسخ اصليه مو كوبي !! وطبعا الكلام هذا ينطبق على مقاطع الفيديو والصوتيات وكل شيء للمنتج فيه حقوق نسخ !!

بالتوًفيق

بس يا خوي في برامج موجوده من أول ما شريته مثل الريل بلير و برنامج التحميل فلاش جت والماسنجر والبالتوك وبرنامج الحمايه مكافي وبعض البرامج مثل الوافي للترجمه
هل هذي البرامج فيهم مشكل لأنهم موجودين من أول ماشريته
أو تنصحني أسوي فورمات ؟؟؟

اول ماشريتهم من فين شريت جهازك انت ؟ شكلك شاريه من محل هندي وركب لك برامج ,, هذي كلها نسخ ماعمر الجهاز يجي فيه هالبرامج كلها ,, اجل الوافي والبالتوك ؟
شف ياعزيزي عشان تريح راسك خذ جهازك وروح لاكسترا او مكتبه جرير واطلب منهم يعملوا فورمات هم عندهم سيديات اصليه لكل البرامج ,, بس طبعا نبهم قول لهم انا ابغى كل شيء اصلي لاني بسافر ,, راح ياخذون منك مبلغ اكبر ولكن ماهنا مشكله ,, عندك خيار ثاني ادخل على اعدادات السيستم واحذف الويندوز عن بكرة ابيه ,, واذا وصلت بالسلامه حمل الويندوز وكل البرامج من النت وركبها بنفسك !!
ملاحظه / لا تقول لي بسوي فورمات واوديه عند اي هندي عشانه ارخص , لانه بالغالب راح يركب لك نسخه منسوخه زي معظم المحلات الغير معروفه !! لازم توديه وكاله ولا محل يوريك السي دي الاصلي قدامك ,,


بالتوًفيق ,!

مشكورين يا أخوان أنا تأكدة ان بعد ماشرولي اياه ركبولي برامج الكمبيوتر من مكتبة جرير والبرامج من محل ثاني للأسف

مدري وش الحل مع هالسالفة


برامج منسوخه

انا ابي اشتري لاب توب جدبد

بس اول الايام احتاج لابتوبي ...

ومو معقوله اخسر عليه 1000 ريال ..احط عليها 1500 واجيب واحد جديد

مدري وش الحل مع هالسالفة


برامج منسوخه

انا ابي اشتري لاب توب جدبد

بس اول الايام احتاج لابتوبي ...

ومو معقوله اخسر عليه 1000 ريال ..احط عليها 1500 واجيب واحد جديد

يا خوي المشكله أول ماتشتري الكمبيوتر البرامج الي فيه كلها مؤقته والله وهقه