أستحلفكم بالله إن تعرفون تردون علي (( أمريكا - أسترآليا ))

بسم الله الرحمن الرحيم

أدعوا الله لكم التوفيق والنجآح في غربتكم .. ورفع إسم البلد عاليا وهذا العشم فيكم .

إخواني أنا طالب الحين من طلاب الثآلث ثآنوي .. نسبة ثآنوي وقيآس ترشح وبقوة للقبول في بعثة طب الأسنان

لكن المشكلة والخوف من المصآريف بمعنى لا أحب السؤال دائما ولا أحب أن أطلب من الوالد شي

ولو جآت البعثة أتكلم عن أستراليا أو أمريكا .. كيف هي المعيشة بالنسبة لكم

بمعنى هل توفر لك ما تريد ولا تجعلك تحتاج مثل ما قرآت اليوم في جريدة الرياض

لإني بديت أراجع حسآبآتي وأقلق بعد

1- من موعد رحلتي إلى بدء الدراسة كم المدة اللازمة إلى أن تنزل المكافآة .؟ وهل هنآك تعويض عن ما دفعته .؟

2 - كم مكآفآة أمريكا & أستراليا ..؟ وكيف هو جدولك المادي أقص كيف توزع المصاريف بنفسك دون غيرك .

من سكن وأكل و و و و .. ؟

ياليت يا شباب تحكوا لي

بالتوفيق للجميع

شف انا مدري عن استراليا بصراحه لكن ما اسمع اهل استراليا يشتكون من المكافأه ,,
وبالنسبة لامريكا الاختلاف في كونها تكفي او ماتكفي والمحدد الاول لذلك هو مكان سكنك ,,
اذا انت ساكن في مدن كبيره ( نيورك بوسطن واشنطون لوس انجلوس اورلاندو شيكاغو الخ الخ )
هذي صعب جدا ان المكأفأه تكفيك ,, لان السكن فيها اصلا غالي , تخيل انك تستأجر بـ 1100 دولار وش يبقى لك من المكأفأه ؟؟
لكن اذا انت في مكان رخيص وسكنك رخيص والاسعار معقوله ,, اكيد راح تكفيك وتزيد , وهي تعتمد عليك وعلى صرفك ٍ !!
بالنسبة للدراهم الي تاخذها ,, اول ماتوصل الملحقية يعطونك شيك بالايام المتبقيه على الشهرٍ ,, بس طبعا ماراح تكفيك لانك في الاول راح تكون محتاج تصرف زيأده ,, لانك بتشتري اشياء كثيرهٍ ,, !!
مكافأه امريكا 1349 دولار للطالب الاعزب !! استراليا ما ادري بس اتوقع مايساويها بالعملة الاسترالية ,,

بالتوًفيق ,,

احب اوضح لك اانه ما يمديكـ تدرس ( طب الاسنان ) بامريكا فخيارك الاوحد هو ( استراليا )
واتمنى من مبتعثين استراليا الافادة لكـ ..

اتصور يا اخي انك حريض جدا
وهذا راح يسبب لك مشااكل بالبعثة والتاقلم والدراسة
انصحك لا تستعجل بالبعثة الا بعد سنة من تخرجك واكمال سنة لغة انجليزية بالسعودية
افضل لك