عرض للطباعة
السلام عليكم
ياخوان ان انشالله طالع على حسابي
وابي خطوط طيران رخيصه
ايه وانا صادق وشوله البعزئه على قولت المصرين:bleh:
ما يهمني وش بيكون مسار الرحله ووين بتوقف وكم بتوقف واي خطوط تكون
اهم شي تطلعني من الرياض وتوصلني لواشنطن ومن واشطن على الاباما في مدينة موبيل
وامس دقيت على طيران الاتحاد لقيت رحله من الرياض ابو ظبي ومن ابو ظبي لنيويورك
بالفين وتسعميه
بس انا ابي واشنطن علشان اروح الملحقيه وافتح ملفي واخلص اوراقي
بعدين اروح الاباما
> ناطر فزعتكن:flower:
دامك مو فارق معاك خط السير والمهم السعر .. أجل نصيحتي لك تروح بسفينة .. أرخص !!
ياخوك هين قرشك ولا تهين نفسك .. ترى خط السير لما يكون فيه ترانزيت يكون مقرف ..
روح من الرياض لواشنطن سيدا حتى لو تدفع دبل .. أو اطلع على رحلة أبوظبي نيويورك .. طيران الاتحاد حلو ..
أو حاول تشوف خطوط مريحة شوي .. ترى الشغلة مو ساعة أو ساعة ونص .. تراها نص يوم ويمكن أكثر !
إذا مرة ملزم .. شوف الخطوط السنغالية يمدحونها .. الظاهر يعطونك فلوس وتطلع معهم ..
أصلاً ماعندهم مطار .. يعني بيلقطونك بحبل :D
وماعندهم ترانزيت غير في نواكشوط .. يعبون بنزين بس
لووووول
سايلنت مدري انت خفيف دم والا وقح
ع العموم انا كلامي كان موجه للناس موب لغيرهم
والله مدري انت زعلت من ايش !!
أنا رديت على استفسارك والله العالم كل نيتي خير .. وماقصدت أي شي سيء .. والله كله بحسن نية .. وكل القصد إني أريحك وماتتعب في سفرك ..
على العموم سامحني إذا أخطيت عليك أو جرحتك بدون قصد ..
و اعتبر كلامي كله مردود عليّ .. واعتبرني سحبته ..
العذر والسموحة أخوي .. (مع إني باقي مو فاهم سبب زعلك)
والله يسامحك إذا كان غلطت عليّ :)
أخوك سايلنت
عقرب وسع صدرك
شف طيب انا محتاسة ابي رحلة مباشرة لواشنطن دي سي وباقيم فيها ما لقيت أو على الأقل انزل بدولة خليجية عشان لو طولنا الواحد يقدر يطلع ويروح أما اوقف في فرانكفورت ولا ديرتن مدري عنها ما ابي وش السوات
ابي رحلة على 19 20 اوقست وش الدبرة انا على حساب الوزارة بس ما بعد عطوني امر اركاب لأن السفارة ما طلعت فيزا بعلي > زوجي
الهولندية من ارخص الخطوط KLM وتحصل فيها حجوزات قريبة ..
عندك اتحاد الامارات بس لازم ترانزيت على ابوظبي ترى والله مرررررررررررره رخيص .
ثم الخطوط المصرية و ايضا لازم ترانزيت على القاهرة وهذه ب 4200 ريال سعودي
الافضل انك تروح مكاتب سياحية وتحدد التاريخ وبناء على طلبك يطلعولك ارخص خطوط.
وبالتوفيق
اما عقرب:pissed:اقتباس:
عقرب وسع صدرك
شف طيب انا محتاسة ابي رحلة مباشرة لواشنطن دي سي وباقيم فيها ما لقيت أو على الأقل انزل بدولة خليجية عشان لو طولنا الواحد يقدر يطلع ويروح أما اوقف في فرانكفورت ولا ديرتن مدري عنها ما ابي وش السوات
ابي رحلة على 19 20 اوقست وش الدبرة انا على حساب الوزارة بس ما بعد عطوني امر اركاب لأن السفارة ما طلعت فيزا بعلي > زوجي
المشكله انك جايه بوقت زحمه اذكر اني كلمت مكتب استفستر عن حجز في اوقست قال كله فل
مافي الا في بداية اكتوبر نصيحه خذي لك اي حجز حتى لو تلطعين شوي احسن انك ما تلقين شي
مره
الله يعطيك العافيه اخوياقتباس:
الهولندية من ارخص الخطوط KLM وتحصل فيها حجوزات قريبة ..
عندي خبر عند الاتحاد بس مشكلته تنزل في نيويركاقتباس:
عندك اتحاد الامارات بس لازم ترانزيت على ابوظبي ترى والله مرررررررررررره رخيص .
ثم الخطوط المصرية و ايضا لازم ترانزيت على القاهرة وهذه ب 4200 ريال سعودي
وانا ابي واشنطن والا والله رخيصه وحلوه
اقتباس:
الافضل انك تروح مكاتب سياحية وتحدد التاريخ وبناء على طلبك يطلعولك ارخص خطوط.
وبالتوفيق
الله يعطيك العافيه انا كلمت مكتب بس ممكن احد من الاعضاء تكون له تجربه يفيدني فيها اكثر
انا اعطيتك تجربتي .. كنت ادور حجز بعدها باسبوع بالضبط وايامها كان موسم حج يعني مررررة زحمة والحمدلله حصلت عالـ KLM .. هي انا اقولك راحة ماهي مريحة ولازم توقف في هولندا
الله يسهلك كل امورك يعني اخي العراب انت مامريت على الوزاره
وبترح على حسابك على طول؟؟؟ وبعدين بتلتحق
اقتباس:
انا اعطيتك تجربتي .. كنت ادور حجز بعدها باسبوع بالضبط وايامها كان موسم حج يعني مررررة زحمة والحمدلله حصلت عالـ KLM .. هي انا اقولك راحة ماهي مريحة ولازم توقف في هولندا
طيب اخوي ذا امقرنت الظاهر > والله ماعرفت اقرا اسمك
ياليت تقولي عن مسار الرحله وبكم التذكره
اقتباس:
الله يسهلك كل امورك يعني اخي العراب انت مامريت على الوزاره
وبترح على حسابك على طول؟؟؟ وبعدين بتلتحق
لا والله ياجامعي ما ظنيت امرههم
بطلع على طول
الا اذا استجد شي جديد بالوزاره
الله يسهلك كل امورك ويختارلك كل الي فيه الخير
يامعلم دام إنك طالع على حسابك وشوله تنزل في واشنطن ؟
ويالنسبة لفتح الملف وتسجيل الجواز بإمكانك تسويهم بالبريد
طيب اخوي واحد ماشي الي سمعته انه افضل اني اروح بنفسي واخلص اوراقي بنفسي
والا لا
يعني اذا صرت شخصيا عندهم افضل
أفضل من أي ناحية ؟!
لأني أنا نفس وضعك طالع على حسابي الخاص وشريت تذكرة دايركت على الولاية اللي بدرس فيها
إذا فعلا أفضل أرجو إنك تعلمني ليش ... عشان يمكن أغير رايي وأمر واشنطن
انا اقولك ليش افضل لاني كلمت الملحقيه تو
وردت على لبنانيه اخلاقها في خشمها
كنت اسئلهم عن اجازتهم في العيد اخاف اجيهم والقاهم مسكرين
المهم قالت متى رحلتك قلت والله ثاني ثالث العيد في هالايام ما بعد حددت اي يوم في الضبط
قالت خلاص حنا نستقبلك وتجي الملحقيه تفتح ملفك وتعبي الابلكيش وتخلص اوارقك
يعني الي فهمته انك تحضر بنفسك عشان تخلص اوراقكك
وأنا أعرف واحد فتح ملفه عبر البريد ومع ذلك تحول للبعثة خلال 6 أسابيع
أخوي العراب كلام واحد ماشي صحيح وعن تجربة .. أنا طال عمرك طلعت على حسابي وانضميت للبعثة الحمد لله وصارلي بأمريكا حول السنة والنص وواشنطن ليومك ذا ما طبيتها
أموري كلها بريد وتلفون .. ياغالي ماله داعي تمر ترى بتخسر فلوس على تذكرة اضافية وبتخسر فلوس فندق ومواصلات في واشنطن
توكل على الله واطلع على الرحلة اللي لقيتها
صدز والله
اذا على كذا تمام الله يعطيكم العافيه
بس ابي اعرف وشلون تفتح ملفك وانت في ولايتك بدون ما تروح لهم
شوف هذا الرابط
http://www.sacmonline.us/new/form/Pr...quirements.pdf
اقتباس:
المشاركة الأصلية كتبت بواسطة العراب
الدمام ثم امستردام (هولندا) ثم شيكاغو (امريكا) والله يااخي ماادري بكم بالضبط لانه اهلي اللي حجزولي هي بس انت تقدر تروح اي مكتب خطوط وتسأل عالــسعر
اقتباس:
اخوي ماشي وشلون هذي اطبعها واعبيها وارسلها لهم بالبريد يعني
بعدين انا والله ودي بكلام اكيد اخاف اذا ما جيتهم يقولون لازم تجينا
عاد ولايتي في اخر الدنيا
اقتباس:
الدمام ثم امستردام (هولندا) ثم شيكاغو (امريكا) والله يااخي ماادري بكم بالضبط لانه اهلي اللي حجزولي هي بس انت تقدر تروح اي مكتب خطوط وتسأل عالــسعر
جزاك الله خير
أنا عن نفسي طبعتها وعبيتها وأول ماأوصل الجامعة راح أرسلها لهماقتباس:
المشاركة الأصلية كتبت بواسطة العراب
على فكره رجعة كلمة الملحقيه وتاكدت منهم
قالت لي الموظفه هو الافضل انك بتجي بنفسك وتفتح ملف
بس مافي مشكله اذا رحت لولايتك وارسلت اوارقكك عبر البريد
اخوي ماشي شكرن لك ع الرابط لانك بتوفر على الكثير من الوقت
انصحك تروح تفتح الملف بنفسك
انا رسلتلهم اوراقي بعد ما تم الحاقي في البعثه وضيعوها وارسلي مره ثانيه وزحمممه
اقتباس:
انصحك تروح تفتح الملف بنفسك
انا رسلتلهم اوراقي بعد ما تم الحاقي في البعثه وضيعوها وارسلي مره ثانيه وزحمممه
والله شكلي بسوي كذا اقلها برتاح نفسيا
الا بغيت اسئلكم عن صور الشهاده الثانويه
اصورلهم صوره عاديه من الشهاده
والا اصور كذا صوره واختمها من وزارة التعليم العالي والا وش السالفه ياخوان ؟
يكون أفضل لو تصور كذا صورة ... لكن مايحتاج ختم وزارة التعليم العالي ، اختمها عند فرع وزارة التعليم بمنطقتك وخلاص
انا في الرياض اختمها من الي على طريق العليا
او من عند الي في الناصريه
^
ماأقدر أفيدك لأني مو من سكان الرياض ... لكن عندي سؤال :yay:
هل يلزم صور شخصية لأجل فتح الملف ؟ ... وإذا إيه ، كم صورة ؟
الله يسهلك كل امورك وبشرنا باخر الاخبار والمستجدات التي تطرأعليك
واحد ماشي الصور امرها سهل تقدر تصور باي مكان
البلا لا قال ناقصك ورقه والا ختم
جامي الله يوفقنا جميع انشالله