عرض للطباعة
بعد المقابله وتقديم الاوراق بشهرين الحمد لله كتب الله ان تحمل زوجتي وننتظر ضيف جديد ان شاء الله والان قراءة عن شي مشابه لتالي
هل فعلن اذا ما بلغت السفارة عن الحمل وسافرنا يرجعونا من المطار
الله يخليكم الوقت جدا ضيق ارجوا ان تبذلوا كل الجهد من خلال المواقع او السوال لمن سافر قبل طرح الموضوع والرد العاجل
تحياتي واسال الله العظيم ان يجزيكم كل خير وان يجعلكم من المقبولين في هذا الشهر الكريم
مرحبا اخي مبتعث ولاكن
انا قريبتي مبتعثة من المرحلة الثالثة وكانت حامل وطبعاً صعبة تعمل الكشف الطبي هي حامل
وطلبت تأجيل للبعثة وافقولها عليه التعلبم العالي وهي الان والحمدلله في بلد الابتعاث مع مولودها الجديد.
الف مبروووك اخووي والله يرزقكم الذريه الصالحه ان شاء الله
ما عندي خلفية عن امور السفارة الله يوفقكم ويسهل امركم
وياليت تشتشير الدكتوره في الاول اذا كان يضر الطفل ركوب الطائره
السلام عليكم....ماعندك اي مشكلة...اهم شي تجيب ورقة من الدكتور انه مافيه مشكلة على السفر...وثاني شي الخطوط الي إنت رايح معاها ما يكون عندها مشكلة....يعني اغلبية الخطوط ما تسمح للمرأة تسافر وهي في الشهر الثامن او التاسع....
من الشهر الأول الى السادس ما عندك اي مشكلة.
تحياتي
مشكورين والله يعطيكم العافية بس توقعت احد يقول لا ما يرجعونكم من المطار
اولاُ
الف مبروووك الله يسهل عليكمك ان شاء الله وتولد زوجتك بالسلامه
ثانياُ
لاتخاف مارح يرجعونك اخوي
الملحقيه او السفاره مايهم اذا زوجتك حامل و لالا
وترى على فكره مو لازم تبلغهم
اهم شي انك تخلص اوراقك وتتطمن على حاله زوجتك قبل السفر وهل تسمح حالته الطبيه و لالا.
انا ولله الحمد كانت زوجتي بالشهر الثامن لما سافرنا وماصار شي. ولدت هناك والملحقيه اتكفلت بجميع تكاليف الولاده.
ركز اخوي ببعثتك ولا تشيل هم. ا
كل عام وانتم بخير ورمضان كريم انا زوجتي تنتظر الابتعاث للمرحله الرابعه وهي حامل في الشهر التاسع كيف اذا رزقنا الله البعثه وكمان الولد كيف اظمه للبعثه ارجو الرد
بارك الله فيكم وريحتوني الله يوفقكم
انا زوجتي بتولد هناااااااااااااك
الاخ مبتعث ولاكن
اول شي الله يرزق المولود الصالح باذن الله
ثاني شي انا راح اقول سالفة صارت قدام عيني
في ديسمبر الماضي كنت داخل الى امريكا عن طريق مطار اتلانتا طبعا وكالمعتاد رصونا في غرفة التفتيش 6 ساعات وكنا نراقب الرايح والجاي ومن ضمنهم كانت هناك امراة من شرق اسيا ومعه بنتها الصغيرة وامها وكان هناك نقاش كبير بينهم هم ورجال الامن الامريكي واتضح لنا من خلال ناقشهم بان هذه الامراة حامل ولم تبلغ عن ذلك في الفيزة التي اعطيت لها ومن ثم جاء المشهد الحزين حيث منعوا المراة من دخول امريكا وسمحوا لامها وبنتها وخذ انواع البكاء وتم اخراجها على ان تغادر الى بلادها ولكن لانعلم ماذا تم بعد ذلك.
احببت ان افيدك بمارايت فلذلك اعتقد انه من الافضل ان تستفسر من السفارة وهم من سيفيدك
اخوي انا زوجتي حملت بعد ماطلعت الفيزا ودخلت امريكا وهي بالشهر الثامن. وحتى بالتفتيش بلغتهم عشان لاتعدي من تحت جهاز الاشعه وكل شي مشي هلى مايرام ولله الحمد. لاتعقدون الشغله الله يصلحكم. اهم شي انتبه على زوجتك لاتتفتش عن طريق جهاز الاشعه. وخل الدكتوره تصرفلها ادويه عشان الياره وخل الوصفه معاك. والله يعينك . وبالنسبه لاضافه المولود ارسل شهادة الميلاد للملحقيه مذكور فيها اسمكك ورقمك في الملحقيه. والافضل انك ترسله للادفايزر حقك. وهم راح يظيفون المولود ويزوودون مستحاقته على طول. اهم شي لاتنسى تذكره المرور لما تجي راجع. قدم عليها قبل السفر بشهر.
ان شاء الله اكون افدتكم
لاتنسونى من الدعاء
LS430
الله يوفقك يا شيخ هونت علي والله شايل مثل الجبال على ظهري
ابشرك اليوم تم طباعة قرار الابتعاث
الف مبروووووووك ان شاء الله تكون بعثه السعد عليك
الله يهون عليكم ويرزقكم الذريه الصالحه.
الا على فكره انت في اي ولايه؟
اذا احتجت شي تراني بالخدمه ان موجود ببورتلاند اوريجون
تحياتي
اقتباس:
المشاركة الأصلية كتبت بواسطة koh_15
أخي الكريم koh_15 ..
استغرب كلامك هذا ...
لا يوجد في جميع ا لاستمارات الخاصة بالسفارة أي سؤال عن أن المرأة حامل أم لا.
قد يكون الإجراء الذي رأيت خاص بشرق آسيا ..
أم بخصوص السفارة بالرياض وإجراءاتها فهم يطلبون تعبئة النماذج للجميع بما فيهم المواليد الجدد حتى ولو كان عمره ساعة واحدة .. ولكن الجنين في بطن أمه لا يعبى له استمارة ولا شي.
أخي مبتعث ولاكن
توكل على الله ومافيه أي شي يقلق بهذا الخصوص سوى خطوط الطيران هي اللي ممكن ترفض صعود زوجتك للطائرة اذا كانت بالشهر التاسع ..
أما بخصوص أمريكا وإجراءات الدخول لها .. فليس لهم علاقة على الإطلاق ..
ملاحظة:
لا تنسى تطلع للجنين فطرة ليلة العيد:drool1: .. من الآن وصاعداً أصبحتوا ثلاث أشخاص.. :sleep:
فطرة = زكاة الفطر