لاي شخص تم رفض تجديد فيزته الامريكية (ابشر بفرصة في استراليا)

السلام عليكم ورحمة الله وبركاته

اولا اخواني اسمحوا احيي الاخ امين على جهوده الجبارة في هذا المنتدى والله يجعلها انشالله في ميزان حسناته والله يسهل اموره مثل ماهو مسهل امور الخلق ...


بس اللي لفت نظري ان بعض الاخون تحصل لهم مشاكل عند نزولهم السعودية لتجديد الفيزا ويتم رفضهم من قبل السفارة الامريكية بالسعودية
على الرغم من ان بعضهم مخلص فصل او فصلين دراسية والبعض الاخر مخلص اللغة الانجليزية

وحيث انني اتيت بقبولات من استراليا لبعض الشباب اللي راسلوني وكانوا مخلصين فصل او فصلين دراسيين وقدرت بحمد الله اني احصل لهم على قبولات في استراليا او نيوزلندا

فأي شخص حصلت له نفس المشكلة ومارضيوا يجددون فيزته كل اللي عليه الاتي

1 - ارسال الترانس كربت حق المواد اللي درسها اكاديميا ويكون الترانس كربت رسمي يعني عليه اسم الجامعة وعليه ختمها ماهو يروح يسحبها لي من الانترنت لازم يكون رسمي .

2 - يعطيني شهادات اللغة الانجليزية اللي اتممها في امريكا وعادة يعطونه ورقة من المعهد انه وفى المطلوب من اللغة ووصل لليفيل المطلوب ومؤهل لدخول الجامعة .

3 - برضه يزودني بشهادات اللغة اللي حصل عليها من اي معهد تفيده .

4- شهادة الثانوية مترجمة وصورة الجواز

5 - يروح للتعليم العالي ويطلب منهم ضمان مالي يرسله لي مع اوراقه .

بالنسبة للناس اللي بدءوا الدراسة الاكاديمية وخلصوا فصل او فصلين فمضمون بعد الله اني احصل لهم قبول غير مشروط ويجي استراليا او نيوزلندا ويدخل الدبلوما على طول بدون لغة .

اما بالنسبة للناس اللي بس خلصوا اللغة فما فيه شي مضمون اني راح احصل لهم قبول مشروط بس بيكون من حظه اني القى له جامعة تدرس له 6 شهور لغة ويعدي ليفيل معين ويدخل الدبلوما .

بالنسبة للقبولات فتراها ياجماعة فزعة مني لوجه الله تعالى في استراليا ونيوزلندا

بس اللي ابيه انه لا يراسلني ويراسل مكاتب او اشخاص اخرين لاني خدمتي للناس اللي عجزوا يلاقون قبول وتعبوا من نصب بعض المكاتب

بس اهم لا تنسى تدعي لي ولوالدي مع الافطار وانت صايم ومع الاسحار

لان ثمن القبول الدعوة الصالحة في ظهر الغيب ...

اخوكم
مانع اليامي
manaau#hotmail.com

شكرا أخونا مانع وبالتوفيق

وفقك الله يامانع
ورحمك الله ووالديك

الله يغفر لك ولوالديك ولجميع المسلمين

الشكر والمنة لله


والله يقدرني على خدمة اخواني واخواتي

ولا تنسونا من صالح الدعاء يااخوان

الله يجزاك الخير

ويغفر لك ولوالديك ولجميع المؤمنين

الله يوفقكك ويوفق اهلك ومن يعز عليك وفرج الله عنك وعن اهلك كرب يوم القيامه

امين انشالله

ويارب لكل من يدعو لي دعوة صالحة انها له بالمثل

بس حبيت اقولكم حاجة ياجماعة فيه ناس فعلا ارسلوا لي اوراقهم

بس والله ماهي كويسة ان الواحد يقدم على 10 جامعات ويخليني اقدم له على الجامعة رقم 11

ولا يكون مقدم على عدة جامعات ويخليني اتعب واقدم لمجرد الاحتياط

ياجماعة عملي فقط للناس اللي فعلا ماهم عارفين يجيبون لهم قبولات لانفسهم ولا ماهم عارفين يوصلون لمكتب ولا المكاتب مرمطتهم

انا بافرح والله اني اخدمهم

بس انا احطها بامانة الشخص لمن يعطيني اوراقه اني اكون المخرج الوحيد امامه لان والله الشغلة تاخذ مني جهد غير طبيعي وهذا غير اني معاي عائلتي وشهر رمضان شهر عبادة وهذا فوق الدراسة اخر ترم

تقبلوا تحياتي واعتذاري

آلله يعطيك آلعآفيهـ آخوووي مآنع ...


لآعدمنــآآآكـ ...

اخوي

انا ماعندي الا شهادة لغة لمدة سنتين ولا حالفني الحظ اني ادخل الجامعة

فاذا تقدر تحصل لي قبول غير مشروط من استراليا او من اي دولة الله يجزاك الجنة

اخوي نارجن

والله صعب تلاقي قبول مشروط وانت مامعاك الا شهادة سنتين

ولكن نصيحة شوف لك اقرب اختبار ايلتس وجيب 5 فقط في الايلتس

وانا اجيب لك قبول للدبلوما او الفاونديشن والبكالوريوس