انا طالب جاي بفيزه F1 هل فيه مشكله لو قدمت على قرعه القرين كارد؟

السلام عليكم

انا طالب جاي بفيزه F1 هل فيه مشكله لو قدمت على قرعه القرين كارد؟

مع العلم اني متزوج ولو مافيه مشكله يمكن اقدم لزوجتي ان شاء الله.

وطبعاً عندي بنت توها مولوده في امريكا وطلعت لها الجواز .. بس الظاهر اني لازم اذكر ان معي طفله.

هل فيه مشكله لو قدمت عالقرعه؟ هل تنصحوني وإلا لا؟

هل تاثر على تجديد الفيزا او دخولي للمطارات؟

محتاج اكبر عدد من الاراء ولاهنتوا جميعاً.

بالتوفيق.

نصيحة من اخ لا تقدم لانه امريكا الان محتاجة جنود للحرب وبعد ما تكسب وانا ااكدلك انك حتكسب وبعد ما تخدها يطلبوك للتجنيد ويرسلوك العراق او افغانستان انتبه وهذه فايتة على كثيرين الله يهديهم.. لااااااااااااااتقدم حتى لو جاتك ببلااش..اسمع الكلام وراجع نفسك ومادام عندك بنت اتولدت في امريكا كفاية انك تروح وتجي براحتك وتتملك وتعمل اللي تبغى لكن انت لاتقدم..اسمع الكلاام بعدين مافي يمه ارحميني..

اقتباس:

---

المشاركة الأصلية كتبت بواسطة بحر جدة...

نصيحة من اخ لا تقدم لانه امريكا الان محتاجة جنود للحرب وبعد ما تكسب وانا ااكدلك انك حتكسب وبعد ما تخدها يطلبوك للتجنيد ويرسلوك العراق او افغانستان انتبه وهذه فايتة على كثيرين الله يهديهم.. لااااااااااااااتقدم حتى لو جاتك ببلااش..اسمع الكلام وراجع نفسك ومادام عندك بنت اتولدت في امريكا كفاية انك تروح وتجي براحتك وتتملك وتعمل اللي تبغى لكن انت لاتقدم..اسمع الكلاام بعدين مافي يمه ارحميني..

---

يالغالي التجنيد للي عندهم الجنسيه فقط وما اظنه انه اجباري.

انت متاكد ان اللي عنده قرين كارد يجبرونه على التجنيد؟ ياليت الاخوان يفيدونا ..

وبعدين وانا اخوك انا مره ما انفع للتنجيد مره نحيف لما يشوفوا شكلي ينكسر خاطرهم ويغيرون رايهم :)

بإنتظار تعليقك يالغالي وتعليق البقيه ..

ايوا متاكد ومادامك عربي وفوق كدا مسلم تنفع ونص ..نحيف قصير ما عندك مدري ايش حتتنجند يعني حتتجند والتجنيد اجباري مادامك حتتجنس وهذه انظمة جديدة وخد الكلام الصح واسمع الكلام وبعدين ماتلاقي مين يفكك بنت كفاية عليك وكمام شوية بعد تكبر انشالله خليها ترجع بلدها تتربي احسن لك وهذه كمان نصيحة وانت بكيفك ولا حتشد شعرك وبعدين وتفتكر موقع مبتعث وتفتكر كلامي فيه..خخخخ..لا منجد بلاش اسمع الكلام بنت ممكن تاخذ الجنسية اذا ما اخدتها وبيها تقدر تعمل اللي تبغى تتملك بيوت او تروح على امريكا بطريقة اسهل بكثيييييييير مننا وتمتع بنتك بمزايا كويسة بس سلاتنسى كمان في ضرائب حتدفعها للحكومة سنوية واكيد بتسمع عن اللي بيتهربو من الضرائب عندهم ايش بيحصل معاهم ..انتبه والله انا بنصحك لاني اعرف ناس عملوها وندما لكن خلاص ماعاد ينفع

يالغالي في فرق بين green card وبين الجنسيه (الجواز).

انا ماراح اقدم عالجنسيه والجواز .. انا ابي green card بس مده دراستي وبعد التخرج ثاني يوم ياخذونه ما احتاجه .. اصلاً ما راح اجلس ولا يوم زياده في هالبلد بعد التخرج .. بمتحن اخر يوم في الامتحانات وبوصي الشباب يرسلون لي الشهاده بالبريد :)

يعني ابدا ما انوي الاقامه في هالبلد .. بس احتاجها للتسهيلات .. لإنن كلنا ماحبينا نسوي شيء قالوا لا مايصير انت طالب :(

وجزاك الله الف خير على نصيحتك. والله لايجندنا :)

ومشكور على متابعتك.

والله مشكلة اذا بيجندونك.

الله يوفقك .

اقتباس:

---

المشاركة الأصلية كتبت بواسطة محتار من جد

والله مشكلة اذا بيجندونك.

الله يوفقك .

---

والله اول مره اسمع باللي تقول له .. واعرف ناس عندهم ولا احد كلمهم إلى يومك هذا.

وهذا لايعني اني غير مصدقك فبالعكس مصدقك يالغالي .. لكن استغرب لعل تلخبطت الامور عندك.

الله يجزاك خير يالغالي ويوفقك الجميع.

يا ابويا انت حر تعبتني ..ايش تبغى؟؟؟؟تبغى تاخدها خدها خلااااص..!!!؟
يعني اجيك كدا تجيني كدا..!!!
حيجدندووووووووووووك..وما على الرسول الا البلاغ..!!سمعت..
انا مالي صلااااااح..
روح خدها وبعدين تقول بحر جدة قلي بس انا ما يمعت الكلام..ولو سالتهم ما حيقولولك بس بعدين بعد فترة يجو ويقولك محتاجين جنود وهذا حيكون وضع استثنائي عشان كدا ما اعلنه عنه او اصدرو تعليمات ليه..

المشكلة مش في التجنيد المشكلة أنه لو مافزت -وهذا إحتمال كبير جدا-نظراً لعدد المتقدمين بالملايين واللي راح يفوزوا عدد صغير جدا

المهم المشكلة لو مافزت وإحتجت تجدد الفيزا طبعا حيبان عندهم أنك مقدم على القرين قارد يعني ناوي الجلسة في أمريكا وأعتقد أن هذا أكبر عائق لإصدار فيزا لغير المهاجرين F1

التجنيد ماهو اجباري وكلام بحر جده ماهو صحيح
تقديمك علي القرعه ماراح ياثر علي الفيزا ومافي اي مشكله
توكل علي الله والي فيه الخير كاتبه لك رب العالمين

مافي اي اشكالية في الهرجة والتجنيد اجباري للعواطلية وغير كدا مو اجباري وبعدينا القرعة مشكلتها يشفطو فلوسك ومو اكيد فيها ايوا وفيها لا بس قدم مين يعرف امكن تفووووز

إذا تـبغاها نصيحة مني وهذه النصـيحـة دائما انصح بها نفسي اولا والمقربين مني ثانيـا , بما إنك طالب F-1 وناوي ترجع تجدد الفـيزا , فـلا تـقدم على Green Card , وهذه نـصيحة اخوية لا اقل ولا أكثر