ياشباب اخر خبرية من التعليم العالي من مصدر موثوق جدا

اخواني واخواتي الاعزاء

اسعد الله اوقاتكم بكل خير ومحبة

صراحة حبيت انوه لطلاب المرحلة الرابعة بانهم لا يتعبون نفسهم ويجيبون لانفسهم قبولات ابدا ابدا لان لي ولد اختي طلع اسمه في البعثات وجبت له قبول بعد ماغثني :yay: هو وابوه وامه عشان اجيب له قبول حيث انهم ماهم مقتنعين ان التعليم العالي راح يرفض جميع القبولات

وجبت القبول مثل مايبون وراح به نسيبي ودخل بالقبول من العنقري لين البنغالي حق الوزارة ولا رضيوا انهم يقبلونه بالرغم من ان معاه واسطة ماهي بسهلة والله :goof:

وطبعا فيه كورس تحضيري لترم او ترمين لطلاب البكالوريوس لازم ياخذونه في السعودية قبل مايطلعون على قبولاتهم

وبالنسبة للطلاب اللي يبون يحولون من دولة غير استراليا لدولة استراليا ترى التعليم العالي يرفض انه يحولك لاستراليا بعذر ان فيه تكدس في الطلاب السعوديين هناك ويبي لهم شخص من النوع اللي يداوم معاهم صباح وليل لمدة اسبوع عشان يقبلون يحولونه :1eye:

يعني قرار المنع ماهو رسمي ولكن من رأس الدكتور عبدالله الموسى ويبي لهم شخص لحوح جدا


الخبرية الكبيرة صراحة انها فاجأتني حيث انها تتكون من قسمين :

1 - اي شخص على حسابه الخاص لازم يرسل قبوله وختم الدخول حق الدولة المبتعث لها قبل تاريخ 15 نوفمبر لان التاريخ هذا هو تاريخ الاقفال عشان الميزانية لعام 2008
واي معاملة بعد هذا التاريخ لم ولن تقبل ووالله خبر اكيد مية في المية .

2 - الخبر الطامة الكبرى وهي ان التعليم العالي يفكرون جديا في وقف الابتعاث من خمس الى سبع سنوات ابتداء من السنة القادمة وفيه احتمالية بسيطة يمكن 10 % فقط انه يكون في مرحلة خامسة للابتعاث :wacko:

فوالله ان الشي هذا من دكتور مسؤول في الوزارة وشخص موثوق به وانا حبيت ابلغكم حيث لو فيه احد عنده قبول لازم يطلع للدولة اللي راح يبتعث لها ويسوي ختم دخول ويرجع للسعودية يقدم اوراقه بنفسه قبل 15 نوفمبر لعام 2008 اي بعد تقريبا 22 يوم .

والله يقدرنا لما فيه خدمة لابناء المسلمين ولا تنسونا ووالدينا واولادنا من صالح دعواتكم

أخوي مانع

منع القبولات للجميع بكالوريوس و ماستر

ولا بكالوريوس فقط

ريحنا الله يريح بالك..........

مشكوووووووور أخوي الله يعطيك العافية ويقويك لخدمة الاسلام والمسلمين

أخوي مانع المشعل ماشاء الله عليك
يا ليت من هالمصادر اللي عندك تفيدنا هل موضوع زيادة المكافئات اوقف أم لا زالت المطالبة به
وما هو الجديد في هذا الموضوع.

يعطيك العافيه

والله صارلى فتره ادور قبول من يوم ماطلعت الارقام

اجل بحط رجل على رجل وانتظر وين بيرمونا

ياااااااااااااااااااااااا مصيبه
طيب انا اش اسوي
لازم اروح جامعه معينه الي فيها اخويا وهوا المحرم طبعا اش الحل؟؟؟؟؟؟؟؟؟؟

الله يكتب ماكان فيه الصالح ...

التوقيف راح يكون لجميع المراحل

بكالوريوس + ماجستير + دكتوراه

وطبعا زي ماقلت لكم في بصيص امل انه يكون مرحلة خامسة بس راح تكون الاخيرة لو كانت لمدة خمس او سبع سنوات

الله يكتب اللي فيه الخير ويجزاك بالخير ويرحم والديك

اخوي مانع يعطيك العافية على الأخبار
بالفعل هناك دراسة لوقف الابتعاث على حساب الدولة فقط ولفترة تقارب السنتين كحد أدنى وخمس سنوات كحد أعلى وستكون على شكل نسبة عدد المتخرجين من الثانوية العامة والبكالوريوس والدكتواره ولم تتحد النسبة لان الموضوع كما قلت " دراسة " ولم يتم البت فيها للآن .. والسبب من وجهة نظري حتى ترى وزارة التعليم العالي النتائج لهذا الابتعاث وفائدتها على المجتمع ونسبة الطلاب المبتعثين و" تحصيلهم العلمي "

بالنسبة لموضوع القبولات أن إن شاء الله يوم السبت بروح للوزارة واشوف الموضوع وأرد لكم