عندي مشكلة ساعدوني الله يخليكم

السلام عليكم ورحمة الله وبركاته

انا عندي مشكلة ابغى احد يساعدني

انا زوجي طلعت له البعثة وانا قدمت على طلب ورحت وسويت مقابلة في السفارة وما رضو يعطوني فيزا بحجة ان درجاتي ضعيفة وان التخصص اللي انا ابغاها يقول انه صعب المهم زوجي الحين سافر وانا قدمت على موعد ثاني على اني مرافقة وارسلت لهم ايميل على اني ابغى موعد قبل الموعيد الموجودة

الحين صار لي اسبوع ويومين وما في احد اتصل علي وانا خايفة اتأخر على زوجي اكثر من كذا وما ادري وش اسوي

انتظرهم يتصلون او ارسل ايميل ثاني او اني اخذ موعد من الموعيد الموجودة في الموقع

ساعدوني لاني ابغى اروح حق زوجي باسرع وقت ممكن:92:

اختي خذي موعد وش خسرانه انتي

طيب السفاره ماتردك عشان درجاتك ضعيفه غريبه يمكنهم عطوك ورقه صفرا وقالو نتصل فيك

لان السفاره ماعليها من الدرجات

انا درجاتي مش ولا بد وخذت الفيزا ولا اسالو عن التخصص


اهم شي تتأكدين ليش ماعطوك فيزا

اذا كان ماعطوك ورقه صفرا وعطوك الجواز وقالو مالك فيزا كذا تاخذين موعد جديد من الي في الموقع الي مسويته اختنا الفاضله مسافرهـ

اما اذا معطينك ورقه صفرا استني اتصالهم صدقيني بيتصلون عليك

بس اختي علمينا بالضبط وش صارلك بالسفاره

ولكي التحيه

سعود

السلام عليكم ورحمة الله وبركاتهشكرا على ردكاللي قابلني في السفارة اللي كان في كونتر 6 وهذا اصعب واحد فيهم ومارضى يعطيني الفيزايقول ان درجاتي ضعيفة وقلت له اذا الجامعة وافقت علي انت ليش ترفض وما رضى يعطيني الفيزا الحين انا قدمت على اني مرافقة ولحد الحين ما ردو علي وهم عطوني ورقة بيضة مو صفرة انا اعرف الورقة الصفرةالحين انا خايفة يطنشوني

اي موقع اللي مسويته الاخت المسافرة

اخي تفضل هذا اللينك فيه شرح وافي لعملية حجز موعد من السفارة .. موفق بأذن الله
http://www.mbt3th.us/vb/showthread.php?t=3264

الله يسهل عليكم

الله يوفقك ويسهل اموركم ... ويجمعك بزوجك قريباً

اقتباس:

---

المشاركة الأصلية كتبت بواسطة ملاك القلوب

السلام عليكم ورحمة الله وبركاته

انا عندي مشكلة ابغى احد يساعدني

انا زوجي طلعت له البعثة وانا قدمت على طلب ورحت وسويت مقابلة في السفارة وما رضو يعطوني فيزا بحجة ان درجاتي ضعيفة وان التخصص اللي انا ابغاها يقول انه صعب المهم زوجي الحين سافر وانا قدمت على موعد ثاني على اني مرافقة وارسلت لهم ايميل على اني ابغى موعد قبل الموعيد الموجودة

الحين صار لي اسبوع ويومين وما في احد اتصل علي وانا خايفة اتأخر على زوجي اكثر من كذا وما ادري وش اسوي

انتظرهم يتصلون او ارسل ايميل ثاني او اني اخذ موعد من الموعيد الموجودة في الموقع

ساعدوني لاني ابغى اروح حق زوجي باسرع وقت ممكن:92:

---

NIVappts@state.gov هذا اميل السفارة الامريكية راسليهم كمان وانتظري واذا ما ختموا على جوازك وقالولك تعالي بعد سنة فممكن تقدمي مره ثانية ما عندك مشكلة بس ممكن عندهم ضغط الحين

السلام عليكم ورحمة الله وبركاته
انا اشكر كل واحد قراء موضوعي وكل واحد رد علي وكل واحد دعى لي لاني باشد الحاجة لهذي الدعوات والنصائح
والله يعطيكم العافية:92:

اصبري ان الله مع الصابرين .

والله السفاره طالعين بموضه الدرجات هالايام الله يعين
افتكوا اللي اخذوا الفيزا من زمان كل مايجي لها السالفه تصعب

اختي الحين المواعيد ماعادت بالطريقه القديمه خلاااااص مافيه حجز موعد بالايميلات والفاكس
لو لاحظتي مكتوب في الموقع

الحين حجز الموعد عن طريق موقعهم بالكردت كارد


والاخوان ماقصروا بتلاقي مواضيع كثيره تشرح لك الطريقه

تحياتي

السلام عليكم ورحمة الله وبركاته

اشكركم على على مشاعركم الطيبة

:101: هذاني انتظر الموعد