Els_boston..... نار جهنم في جنة الدنيا

السلام عليكم ورحمة الله وبركاته

الى كل الطلاب والطالبات السعوديين في كل أنحاء العالم ... والى من يهمه الأمر ...

الكل سمع عن معاهد ELS

بس ELS_BOSTON غيررررررررررررررررررررررررررررررر ....

احنا لنا سته أشهر ندرس فيه تصدقون يعاملون الطالب السعودي معامله خاااااااااااااااصه ويحترمونه ومن كثر حب المدرسين لنا " يرسبوننا عيني عينك" .. يبغون الدراهم
وعندنا مدرسين عالميين على سبيل المثال "كرولاين" تخليك تنام في المحاضره غصب عنك, اذا عندك أرق او ماتقدر تنام في الليل كارولاين.... ّ Will help you ....
والا "شين" كان مساعد المديره وخلوه مدرس بين يوم وليله علشان الطلاب صاروا كثير في المعهد....
أما بالنسبه ل"رونا" تذكرني بمدرس اسمه "صالح عقيل" الله يذكره بالخير كان مسبب لنا هلع ومطير عقولنا ايام ماكنا في ثالث ثانوي...
وأزيدكم من الشعر بيت كل شهر يجيبون مدرس جديد يجربونه علينا .... وحده منهم اسمها "سوزن" مختله عقليا والله عندها كل الأمراض النفسيه ولو تشوفونها تقولون عايشه من العصر الحجري.. كل الطلاب كانوا يشتكون منها ولا طالب يفهم منها.... من يوم شفناها مازاد شفنا خير.. بس الشي اللي حببني فيها إنها أعطتني نل نيم "THE KING

واليوم اجتمع "الطلاب السعوديين" ....مع مديرة المعهد "مولي" ومساعدتها "ميرنا" ... ساعه ونصف على الفاضي .....
الله يرجهم كل شوي يقولون عندكم في اللآب المدرسه "كارولاين" اذا مانتوا فاهمين والا إذا عندكم أسئله بتساعدكم ... احنا كرهنا محاضراتها خلقه يبغونا نروح لها بعد الدوام والا هو من زين شرحها...
وقالوا الشهر الجاي بنسوي ونفعل ... "مواااااعيد عررررررقووووووب" كلكم تعرفونها ..
والله لو شفتوا "؟f؟" اليوم يمكن تبكون على شكله وحالته في الاجتماع ......

مسأه والله العظيم ....

بالنسبه لي ياجماعه خرفت ماعد في عقلي طمسه ... خلاص معاد أقدر أجمع.. كل شوي أتخذ قرار ومن بكره وانا مغيره.. شوي أقول بآخذ اجازه وشوي أهون شوي أقول بأنقل من المعهد بأنقل من الولايه وشوي أقول النفس طالبت من الدراسه برجع للديره... وحاط حرتي في السكن كل يوم وأنا ناقل لسكن جديد مافيه مكان في بوسطن الا وسكنت فيه ....

واحد من الشباب صارت له عقده مسكين كان معزم على الزواج والحين قال مستحيل يتزوج .... أربع وعشرين ساعه جالس على النت ... تدرون ماعندي أنا وياه الا "الهوم ورك" نتسلى فيه ...
أنا خايف عليه ياجماعه لاينتحر والا يسوي في روحه شي........

والا ؟؟؟؟؟ مساكين طول اليوم محزنين وزعلانين تقول كنهم في عزناء .. الله يبطي بيوم الشر..

ويش أقول و الا أخلي.............. الشكوى لله

والله يعجل بالفرج....

............بس نصيحه أخ لإخوانه ...............

إسألوا عن المعاهد والجامعات زين قبل ماتجون علشان ماتتورطون مثلنا ... وانتبهوا من المكاتب ترى كلامهم كذب في كذب .....

والله يوفق الجميع ,,,,,

اقول اخوي انا في بوسطن في اي اف وينك سير اشرب قهوه تعال شف وش مسوين فينا والله طلعت روحنا ولكن وينك من جد خلنا نشوفك في بوسطن

ما اقول الا الله يسهل عليكم

الله يعينك اخوي ويوفقك

مع الاســف ... انكم انتم تسكتون .. يجب أن تكون لكم وقفة .. وأن تقدموا شكواكم .. للوزارة والملحقية .. كل الامنيات بالتوفيق لكم جميعاً ..

لا حول ولاقوة إلا بالله العلي العظيم
شوف أخوي إما تشتكو كلكم شكوى جماعية للملحقية
عشان ينقلوكم ويبطلو يرسلو أحد لهالمعهد
أو
انك تنجو بحياتك وشوف لك معهد لغة ثاني بولاية تكون أفضل
وربنا يكون بعونكم

حبيبي وليييه التعب دا كلو تعال Els فيلادلفيا لو ما تدعيلي ماعرف شي ياخي والله غريبه ما شفت واحد الا ويشتكي من معهد الي الس اللي بالمكان الفلاني لكن والله ان حق فيلادلفيا سمن على عسل ومدرسين على اعلى مستوى ومنهم قد درسوا في السعوديه وطلاب متنقبات والوضع ميه ميه يعني مره الأمور زينه ولا احد من الـ26 طالب سعودي في المعهد قد اشتكى من شي الا ما ندر من بعض المشاكل العاديه الشهر هذا جونا اربعه طلاب اثنين من اوريقون واثنين من ماديسون

حسب ماني شايف انه اي ال اس فيلادلفيا الافضل بين جميع فروعه طبعا المعهد كبير جدا ومبناه مستقل وفيه حول 11 او 14 مدرس

والمديره ريجينا مهمتمه بالسعوديين والحمد لله كله تمام بالاضافه الى الجامعه اللي فيها المعهد يا زينها زيناه وكل مرافقها تحت ايدك والبطاقه اللي بتاخذها من المعهد بشعار الجامعه


اي سؤال انا حاضر

تحياتي

هلا مبتعث المعهد دا تابع لجامعه يعني اقدر احصل شرط للقبول مثلا سنه لغه ومن ثم لدراسة ماجستير ادارة اعمال

ياما تكلمنا في موضوع هالمعهد الي أصبح تجاري أكثر من انه تعليمي
ياليت كل شخص يحذر من يعرف انه على وشك البحث عن قبول

على فكره فيه اربعه طلاب سعوديين جدد مسجله اسمائهم في قائمة المعهدبس باقي ماجاء منهم احد ياجماعه تكفون اذا تعرفون احد بيدرس في امريكا حذروه من هالمعهد وكلنا تحت امركم اذا تحتاجون مساعده او معلومات عن المعاهد والجامعاتعلشان مايصير لكم اللي صاير لنا ولكم جزيل شكري

اقتباس:

---

المشاركة الأصلية كتبت بواسطة وليد بن محمد

هلا مبتعث المعهد دا تابع لجامعه يعني اقدر احصل شرط للقبول مثلا سنه لغه ومن ثم لدراسة ماجستير ادارة اعمال

---

المعهد اللي في فيلادلفيا تابع لجامعه سانت جوزيف والبزنس فيها قوي وممتاز جدا اذا درست في اي ال اس طبعا يكفي انك تتخرج من مستوى 112 للالتحاق بالجامعه مو لازم توفل

هذا موقع الجامعه www.sju.edu

تحياتي

السلام عليكميا أخ مبتعث ولكنيا ليت تعطيني معلومات عن المدينة الي انت فيهاااااااااا علي سبيل المثال السكن غالي او رخيصالطقس في اي ولايه هيبالله في اسرع وقت لاني متوهق في معهد الي انا فيه وهذا ايميليmr9boss@hotmail.com

الله ييسر اموركم

بوسطن جدا جميلة ولكن غالية جدا يعني مش الكل يقدر يتحمل والطقس في الشتاء جدا بارد يصل إلى ثلاثين درحة مئوية تحت الصفر

الله يعينكم أخوي و ييسرلكم اموركم و يختارلكم يااي فيه الخير بس لازم تتصرفو و تشتكو للملحقيه و تطلبو النقل علشان لا تضيع عليكو البعثه و يكون عندهم علم بالحاصل.............دمتم موفقين