رد: ما أحد ضعيف نفس غيرك يا محمد عبداللطيف جميل !!!!
لا تعليق
بصراحة الموضوع هذا مسبب قلق لأني ابي ابيع السيارة قبل السفر والسوق كله واقف حاله.
رد: ما أحد ضعيف نفس غيرك يا محمد عبداللطيف جميل !!!!
بصراحه انا ماعرف بعبدالطيف جميل بس اني قريت كم موضوع عنه واغلب المواضيع كانت تسيء له وتصفه بالغش والنهب وانا ادخل على الله مادري لو الرجال صادق بس حبيت ابري ذمتي ...
الحين شركة تويوتا والشركات الاخرى بالولايات المتحده نزلت باسعارها تقريبا الى 30 بالمية .. وسمعنا اكثر من مقوله تقول ان الاسعار بتنخفض حتى بالسعوديه العام الجديد ...
بس في السعوديه سالفه ثانيه العالم حولنا تنزل الاسعار واحنا ترتفع الاسعار على المساكين ليه على ايش ؟؟
ولا عشان الشعب السعودي مو مثل الشعوب الاخرى , على نياته ومايفهم بالفلوس يروح يضحك عليهم بكلمتين تنخط وتتوقع ... او مثل مايصير بالمحلات التجاريه لا قالك ماقدر انزل لك مسجل كومبيوتر ( طيب الي مسجله بالكمبيوتر ادمي مثلي مثلك وشدرانا انه مو رافع بالاسعار !!)
بس تدري شلون الشرهه مو عليهم على الي يشتري من ذا الاشكال ..
المفروض ماحد يشتري منهم لين ياكلون هواء ويرضون بالربح القليل لان ابن ادم مايملى عينه الا التراب ..
بكل صراحه انا ودي اشوف حملات توعيه للشعب السعودي بالمال يعني لازم يقدرون النعمه الي هم فيها ويصرفون المال على الشي الي يستحق ومايلعبون فيه .. يعني بيني وبينك فيه شي اسمه اسعار معقوله واسعار مبالغ فيها
لازم نقدر قيمة الشي الي بنشتريه ومانبالغ بسعره .. سبب كون الشعب الامريكي عنده خصومات واسعار جيده هو انه شعب واعي يقدر قيمة المال ومايدفعه باشياء ماتستاهل ..
المشكله ان الله بلانا بالتجار الي مايخافون ربك هم سبب خراب هالاقتصاد ... المطر يالله يجينا بالسنه مره بسبتهم .. الواحد بس يجمع من الفلوس ولا يطلع قرش للزكاة ...
بس تدري بكرا يجيهم يومهم ويسألهم ربك عن كل ريال صكوا عليه ونهبوه من هالمساكين ..مانقول الا يالله يسامحهم ..
رد: ما أحد ضعيف نفس غيرك يا محمد عبداللطيف جميل !!!!
انا مو معاك بالعنوان
حرام ..الرجال سوا جمعيات خيرية ولا واحد من اصحاب البلايين سواها
مشروع الأرزاق..والوظائف..ومركز الكشف عن سرطان الثدي المجاني
لا نركز على الشي السلبي
الله يجزاه خير عني وعن المسلمين
رد: ما أحد ضعيف نفس غيرك يا محمد عبداللطيف جميل !!!!
مع أن هذا الموضوع ليس محله هنا
لكن ما قدرت أمنع نفسي من كتابة هذا التعليق من هول الصدمة !!
ألحين الأخ مو عاجبه اتحاد الشعب على شئ أقل ما يقال عنه أنه من أبسط حقوقهم ؟؟
مو عاجبه انزعاج الشعب ورفضهم للطمع والجشع اللي وكلاء السيارات المحتكرون يمارسونه منذ الأزل وفي هذا الوقت خاصة ؟؟
الشعب المتحضر يحق له أن يحتج ويتظاهر ويعلن رغبته أو انزعاجه في أي شي يمس حياته اليومية .. من أنت حتى تسلبهم هذا الحق ؟؟
ما يكفيك تسرق فلوسهم .. جاي بعد تسرق وتصادر أرائهم وحقوقهم ؟؟
اقتصاد البلد مو قايم على تجارتك يا ولد جميل .. تجارتك وارباحها فقط في جيبك .. والمواطن عمره ماراح يسفيد من تجارتك
أسعار السيارات في كل أصقاع الأرض تشهد انخفاض .. وانت وشلتك قاعدين ترفعون الأسعار .. وماتبي الشعب يقول شي ؟؟؟؟ شئ عجيب صراحة
بعدين بغض النظر عن ايش أحوال أسعار السيارت وأمور التجارة .. من أنت حتى تكتب خطاب للوزير لتكميم الأفواه ومصادرة حقوق الشعب في التعبير عن أرئهم ؟؟؟
أنت قاعد تخسر وراح تخسر زباين وأموال أكثر وأكثر .. بدل ماتروح تشتكي لماما وتقول سكتوا الشعب ووأوقفوهم !! ... نزل أسعارك تماشيا مع الواقع والعالم ( وليس تفضلا منك !) و اكسب ثقة العميل وأقنع بالواقع .. تخلوا عن الطمع والجشع ولو لمره .. عشان اقتصاد ومصلحة الوطن والمواطن .. ياللي قلبك كله على مصلحة اقتصاد الوطن يا حنين !!!
ومن هنا أحث وأقول:
خــــــــلــــــوهـــــــــــــــــــــــــا تـــــــــصــــــــــــــــدي
أرجو من كل شخص أن يساعد على نشر هذه الحملة لجميع أصحابه ومعارفه وحثهم على عدم شراء السيارات في الوقت الراهن .. لأنها ستشهد نزولا في الأسعارفي القريب العاجل
انشر لكل شخص تعتقد بأنه يفكر في شراء سيارة الأن .. فليس الكل على معرفة ودراية بهذه الحملة .. أو بأن الأسعار ستنخفض
بالايميلات .. أو حتى النصيحة والتخاطب ..
أتمنى ولو لمرة أن الشعب يتحد ويتعاون في تحقيق شي ما لمصلحته وللبلد .. وأن نظهر للكل بأنه متى ما اتحد الشعب في شي .. تمكن في تحقيقه .. وأن الشعب وارادة المستهلك شي لا يستهان به ..
وليخسأ الخاسئون !!
رد: ما أحد ضعيف نفس غيرك يا محمد عبداللطيف جميل !!!!
بالفعل شي غريب
الأسعار في العالم تقل و اسعار السيارات عندنا تتزايد
يعني اقل شي انو الأسعار تبقى هلى حالها موكمان تزيد !!
رد: ما أحد ضعيف نفس غيرك يا محمد عبداللطيف جميل !!!!
لا تشرهون عليهم يالربع عبداللطيف جميل وغيره من الحرامية والنصابين تعودو على الشعب السعودي الطيب المسكين اللي طيبته يفسرونها هم على انها غباوة كلو دراهمنا في سوا وبعدين في الاسهم وبعدين في زيادة الأسعار ومافي أحد تكلم من حقهم يرفعون الأسعار أكثر وأكثر لكن في ذمتي يا كل واحد يساعد في نشر حملة< خلها تصدي > وما يشتري من سيارتهم أنه نشمي وونعم أطلع برا يابوي وأجيب لي أحلى سيارة بنصف سعرها هنا وأتمشى لي كم يوم وأرجع ماني مجبور اشتري من هالحرامية والنصابين
رد: ما أحد ضعيف نفس غيرك يا محمد عبداللطيف جميل !!!!
اقتباس:
المشاركة الأصلية كتبت بواسطة أمير السمو
لا تعليق
بصراحة الموضوع هذا مسبب قلق لأني ابي ابيع السيارة قبل السفر والسوق كله واقف حاله.
انا الحين قاعد اعرض سيارتي للبيع قبل بداية الشهر الميلادي حتى نهايته
لأن ماتدري هل صحيح سيطبق قرار تخبض الأسعار مثل الدول المجاورة ام لا
واذا تطبق تنزل اسعار المستعملة ببلاش ونروح فيها حنا
للبيع مونديو 2004 بمواصفات 2005 آخر دفعة من يشتري خخخخ
رد: ما أحد ضعيف نفس غيرك يا محمد عبداللطيف جميل !!!!
اقتباس:
المشاركة الأصلية كتبت بواسطة m.a.t
انا مو معاك بالعنوان
حرام ..الرجال سوا جمعيات خيرية ولا واحد من اصحاب البلايين سواها
مشروع الأرزاق..والوظائف..ومركز الكشف عن سرطان الثدي المجاني
لا نركز على الشي السلبي
الله يجزاه خير عني وعن المسلمين
الواحد يكون خير في جميع المجالات مو تسوي خير من هنا وتلهف من هنا
صحيح انه تاجر ويبحث عن الأرباح والرزق
لكن مو تزيد سعر السيارة عن رأس مالها فوق 40 ألف ريال سعودي
يوم تخرجت من الثانوي كان سعر الكامري 54 ألف ريال كاش
حاليا سعر الكامري نفس المواصفات السابقة 75 ألف ريال كاش
وأسعارها في دول الخليج ثابته بفروقات بسيطة لا تتجاوز 5 آلاف ريال سعودي
تقدر تطلع لي السبب المقنع والمصنع واحد ؟!!!!!!!!!!!!!!!!!!!!!!
رد: ما أحد ضعيف نفس غيرك يا محمد عبداللطيف جميل !!!!
شعبنا هو اللي يفك ازمه الشركات العالميه للاسف الشديد...
وكاننا نسينا ... حب لاخيك ماتحبه لنفسسك ...
لكن على قوتهم ...
خلوها تصدي ....