ارسال الاوراق الى امريكا بأقل الاسعار
السلام عليكم ورحمة الله وبركاته
اسعد الله اوقاتكم بكل خير
موضوعنا اليوم عن ارسال الاوراق الى امريكا الى الجامعات والملحقية وغيرها
يا اخوان حقيقاً انقلها من واقع خبره وتعامل مع البريد السعودي الممتاز
اقدر اعطيهم 10 على 10 من خدمة توصيل الاوراق الى امريكا
تخيل فقط تدفع مبلغ 130 ريال وتوصل الاوراق في 6 ايام فقط
انا تعاملت سابقا مع فيديكس ودفعت لهم بحدود ال 300 ريال وللاسف الاوراق لم تصل الى الجامعه والله على ما اقول شهيد
الشركات هذي الفيدكس والدي اتش ال وارمكس وغيرها .. غالية يا اخوان وماتستاهل كل هالاسعار
البريد السعودي انا رسلت مرتين الاسبوع اللي راح واللي قبله
ارسلت اوراقي يوم السبت ووصلت امريكا يوم الخميس !!
بعدين طلبت مني الجامعه بعض الاوراق وارسلتها يوم الخميس الصباح ووصلت امريكا الاربعاء
وكلها عبر البريد السعودي الممتاز
وعن طريق الموقع تقدر تشيك على الارسالية وين وصلت وتشوف وين تتحرك الارسالية
بصراحه حقدت على نفسي يوم كنت اتعامل مع فيدكس ودي اتش ال :crash:
البريد السعودي الممتاز
http://www.ems.net.sa/
ووووووووووووبس
رد: ارسال الاوراق الى امريكا بأقل الاسعار
,والله والنعم بالبريد السعودي
انل ما توقعت انه تحسن لهذي الدرجة
انا تعاملت مرتين مع ارامكس وحة وصلت الاوراق بسلام، والثانية ضاعت
ليش، لان الموظف الستهتر اخطأ في رقم واحد من الرمز البريدي
هذا بالنسبة للارسال لبريطانيا
بعد كذا لما جيت ابرسل لامريكا استخدمت فيدكس مرتين
اوكي وصلت الاوراق بسلام، ولكن كل ارسالية ب290 ريال وتستغرق حوالي من 5 الى6 ايام
يعني كلام الاخ اعلاه صحيح 100% بعد كذا انا حستخدم بريدنا
رد: ارسال الاوراق الى امريكا بأقل الاسعار
انا اختلف معاك اخي الكريم فديكس في غضون يومين هي في امريكا
رد: ارسال الاوراق الى امريكا بأقل الاسعار
اختلف معاك .. بخصوص ارامكس ..
تعتبر الأرخص عالميا ...
والشحنه من ارامكس 130 ريال .. وتصل في 3 ايام بالكثير ...
ومتابعة الارسال عبر موقعهم ..
والشركه تتحدى لو ضاعت ارساليتك ... لأن عليها بوليصة تأمين مسبقه ...
والمستلم ... يجب أن يعرف تماما .. قبل تسليمه .. الشحنه .. حتى لو كان وسيط للجامعه ...
ارامكس وبسسسسس
رد: ارسال الاوراق الى امريكا بأقل الاسعار
هههههههههههههههههههههه
البريد السعودي
يا حبيبي البريد السعودي لو صار شي باوراقك ورحت تطالب مايمك احد انا مرة والله جتني اوراق من امريكا طبعا الشركة ups وبقدرة قادر سلموها لللبريد السعودي الممتاز والي تكرم مشكورا بارسالها لي والله انها مبللة بالماء والحير سائح طبعا انا سالت وش القصة ومن موظف لموظف وانواع التاريف
فيدكس جربت الحمدالله اكثر من 9 جامعات الحمدالله ما اخطو ولا مرة طبعا انا عندي تخفيض وصدقني لو انهم اخطو والله بتنقلب على روسهم
طبعا ممكن واحد انها حالة فردية والخطا وارد اقول انا اقدر ولكن يردون حقي ادفع 60 دولار وتجيني الاوراق معفنة؟
رد: ارسال الاوراق الى امريكا بأقل الاسعار
طول عمري ارسل بالدي اتش ال و اوراقي توصل في 4-5 ايام و سعره للي عنده تخفيض ممتاز جدا و ارخص من البريد السعودي بكثير
رد: ارسال الاوراق الى امريكا بأقل الاسعار
طيب كيف نحصل على التخفيظ عشان يكون ارخص من البريد السعودي
وراح اكون شاكر لكم
رد: ارسال الاوراق الى امريكا بأقل الاسعار
انا محرم اتعامل مع الفديكس وا ن شاء الله ما احتاج ارسل عن طريقهم ان شاء الله
موظفين اقل مايقال عنهم بهايم اكرمكم الله خصوصا الاجانب العرب .. مافي التزام بالمواعيد ولا دقه يقولك بتوصل بعد 3 ايام فجاه تحلصها وصلت بعد 9 ايام ؟؟؟
هل هذي مصداقيه يا فديكس ؟
انصحكم مثل ماقال صاحب الموضوع البريد السعودي انا ارسلت عن طريقة ارسالية والحمدلله وصلت خلال 6 ايام بالتممام والكمال
رد: ارسال الاوراق الى امريكا بأقل الاسعار
بسم الله الرحمن الرحيم
بارك الله فيك اخوي على هذا الموضوع
وانت وبصراحه فتحت عيوننا على شي ما كنا نعرفه
فهذا الشي يحسب لكـ .., والله لا يحرمك الاجر
فيه نقطه ابي اضيفها على موضوعك بعد اذنك
انا كنت ارسل اوراقي عن طريق الـ DHL
وكان الارسال بـ 460 الى 580 للطرد تقريبا ...و على حسب الفروع
بس انا كنت ارسلها عن طريق زملائي اللي شغالين في ارامكوا السعوديه لان لهم تخفيض 90% تقريبا
يعني كنت ارسله بـ 58 تقريبا
على العموم اللي يعرف اي احد في ارامكوا او سابك يرسلها عنه افضل وارخص
رد: ارسال الاوراق الى امريكا بأقل الاسعار
حتى انا ارسلها بتخفيض ارامكو ب 53 ريال الظاهر
فيه شركات لها تخفيض عند الدي اتش ال زي ارامكو و سابك و سكيكو اظن...ممكن تمروا و تسألوهم لو حبيتوا
رد: ارسال الاوراق الى امريكا بأقل الاسعار
يمكن كان لك تجربه جيده مع البريد السعودي لكن ما فيه اي مقارنه بينه وبين باقي الشركات مثل فيدكس وارامكس .. البريد السعودي يبيله اربعين سنه عشان يوصل لمستواهم .. بصراحه انا عندي ادفع زياده بس احصل خدمه افضل احسن من اني اتعامل مع العقول المريضه في البريد السعودي
رد: ارسال الاوراق الى امريكا بأقل الاسعار
ههههههههههههههههههههه
طيب شخصيا ارسلت بالبريد السعودي لبريطانيا وما وصلت
وحسب ما سمعت ان البريد السعودي خارجيا يتعامل مع الدي اتش ال ؟؟؟!!!!!!!!!!!
رد: ارسال الاوراق الى امريكا بأقل الاسعار
البريد السعودي ما عندك احد .....
ومثل ما قال الاخ ( lebds ) البريد السعودي يتعامل مع شركات ثانيه .... هذا حسب ما سمعت
رد: ارسال الاوراق الى امريكا بأقل الاسعار
ياشباب انا شخصياً جربت البريد السعودي
وارسلت اوراق لجامعة في بورتلاند وكنت مأيس انها توصل مادري ليش
ووصلت بعد 9 ايام بس هذا طبيعي ....
اللي مايدخل الراس قالي الموظف ارسلها بالبريد المسجل اذا كنت خايف عليها وتبي ترجعلك
لانهم اذا مالقوا العنوان ترجع على صندوق بريدك بالرياض
وارسلتها بــ 9 ريال
ايه ايه قسم بالله بـ 9 ريال
ووصلت في خلال 9 ايام
وردوا علي الجامعه وكل شي مشى تمام
واعرف صديقي ورحت انا وهو الى اراميكس وارسل اوراقه بـ 300 ريال
لنفس الجامعه اللي ارسلتلها ولها الحين 3 شهور وماوصل شي :)
رد: ارسال الاوراق الى امريكا بأقل الاسعار
يعطيكم العافيه .. بصرااحه ارسلت عن طريق فيديكس .. وتماام معاي
وآخر مره وصلت في 4 ايام او 3 ايام ..
البريد السعودي ما كن وثقت فيه ..
الدي اتش ال غالي .. وبخصوص تخفيض الشركات صحيح مثل سابك
موفقيــن
رد: ارسال الاوراق الى امريكا بأقل الاسعار
موضوع مؤرق فعلا
اثناء مراسلاتي دفعت ما يقارب 1750 ريال لساعي البريد فقط
بواقع 250 للطرد الواحد
رد: ارسال الاوراق الى امريكا بأقل الاسعار
انا ارسل بالــ ups وخدمتهم ممتازة, اربعة ايام وتوصل..
وسعرهم على الطرد 230 ريال..
رد: ارسال الاوراق الى امريكا بأقل الاسعار
goooooooooooooood job bro
رد: ارسال الاوراق الى امريكا بأقل الاسعار
الله يعين انا شايفه من تجارب الاغلبيه ان الفيديكس افضل
بس الله يستر المهم توصل وماتضيع
الله يوفق الجميع يارب