الي يبي يصيح يدخل !!!!!

مساء الخير لجميع
ادخل في الموضوع بدون مقدمات ...... طلعت لي فيزا امريكية مدة خمس سنوات (( استحضروا في اذهانكم المعنات الي سويتها على شان تطلع الفيزا )) .... وطلعت بعثتي من وزارة التعليم واخذت قراري وجهزت نفسي وحجزت التذاكر وبكرة رحلتي ......
في الليل قبل رحلتي ب..8 ساعات بس قالي الوالد من باب الاحتياط عطني صوره للجواز والفيزا خلها عندي رحت لمكتبه قريبة بجنبنا اعطيته الجوز وقلت له ابي صوره واضحه وصور الفيزا معك بعد.... كان عامل التصوير باكستاني اخذ الجواز ووقف عند مكينة التصوير واخذ الجواز وفتحه بقوه حطيت يدي على قلبي منها وربي خفت على الجواز..... صور الجواز وكن ظاغط عليه بقوه (( طبعا الكلام هذا في اقل من دقيقة لااحد يقول كان وقفته ولا اخذت الجواز منه ))اعطاني الجواز !!!!!!!!!!!! وش تتوقعون سوى في الجواز ااااااااااااااااااااه لقيت الفيزا مشقوقه منزوعه مخلوعه قولوا عنها الي تبووون اسودت الدنيا في وجهي وماصدقت الي صار قلت له يا.......... ليش انت ما تخاف الله طبعا جاه الي جاه مني من فعل وقول ......وهو ساكت ما يدري وش يقول طلع ما يعرف يتكلم عربي توه جاي حسبي الله عليه حسبي الله عليه
رجعت للبيت اجرجر اذيال الهزيمه النفسيه والمعنويه اجلت رحلتي وكلمت واحد في الجوازات ممكن يلقي حل قبل ما اعرض جوازي على السفار ويصير فيه سين وجيم .... قال مالك الا انك تغير الجواز جوازك ملغي من الحين .......سئلت وسئلت وسئلت مالقيت جواااب .... في الاخير رحت لسفارة وشرحت لهما الي صار معي قالوا لي غير الجواز وقدم طلب جديد !!!!!!!!!!!!!! اااااااااااه ااااااااااااه حسبي الله ونعم الوكيل حسبي الله ونعم الوكيل ..... خلاص ما بي فيزا ما ابي امريكا خلااااااااااااااااااص ...... رحت لواحد قريب لي عضو مجلس شورى وصديق مقرب جدا من نائب السفير الامريكي (( شوفوا ترى نائب السفير يزوره في بيته من زود الميااانه )) قابلته شرحت له اخذ صورة الجواز والفيزا وكتب خطاب توضيحي وتفصيلي وقال انا لي لقاء قريب معه وانشاء الله تحل المشكله لكن انت الحين قدم طلب جديد وابدء من جديد وما عليك انشاء الله تنحل .....وقال لي شي مهم جب خطاب اعتذار وتوضيح للي صار من نفس المكتبه وعلى اوراقهم الرسميه وبختمهم الرسمي ورفقها مع الطلب واشرح لهم السالفه بشكل واضح ...
قدمت وسويت البصمات وفي اخر شي المقابله قابلني الاشقر وقال لي وش السالفه !!!! قالت السالفه كذا وكذا وكذا وانا اسف وذا خطاب عتذار وتوضيح بالي صار قسم بالله انا ما في يدي شي وهذي تذاكري والمفروض اني الحين واصل هناك ووووووووووو الين نشف ريقي من كثر الاستعطاف والتبرير ......... اقسم بالله طالعني بنظرة احتقار وقال لي طلبك مرفوض واعطاني ظهره وراح وخذ الاوراق الي قدمت فيها من ظمنها القبول حق الجامعه واعطني الجوازات بس !!!!!!!!!قلت لوحده بجنبه ليش كذا قالت هو المدير انا الى انفذ !! قلت طيب فيه طريق ثاني ممكن اسويه يعني ارفع اوراقي لجهه غير هذي دليني على ي حل الله يعافيك قالت تعرف الباب قلت ايه قالت اقضبه !!!!!! باي
طبعا ماراح اقول لكم اني ضقت وعصبت وووووو (( كل واحد يحط نفسه مكاني يبي يعرف وش كان جوي ذاك اليوم)) رجعت لخويي وقلت صار كذا كذا قال هونها وتهون باقي عندنا حلين قلت وشي تكفى تكفى قال الحل الاول ننتظر رد نائب السفير ممكن يحلها والثاني تختار اي بلد ثانيه وانا احولك له وما تشيل هم اكلم عبدالله الموسى وانشاء الله ما يردني وفي يوم يحولونك !!!!!
عاد انا الحين اخترت استراليا وجالس احضر للفيزا ..... وانتظر رد على فيزا امريكا
عندي طلب منكم تكفون تكفون ابي دعواتكم لاتنسوني وربي مرت على ايام مايعلم فيها الا الله
وذا احد عنه حل يفيدني
تحياتي واشواقي

الله يفرجهاعليك يا رب ...

تذكر أخوي .. (( وعسى ان تكرهوا شيئاً وهو خير لكمـ ))

وان شاء الله انها تكون خيرة ..

والله لا يردها أمريكا .. استراليا يمدحونها بعد ..

أبد .. أصبر وأحتسب .. وان شاء الله انها تنفرج قريب ..

بس والله اني لو منك .. لأاذبح الباكستاني .. أصلا انا خلقه مقهور منهمـ :(

(( ألله ييسر امركـ ))

==================

حبيت اضيف .. أتوقع ان عندك خيار ثالث .. اذا انت من اهل الرياض

حاول تقدم اوراقكـ للقنصلية الامريكية في الظهران .. وبين لهمـ السبب ..

او السفارة الامريكية بجدة ..

الله يكون في عونك واذكري الله سبحانه وان شاء الله تفرج والله يوفقك يارب
**اذا كان الصبر مرا فعاقبته حلوة**
**دع المقادير تجرى في اعنتها *ولاتبيتن الاخالي البال**
يمكن تزيد تجي الفيزة من السفارة كند و الامريكية بس الصبر والدعاء
وتحياتي لك

لعل الامر فيه خيره ياخوي واعلم انما اصابك لم يكن ليخطئك وما اخطئك لم يكن ليصيبك رفعت الاقلام وجفت الصحف

هذا شيء مقدر ومكتوم من قبل ما تولد ومالك الا فعل السبب والصبر وكثرة الاستغفار ليحل الله امورك

مشكورين ياخوان على تفاعلكم ودعواتكم
بنسبه لخوي بياع الورد نصيحتك حلوه بس تتصور القنصلية الي بجده والا الظهران ماراح يقابلوني بنفس المقابلة النظام واحد
ومع هذا بروح لهم واحاول لعل وعسى ...... وابي اقول لكم شي لو احد سئلني عن اكثر شي ارتاح له نفسيا وربي اقول استراليا .... مع ان امريكا ماتقارن باستراليا من ناحية تقيييم الشهادة والمستوى الدراسي .... بس لعلها خيره
تحياتي واشواقي

البقرة (آية:216):كتب عليكم القتال وهو كره لكم وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون
سلمي امرك الى الله .....و هو كفيل بمصلحتك

أقول دلني على الباكستاني خل أصدمه لك وأخليه يرجع جنازة لباكستان تراني مأمن على الموتر يعني الله يخلي التأمين ...

مثل ما قال أخوي بياع الورد لعلها خيره إن شاء الله وعسى أن تكرهوا شيئا وهو خير لكم واعلم أن ما يختاره الله لك هو الخير .. واحمد ربك أنت بالسهولة حولت على طول لأستراليا غيرك يفحط تفحيط ويناقز عشان يغير الدولة (اللهم لا حسد) ..
الله يوفقنا ويوفقك لكل ما هو خير .. أعاننا الله وإياك ..

الله يكون بعونك اخوي

بس نصيحه دام انك مرتاح لاستراليا توكل على الله لانها الاكييييييييييد هي اللي ربي حاط لك الخير فيها

وامريكا لاتفكر فيها يمكن ربي نجاك من مصيبه فيها او شي ماتدري عن الغيب

وبالنهايه ربك مقدر وراح يختارلك الخير طبعا انت مستخير قبل كل شي

واللي يصير يصير توكل على ربك ولاتهتم وتندم

الله يوفقك يارب

بصراحه انا لو مكانك اقدم على استراليا ..

وانسى امريكا هذا وانت هنا كدا المعامله ..

اجل كيف هناك..!!!!!!

استراليا سمعتها احسن ودراستها قووويه..

وانت استخير الله واللي فيه الخير الله يكتبه..

ياالله

حسبي الله ونعم الوكيل عليهم سفاله مو سفارة


احسهم ينتظروا يذلونا

الله يعينك مالك الا الدعاء والاستغفار واسطتك وحلك الله سبحانه وتعالي

بالدعاء كل شئ يتغير

واستراليا حلوة ودراستها حلوة الله يوفقك يارب ويساعدك ويحل امورك

ويسهل لك دربك يارب


جرب ارسل رساله للسفارة على هالايميل واشرح لهم وضعك هذا الايميل بدون فراغات طبعا

RIYADHS_VISA_STATUS @ STATE.GOV

امكن يطلبوا جوازك من دون مقابله او شئ جرب اسأل بالمطار فيه امكانيه

يمشونك ولمى توصل امريكا تقول لهم انشق بالمطار وانا اصوره ؟؟

اكيد ماحيرجعوك من امريكا


بالتوفيق

اقسم بالله اني حاس فيك وحاس في شعورك بس الله يعينك ويسهلها لك يارب..

( وان شاء الله انه كل تأخيره فيها خيره),,,

والله يسهلك امورك ويالتوفيق للجميع,,,,

اقتباس:

---

المشاركة الأصلية كتبت بواسطة a.s.aa

لعل الامر فيه خيره ياخوي واعلم انما اصابك لم يكن ليخطئك وما اخطئك لم يكن ليصيبك رفعت الاقلام وجفت الصحف

هذا شيء مقدر ومكتوم من قبل ما تولد ومالك الا فعل السبب والصبر وكثرة الاستغفار ليحل الله امورك

---

ان الله مع الصابرين قدم مره ثانيه لا تيأس

الصبر .........الصبر ..............الصبر...الان ومع اقتراب السفلر لم يتبقى سوى 19 يوم واصبت بمرض وقررت عمليه وبعد الكشف النهائي قالولي الاطباء ماعندك شي ااااااااالام وبتروح واكتشفت اخيرا والله اعلم انه مرض العصور القديمه والجديده وهو الحسد فانا الان تارة اتحسن واقول ساحزم امتعتي للسفر وتارة اتوجع واقول لااريد الابتعاث اريد العافيه والى هذه اللحضه لاادري لاادري لاادري ولكن وكلت اموري الى الله ومنتضر الفرج فهو شي محزن لدرجة انني اضصبحت مشتت التفكير ولكن هاانا اجهز نفسي وكاني سوف اسافر

والعلم عند الله ولاندري عن القدر والمكتوب انت تريد وانا اريد والله يفعل مايريد فادعولي من صميم قلوبكم باشفاء التام
وحبيت اسرد قصتي اولا.. عشان اكسب دعوه طيبه منكم وثانيا ..اذا مشكلتك في التاشيره غيرك مشكلته في صحته والدنيا مهما افرحت فالحذر الحذر فهي تحزن كثيرا وبالتوفيق للجميع يااااااااااااااااااااااارب.

الله يعينكم جمبعاً و الله كل واحد عنده هم الله يفرج همومكم أنصحكم جميعاً بقراءة سورة البقرة لأن موضوع البعثة أكيد يدخل فيه الحسد و حنا في السعودية الناس مايقصرون كل واحد عينه على أخيه و ما فيه أحد حاله حال نفسه

للجميع تحياتي وشكري والله ان تفاعلكم شي يريح النفس الللللللللللللله يريح النفسكم
وما اقول الا حسبي الله ونعم الوكيل
وبتوفيق للجميع

ياخي والله انها خيرة لك
فسبحان الله رب ضارة نافعه
ولعل في هذا حكمه وخيرة من الله لك وانت لاتعلم

الله يعينك اخوي ووييسرها معاك ...

الله يشفيك ( فوليدو ) وييسرها معاك >>> الحسد الله يحفظنا ويستر علينا

ويوفق الجميع ويكتب اللي فيه خير

والله ياخوي مالي إلا أدعــي لك أن الله يفرجها لكـ وتتوفق وبأذن الله هالشيء خير لك بأذن الله

بس أخـــوي لاتحول لأستراليا خلك مصر على أمـريـكــا وقدم على قنصلية الظهران ((على فكرة قنصلية جدة سمعت ماتقبل إلا طلاب الغربية))

وبأذن الله ســتوفق والله ماعليه صعب لكن أنت هـد نفسك وصل وأستغفر وأدع أن الله يفتحها لــك . . .

الله يعينك

وفعلا لعل فيها خيره ان شاء الله