الأعضاء الإشتراك و التسجيل

الملتقيات
ADs

≈≈ شـــــــنـــــــــط الــــســــــــــفــــــــــــر ≈≈

≈≈ شـــــــنـــــــــط الــــســــــــــفــــــــــــر ≈≈


NOTICE

تنبيه: هذا الموضوع قديم. تم طرحه قبل 5248 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية M.A.N.A.R
    M.A.N.A.R

    مبتعث فعال Active Member

    M.A.N.A.R كندا

    M.A.N.A.R , أنثى. مبتعث فعال Active Member. من السعودية , مبتعث فى كندا , تخصصى - , بجامعة -
    • -
    • -
    • أنثى
    • -, -
    • السعودية
    • Jun 2009
    المزيدl

    February 6th, 2010, 12:11 PM

    كيفكم بنوتات وكيف التسوق معاكم


    اول شي حبيت اقول للبنوتات اللي لسا ما اشتروا شنط السفر
    قـــــزاز عامل تخفيضات توصل لـ 80٪ وعنده اطقم شنط السفر مرة حلوة وبأسعار مرة احلى
    اشتريت منه من كم يوم طقم مرة حلو وفخم 4 قطع بحوالي 450 ريال بعد التخفيض وقيمته الاصلية فوق الـ 800
    ≈≈≈≈≈≈≈≈≈≈≈≈

    تاني شي حبيت اعطيكم شوية نصايح بالنسبة لشنط السفر ... وياليت اللي عندها نصايح كمان تكتبها هنا عشان نستفيد ……





    ≈ اول شي احب اعرف بمصطلحات شنط السفر بالانجليزي لانها راح تصادفكم في كل المطارات ومهم تعرفوها
    - شنطة السفر الصغيرة اللي تشيلوها معاكم في الطيارة اسمها Carry-on baggage او Carry-on bag
    - الشنط الكبيرة اللي راح تودعوها في السعودية وتستقبلوها في بلدكم الجديدة تسمى Checked Luggage



    ≈ بالنسبة للشنطة اللي نشيلها معانا بالطيارة Carry-on baggage
    دي موضوع لحالها
    اولاً : حطوا فيها اهم الاشياء اللي ما تقدروا تستغنوا عنها لمدة يوم او تخافوا تتسرق او تضيع من اوراق وشهادات ومستندات وفلوس ومجوهرات والاجهزة زي الجوال والكاميرا واللابتوب ....
    لانه الشنط الكبيرة اتوقعوا تلاقوا اشياء ناقصة منها .. > حصلت لنا من كم سنة لما رجعنا من امريكا ! مع التفتيش لخبطوا ام الشنط وبعض الاشياء ما رجعوها رموها من الشنط بس كويس كانت مو مرة مهمة
    تانياً: مهم تحطوا فيها ملابس احتياط ولا تنسوا معجون اسنان صغير والفرشة ومزيل العرق وغيره.. لانه الشنط الكبيرة ممكن تتأخر توصل تاني يوم او تضيع
    اعرف ناس من كم اسبوع سافروا .. لما وصلوا البلد ما وصلت شنطهم على طول ,, واضطروا من اول يوم ينزلوا السوق يشتروا لهم ملابس غيار لحد ما توصل الشنط .. والحمد لله وصلت تاني او تالت يوم


    ≈ اتأكدوا من الطيران اللي حتروحوا عليه من الوزن المسموح للشنط وعددها .. وبالنسبة لكمية السوائل المسموح بها في الشنط الكبيرة Checked luggage وشنطة الطيارة Carry-on baggage
    و مهم تتأكدوا من الحجم والوزن المسموح للشنطة اللي بتاخدوها معاكم في الطيارة Carry-on Bag لانه اذا كان الحجم او الوزن اكتر من المسموح ممكن يجبروكم تشحنوها مع الـشنط الكبيرة Checked Luggage



    ≈ اتأكدوا انكم تكتبوا اسمائكم ع المكان المخصص من برا في الشنط, او تلصقوا استكر عليها وتكتبوا اسمائكم, المهم تكون في مكان واضح لأنه ممكن تحصل لخبطة لما تجوا تاخدوا الشنط من السير اول ما توصلوا .. اذا قدرتوا تميزوها بشكل او بشي واضح افضل عشان ما ياخدها احد بالغلط
    لانه اغلب شنط السفر موديلاتها متشابه وممكن احد من المسافرين ياخد شنطة لكم بالغلط ... >> ما تحصل كتير بس اتوقعوها


    ≈ احرصوا انكم ما تخلوا الملابس والجزم والكريمات وغيرها عايمة على بعضها او ما تحطوا مع الملابس شي ممكن يعدمها ...
    ما اعرف اذا كان يناسبكم بس بالنسبة ليا في الشنط الكبيرة وحدة احط فيها الملابس والمناشف وغيرها اما التانية احط فيها الجزم والصنادل ( اكرمكم الله ) و الشنط والكريمات والعطور وغيرها... يعني افصلهم عشان ما تتعدم الملابس او ينشق منها شي او يتنتف بسبب الجزم او الاحزمة.



    ≈ في اغلب شركات الطيران .. ممنوع تاخدوا معاكم في الطيارة الاشياء الحادة ,والسوائل فوق الـ 3 اونصة او 85 جرام للعلبة الوحدة


    ≈ لما تجوا تشتروا شنط السفر اتأكدوا انه الشنطة مو تقيلة وماخدة وزن كبير لحالها عشان تستفيدوا من الوزن .. بعض الشنط تيجي تقيلة وتضيع عليكم وزن ع الفاضي


    ≈ وشي مررة مررة مهم ... حطوا داخل وخارج كل شنطة ورقة فيها معلومات الاتصال فيكم .. في حال ضاعت الشنطة


    ≈ في حال ضاعت شنطة لكم على طول بلغوا في وقتها


    ≈ اللصقة او الاستكر اللي حيحطوها الموظفين على كل شنطة لكم ,فيها معلومات الوجهه اللي حتروح لها الشنطة ....
    اتأكدوا انها مطابقة مع التذكرة وان الشنط رايحة لنفس وجهتكم






    اتمنى تكونوا استفدتوا ولو استفادة بسيطة من الموضوع

    وسفراً سعيداً وعوداً حميداً
  2. كيفكم بنوتات وكيف التسوق معاكم


    الحمدلله أنا طيبة وتمام التمام

    مشكورة عزيزتي على النصايح .. والله استفدت كثير

    أنا مريت على قزاز وشفت الشنط حقته .. فخمة وأسعارها حلوة .. بس أنا كنت حابة أشتري شنط فيبر جلاس من شركة سمسونايت.. صح إنها أغلى وأثقل شويه .. بس مرررة خطيرة وألوانها مرة تجنن .. أنا أخذت لون أورانج عشان تنعرف من 1000000 شنطة .. لا أحد ياخذ زيي هههههههه .. خذوا الألوان الثانية >>>> أمزح ...اللي يسمعني يقول كلنا حنروح على نفس الرحلة


    أشكرك مرة ثانية



    7 "
  3. المشاركة الأصلية كتبت بواسطة °¤(¯`°( CaT )°´¯)¤°

    الحمدلله أنا طيبة وتمام التمام

    مشكورة عزيزتي على النصايح .. والله استفدت كثير

    أنا مريت على قزاز وشفت الشنط حقته .. فخمة وأسعارها حلوة .. بس أنا كنت حابة أشتري شنط فيبر جلاس من شركة سمسونايت.. صح إنها أغلى وأثقل شويه .. بس مرررة خطيرة وألوانها مرة تجنن .. أنا أخذت لون أورانج عشان تنعرف من 1000000 شنطة .. لا أحد ياخذ زيي هههههههه .. خذوا الألوان الثانية >>>> أمزح ...اللي يسمعني يقول كلنا حنروح على نفس الرحلة


    أشكرك مرة ثانية



    لووووول ماراح تتعبي اول ما تطلع الشنطة ع السير حتشوفي اشعاع برتقالي من بعيد
    شفت النوعية دي من الشنط من فترة ومرررة عجبتني منها الوان بس مادري حسيت انها ممكن تتكسر


    تسلمي حبيبتي ع المرور
    7 "
  4. المشاركة الأصلية كتبت بواسطة M.A.N.A.R
    لووووول ماراح تتعبي اول ما تطلع الشنطة ع السير حتشوفي اشعاع برتقالي من بعيد
    شفت النوعية دي من الشنط من فترة ومرررة عجبتني منها الوان بس مادري حسيت انها ممكن تتكسر


    تسلمي حبيبتي ع المرور

    اسمها فيبر جلاس .. وهذه الشنط ضد الكسر والحريق


    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.