اول الاسابيع بالغربه المشاعر و الاحاسيس و البكاء والوحدة
ابي من كل وحدة تكتب ايش شعرت فيه او الاسابيع لها الحماس الالم الوحدة و كل المشاعر المختلطه
بالنسبه لي
.
.
.
:plane:
انا حسيت بالحماس عشان الدراسه و حسيت انها مغامرة حلو
و كنت افكر اني قويه
كني ضليت ابكي لي كم يوم
الى ان انتبهت انو ما فيه فايدة بالبكاء
المهم
حسيت اني لحالي مع انو اخوي معاي
و اعتقد اني ليسه احس بالغربه
مع انو في بنات معانا بالمعهد بس ما يعوض عن العائله
انا اشوف انو البنات متعاونات هنا كأننا اخوات
خصوصا الام و الاب اذا كانوا قريبين
و الباقي لكم :plane:
اكتبوا اي شي ما اعجبكم كونكم بالغربه للدراسه
و اكتبوا اي شي اعجبكم و ارتحتوا له
رد: اول الاسابيع بالغربه المشاعر و الاحاسيس و البكاء والوحدة
مرحبا سما
يووه من زمان عند المنتدى .. دخلت اتطمن عليكم منحاشه من واجباتي
ان شاء الله كلكم بخير !!
الايام تعدي بسرعه الحين صار لي 3 شهور بأمريكا
أذكر اول ماجيت امريكا كنت بحالة صدمة .. هاذي أمريكا اللي صرعونا فيها !! وشفيها من زود !!
كنت ما بعد استوعبت اني بعيده عن اهلي كل هاذي المسافة على بالي اسبوع اسبوعين وبرجع
طبعا كل مااكلم ماما اقفل منها وابكي اتمنى بس لو ارجع احضنها واسلم عليها
احساسي بالغربة مازال مستمر اعد الأيام والاسابيع عشان ارجع لأهلي
فوق هذا كله ضغط المعهد بالاختبارات والواجبات
الله يعين وتعدي الـ 9 شهور بسرعة وارجع لماما : ( فديتها
رد: اول الاسابيع بالغربه المشاعر و الاحاسيس و البكاء والوحدة
بكيتوني ياربي تهون على المبتعثين والمبتعثات غربتهم
ان شاالله لما اوصل لي عوده بإذن الله مشكوره اختي عالموضوع الرائع
تقبلي مروري
رد: اول الاسابيع بالغربه المشاعر و الاحاسيس و البكاء والوحدة
ألغربه مرررررررره :(
تواجهين صعوبات واايد
مشكله اللغه .. مشكله نظام الجامعه ..
انا في الاسابيع الاولى لي كنت احس اني منومه مغناطيسيا
او اني صررت بطييييئه استيعاب
او احتمال اني نسيت عقلي في بلادي
انا واجهت مشكله لغتين مب لغه وحده
تخيلوا حتى لو اتحجيت انجليزي مايفهمون علي
وانا ماكنت افهم عليهم
يعني الحجي انجليزي بس مخارج الحروف ارديه لووولز < اتمنى انكم فهمتوا علي :P
انا سكنت فالسكن الجامعي يعني الحمدلله الاكل متوفر < اهم شي :P
الغرفه بروحي << اهم شيييي
طبعا فالبدايه يو بنات يتعرفون علي ويعرفوني عالنظام
بس المشكله انهم يخوفونج وااااااايد
لدرجه اني قررت ارجع :(
هذا مع صعوبه فهم حجي الاساتذه وصعوبه التاقلم مع البلد والشعور بالغربه والتحسس من اقل شي
كنت ابجي ع اتفه شييي .. ودوم ارمس اهلي واسكر وانا ابجييي
كل ماحسيت بقله الحيله بجيت < ماشي حل ثاني :(
كنت ولازلت الى الان اركض من سكن لسكن ومن بنيه لبنيه (طبعا باكستانيات) بس عشان نوتس ولا اكمل براكتكل ويا كثررررهن
والله عذااااااب .. احنا ماكنا نكتب وايد .. بس هني كتابه كتابه كتابه .. ياربيه تعبتتت
عندنا لاب اللي هو مختبر بس نادر ما انسوي تجربه .. ماعندهم سالفه غير اكتبو واكتبو
ويمكن توصل التجربه الوحده لـ خمس صفحات .. كرررهت شي اسمه كتابه
والمضحك المبكي فوقت الامتحان اكتب سطر واحد اجابه لسؤال درجته خمس
في حين اشوف البنات يكتبون اربع خمس صفحات << هذا النظام عندنا ف باكستان وبستوي ثرثاره والبركه فيهم
وماشاء الله سررريعات في الكتابه
بس كنت دوووم اتنرفز واتحرطم لما يقولون اكتبو ..
اكثررر شي عذبني الترجمه
تخيلو كنت ايلس يوم كاااامل اترجم صفحه
كتبي الوان واشكال باختصار جنه مهرجان الهند < بالله :P
انا الحين بسنه ثانيه السمستر الرابع والحمدلله تعودت
وهذا كله بتوفيق ربي ولله الحمد
الغربه مررررره ويبالها صبررر
والله يوفقنا يميع
رد: اول الاسابيع بالغربه المشاعر و الاحاسيس و البكاء والوحدة
مشكورات اخوات على هذا التفاعل و انتمنى من باقي البنات و السيدات يكتبون لنا هنا تجاربهم
و انا صار لي اسبوعين و انا لسه ابكي
نيال اللي ماخذين اجازة
رد: اول الاسابيع بالغربه المشاعر و الاحاسيس و البكاء والوحدة
انا عكس العالم
اول الاسابيع عادي حماس وحياتي الجديده
طبعا انا جربت الغربه من قبل شهرين
فتحمست اني ارجع لكندا
فخلاص رجعت قويه
بس بعد اربع شهور او خمس من جيتي
خلاص جت الضربه القويه
وجا بعدها رمضان
وعيد
ومناسبات
وقتها تحسي فعلا بالغربه
لان الايام العاديه عادي تعدي
بس في ايام ماتقدري تعديها بدون حبايبك
بس عادي بالاخير لما انطر للغربه ككل
فالحمدلله مرتاحه بحياتي
ولا هم
ولا تشغلي بالش بناس وكلامهم
وعلاقتك بربك تتقوى
بدون اي رياء
وكل شي تسويه تحسي انه فعلا خيارك
انا متحجبه لاني اخترته
مش لان مجتمعي غصبني علي
فشعور حلو
والانسان يعتز بحاله اكثر ويحس بقيمته
بس لازم تجي ايام تمسكك من الضلع الي يوجعك
رد: اول الاسابيع بالغربه المشاعر و الاحاسيس و البكاء والوحدة
موضووع حلوو
الصراحه الغربه مي صعبه الاقاتله مع اني ماطلعت
الله يعين
رد: اول الاسابيع بالغربه المشاعر و الاحاسيس و البكاء والوحدة
والله ياخت سما انه موضوع يعور القلب انا بديت ابكي من منظر شناطي ان شاء الله الاقي هناك بنات يوقفون معي نعاون بعض ونسير مثل الاخوات
رب اخ لك لم تلده امك
وبالتوفييييييييييييييييييييييق
رد: اول الاسابيع بالغربه المشاعر و الاحاسيس و البكاء والوحدة
اااااااااخ صدق الغربه كربه وهم للركبهه
\\
انا بعد ماسافرت بس اوعدكم راح اعطيكم التفاصيل عند وصولي
رد: اول الاسابيع بالغربه المشاعر و الاحاسيس و البكاء والوحدة
وااااه ياربي لا تبكوني بنات بليز انا لسه ماسافرت
كنت اول متحمسسسسسسسسسسه للسفر بس ذحين لما قرب موعد السفر بدأ الخوف والقلق المزبوط :wallbash:
والله ماعاد صرت اعرف طعم نوم الليل من القلق والتفكييييييييير :happy_crying:
اكيد الواحد فينا اول مايسافر تواجهه مشكليتين الي هي : الصدمه الحضاريه والهوم سيك = الحنين الى الوطن والاهل بالذات... هذي اصعب مرحله بس لاااااااازم الواحد يصبر الين يعدي هالمرحله الي ممكن تستمر اسابيع او شهور قليله (تفرق من شخص لاخر) لان والله الي جاي بعد هالمرحله احللللللللللللللللللللى من مغامرات وتجارب جديده وتأقلم مع الوضع الجديد... طبعا كل ذا الكلام ماهو من راسي هذا الكلام من ناس مجربه الدراسه في الغربه واهل ثقه :D
لدرجه انهم مؤخرا ماعاد صارو يرجعون الاجازات للسعوديه صارو يجلسون في بلد الابتعاث يتمشون ويزرون اماكن جديده واهلهم يسافرون عندهم يزورونهم بعد ويقولون لاحقين على السعوديه لما نتخرج :beard: