الأعضاء الإشتراك و التسجيل

الملتقيات
ADs

مواقع سوبر ماركت في أمريكا....للي حابه تعرف إيش تجيب معاها و إيش اللي حتلاقيه موجود

مواقع سوبر ماركت في أمريكا....للي حابه تعرف إيش تجيب معاها و إيش اللي حتلاقيه موجود


NOTICE

تنبيه: هذا الموضوع قديم. تم طرحه قبل 4084 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Shogat Memo
    Shogat Memo

    مبتعث مستجد Freshman Member

    Shogat Memo الولايات المتحدة الأمريكية

    Shogat Memo , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى تصميم داخلي , بجامعة الملك عبد العزيز
    • الملك عبد العزيز
    • تصميم داخلي
    • أنثى
    • بورتلاند, اوريغون
    • السعودية
    • Jan 2011
    المزيدl

    October 6th, 2011, 06:14 AM

    السلام عليكم
    انا مبتعثة من طالبات أمريكا...قبل ما اجي هنا كان صاير لي هوس أبغى أجيب كل شي معايا من السعودية ومو قادره أحدد إيش اللي أحتاجه و إيش اللي ما أحتاجه و إيش اللي موجود و إيش اللي ما حلاقيه....و تمنيت لو أقدر أعرف أسامي السوبر ماركت في ولايتي عشان أقدر أدخل على مواقعها و أعرف إيش تبيع و إذا في الأنواع اللي انا بستخدمها ولا لأ من شامبوهات أو كريمات أو مزيلات عرق مثلا....

    بعد ما وصلت أمريكا خلاص و عرفت أساميها و مواقعها حبيت أنقلها لكم....مع العلم إنه هذي موجوده في الولاية اللي انا فيها أوريقون و موجوده في أكثر من ولاية كمان...و مممكن من الموقع تعرفي فين موجوده الفروع و في أي مدن و ولايات.....

    ملاحظه: في أشياء موجوده في أمريكا زي اللي عندنا بس أساميها مختلفه مثلا شوكلاته الجالكسي إسمه Dove و شكله و ورقته نفسها بالزبط....مثلا مطعم هارديز إسمه Carl's Jr و هوا نفسه هارديز و نفس نجمه هارديز بس الإسم مختلف





    www.walmart.com/

    www.fredmeyer.com/

    www.wincofoods.com/

    Costco.com: Offering thousands of items you won’t find in your local Costco.




    لا تنسونا من الدعاء
  2. والله أشياء كتيييييييييير...يعني مثلا أنا عندي حاله مع الكريمات الشامبوهات و أحب أدلع نفسي لدرجه إني إشتريت كميه ماحد يتخيلها و أخر شي إضطريت أسيبها كلها عشان الوزن لأنه الأشياء دي مررررررررره تاخد وزن و إكتفيت من كل شي مرررره ضوروري واحد واحد و بس أخد مزيل عرق أكتر من واحد لأني ما حقدر أجرب....و لما جيت هنا كل اللي أبغاه موجود كااان من جد إنقهرت...و الأسعار نفسها إذا مو أرخص في بعض الأشياء.....

    حأعطيكم فكره مثلا...

    أشياء نيتروجنا كلها موجوده و أكتر من عندنا كمااان...دوف....بانتين...فازلين أشكال و أنواع حتى مو عندنا....أولاي....فاتيكا ما شفت له شي....جونسون...نيفيا....مزيلات العرق...أشياء الخاصه بالبنات كلها....مكياج مثلا أشكاااااااااااااااال و أنوااااااااااااااااااع ماكس فاكتر و أيفون و ريميل والشركات دي الرخيصه كلها موجوده حتى في الصيدليه و بأسعار ما تتخيلوها...بدي شوب مثلا موجود في كل مكان بس مو بالزبط نفس البضاعه في أشياء غير...إنتي خدي اللي ما تقدري تستغني عنه.....أشياء الأطفال كمااان....أشياء المواليد...حفايظ و عليها صور شخصيات كرتونيه سفونج بوب و الشله كلها...نفس الكلام على الشامبوها و معاجين الأسنان و كل شي يخص الأطفال...حتى أكلهم و اللبن الزبادي عليه الصور دي...من جد يا ريت عندنا زي كدا...
    تقريبا كل الأشياء اللي دايما تشوفيها في كل سوبر ماركت موجوده طبعا كلامي على الأشياء الشخصيه أما الأكل موضوع تاني مررره
    ...والله لا تتعبوا نفسكم و تاخدوا على نفسكم وزن على أشياء موجوده خلو الوزن للي ما حتلاقوه...شي تاني نصيحه لا تاخدوا معاكم أي أجهزه من السعوديه كهرباء 220 لأنه حتشيلي وزن عل الفاضي إلا إذا كان شي شحن براون مثلا أو ماكينه حلاقه رجالي بالشحن و طبعا لا تنسوا الأفياش حق أمريكا شكلها 11 ...غير كدا لا تتعبوا نفسكم...والله كل شي ترجعوا تشتروا غيره...

    انا أخدت سشوار قلت عشان مع البرد أقدر أنشف شعري....والله مرررره مرررره ما مشي الحال.....ساعه أشغله ولا ينشف شعري مع الجو دا....و إضطريت أشتري واحد وما كان غالي ب14$ و في أقل كمان و معايا دحين زي العسل...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.