استفسار لكل انثى في اسكفورد تعالي وادلي بدلوك

السلام عليكم ورحمة الله وبركاته
اولا :اهني كل اخت مبتعثة او مرافقة لان فكرة انك تعيشين بمجتمع غير مجتمعك وتتعايشي معاهم نعمة من نعم الله... صح كثير يتضايقو ويتعبو وتصير نفسيات وحالة اكتئاب لكن اقول لهم الغربه مو غربة المكان الغربه غربه روح وفكر وعقيده واهم شي نحافظ على عقيدتنا
ثانيا : لي اكتر من شهر افرفر في المنتديات والمدونات وتويتر والانستقرام ...الخ لي الاسف مالقيت احد معطي وجه لي مدينه اسكفورد الا كمعالم سياحيه او صور تعبيريه علشان كدا قررت اني افتح هالموضوع لانه عندي كم سؤال ولا لقيت جواب شافي له وان شاء الله نستمر في هذا الموضوع ونجاوب على اسئلة جميع الاخوات
س1 : طبيعة الحجاب وخاصة مسالة العباية والنقاب ايش الافضل هناك ؟لاني زي ماسمعت ان اسكفورد مدينه ذات طابع ريفي وتاريخي اكثر مو مثل لندن مدينه منفتحه وياليت الاخوات يكتبو عن تجربتهم الشخصيه لاني بصراحه جربت دول شرق اسيا ومالقيت اي مشكلة هناك بعباتي ونقابي كاني في السعوديه
س2:الافضل اشتري الجاكيتات وملابس البرد من السعوديه ولا فيه محلات كبيره وباسعار كويسه في مدينة اكسفورد؟ تعرفون فرق برودة الرياض عن اسكفورد فا اخاف اشتري واتورط لانها ما بتكون تدفي بالشكل المطلوب
س3:ادوات المطبخ خاصة اللي تحب تطبخ مثلي مثل العجانه ومحضر المطبخ وصواني الخبز اشتريها من اكسفورد ولا اشحنها من السعوديه؟
هالاسئله اكثر شي تهمني حجابي ومطبخي علشان ارضي ربي وزوجي وارتاح نفسيا ونقدر نبدع وان شاء الله نرجع للبلد سالمين غانمين وكل المبتعثات والمبتعثين