مبتعثات كندا ارجو الدخووول سائلة لكن جنة عرضها السموات والارض
السلام عليكم ورحمة الله وبركاته
اخواتي مبتعثات كندااا
حبيت استشيركم واستفيد من نصائحكم
انا مبتعثه لكندا على وشك سفر ان شاء الله
استقسر وارجو منكن افادتي سائله المولى لكن جنة عرضها السموات والارض
الحجاب حجابي عبائة وطرحة وغطوه هل عادي الوضع؟؟؟
ايش الاشياء المهمه الي اخذها معي من السعوديه غير اللبس ؟؟؟؟
معي طفل وحليبه شايله همه ممكن الاقي نفس النوع ؟؟؟
كيف الجو هالايام انا بسكن في فكتورياااا ...يعني افصل ثقيل ولا عباتي العاديه وكمان لبسي ولبس زوجي والبيبي
كمان الشغلات مثل القهوه والتمر وبعض الاعشاب عادي ناخذهاا ولا بيفتشون ويمنعونها ؟؟؟؟
اي شي مهم دلوني عليه ياصباياااا
رد: مبتعثات كندا ارجو الدخووول سائلة لكن جنة عرضها السموات والارض
الحليب ومشتقاته ممنوعه فيه كندا 😊
بالنسبه للاجواء بارده بشكل عام
وبالنسبه للحجاب مايكلموك هناك
( تمت المشاركة باستخدام تطبيق مبتعث )
رد: مبتعثات كندا ارجو الدخووول سائلة لكن جنة عرضها السموات والارض
الحجاب ماحد راح يتكلم لك
لكن رايي الشخصي لو تكون عبايه ملونه افضل من السودا تماما
انا بنت وسعوديه ومتعوده على العبايه السعوديه بس مجرد اشوفها بشوارع كندا تلفت نظري على طول
غير لملونه تبين بالطو طويل وملونه مو شرط احمر واخضر لا الوان طبيعيه وقماشها مو قماش العبايه العاديه
غطوه ماشفت شفت اكثر شي نقاب يدوب تبان عيونها
بس مع ذلك بلد حريات بتتغطي من فوقك لتحتك او لا ماحد راح يتكلم لك
بس انا مجرد تعليق عشان لاتحسي انك حاجه غريبه وشاذه
حليب الاطفال اغلب الانواع موجوده
دخلي موقع well .ca
شوفي انواع الحليب الي يبيعها هذي الي غالبا متوفره باسواق كندا
اذا النوع الي يشربه طفلك غير
فنصيحه جربي اشتري نوع ثاني يكون متوفر هنا وبدي وياه عليه عشان يتعود ما تتاذي وتغيري اول ماتجي
اهم الامور الي تجيبيها مافي شي هتتورطي عليه
فجيبي الامور الي تحتاجيها اول ماتجي وانتي عارفه مابيمديك تروحي تشتريهم
الي هي الاساسيات لو بتسافري اي سفره لو سياحيه بتاخذيهم معك
وبنصح بشي سجاده الصلاه الي تجي مبطنه
كان عندي وحده وضيعتها وتعبت ادور كل اماكن المسلمين هنا مايبيعونها
بس بالسعوديه متوفره وبالذات بمكه
الغرض مو قصدي اعمل واعظه اعرف ماراح تنسيها
بس لمبطنه الي تجي لما تصلين عليها مريحه وكانك واقفه على مخده
هذول عمليين لان في شقق كثير هنا الارضيه تكون خشب
لما تصلين بالسجاده العاديه فالسجود يوجع بالذات الركب
فهي شي جدا عملي ومفيد
والجو هالايام بارد جدا بتحتاجي بالطوات وبلايز مكممه
وتحتاجي بوت عشان ايام المطر
وعلى هالطاري كونك هتفصلي عبايه انصح تفصلي وحده من العبي تكون قصيره شوي يدوب تحت الركبه بحيث بهذي الايام تبع المطر والثلوج ماتبغي عباتك تغرق وبالمقابل يكون تحتها بنطلون وفوقه بوت فيظل ساتر بس بدون ماتبهدلي حالك