شقه للايجار في بورنموث

السلام عليكم ورحمة الله وبركاته

ياجماعة الخير انا طالب مبتعث في مدينه بورمونث في بريطانيا ... وكان معاي زوجتي وكنت مستاجر شقه عوايل في عماره نظيفه جدا ومحترمه ولاتكاد تسمع لصوت الجيران ولا ازعاج .. وتتكون من غرفتين وصاله ومطبخ وحمام نظيف جدا ... والشقه سعرها مناسب وتقع في دوله بريطانيا في مدينه بورمونث وهي قريبه من شارع الشرمنستر رود اللي هو شارع العرب وتعتبر قريبه من المدارس المخصصه باللغه القريبه من شارع العرب بيت وانجلو وريتشارد والكينج... 5 دقايق على الارجل ...ولله اني انصح بها اخواني أهل العوايل ياخذونها مني وللظروف ما حصلت لاهلى مما اضطر بهم العوده الى السعوديه اضطرت ان اعرضها للايجار... حيث اني موقع عقد 6 اشهر ولا يتبقى الا شهرين وشوي واللي بياخذها والله ما يدعي لي الا بالخير وعلما بان سعرها معقول جدا حيث بالشهر تدفع 675 فقط وتدفع بالشهر يعني مايزنقونك وعلما انه متوفر النت والتلفون انا مدخلها باسمي واذا تحتاجونها اتركها باسمي عشانك ويعلم الله اني كتبت هالمقال للخير فقط لاني افضل ان ياخذها اخواني المبتعثين فضلا عن غيرهم

وتدفع تامين 900 باوند وتكمل العقد مني واذا تريد مني ان اقابلكم فلكم ذالك قبل ان نكتب العقد
و شكرا

وينك عني وقت ازمتي خساره يالله الله يوفق من بياخذها والله موقعها ممتاز انا كنت هناك

اخي الكريم الشقه راااائعه .. ولكن للاسف انا جايه بعد 4 او 5 اشهر .. فياليت ترسل لي عالخاص عنوانها و عنوان المالك حتى اقدر استاجرها لما اجي ومالك مني الا الدعااااء ..

اسأل الله ان يبعث لك من يستاجرها منك عاجلا غير اجل .. انصحك تحط الموضوع في ملتقى مبتعثين بريطانيا وايرلندا بياخذونها علطول لأن الاغلبيه يسألون عن السكن ومحتارين..لأني شفت موضوعك بالصدفه والا مانويت ادخل هالقسم ..بالتــــــــوفيق

شكرا اخي وارسلت لك رسالة على الخاص واتمنى الرد باسرع وقت .. اخوك عبدالله