كيف أحصل على نموذج الكشف الطبي للصين

وعليكم السلام ورحمة الله وبركاته

كيف الحال عزيزي

ومبروك عليك القبول والله بوفقك وييسر أمرك


أما بالنسبة لللكشف الطبي للصين

أنا رحت السفارة وقبل لا يعطوني الفيزا طلبوا مني كشف واعطوني نموذج أعبيه من المستشفى

وطبعا رحت وعبيته ودفعت سبعمية ريال

ولكن للأسف بالصين لم يقبلوآ هالكشف وتم الكشف علي من مستشفى بالصين

ووقت الكشف ما اخذ مني نص ساعه بالكثير وانت واقف بكشفون عليك

تخش الغرفة 1 وياخذون منك عينة دم وبعدها مباشرة تروح الغرفة 2 ويتم فحص القلب

وبعدها غرفه 3 ويتم الفحص عالنظر وهكذا

والكشف بالصين ما راح يكلفك أكثر من مائتي ريال سعودي (400 كواي)

وبالنسبة كيف تحصل على نموذج الكشف...

المعهد الي بتسجل فيه راح يعطونك هالنموذج وهنا الكثير من الشباب الي فيهم الخير وساعدوني بدون مقابل الله يكتب لهم الأجر

راحوا معي وودوني للمستشفى

وطبعا الكشف بياخذ له يومين او ثلاثة و بعد ما تجيب الكشف

المعهد راح يعطيك اوراق توديهم لمركز الشرطة وتعطيهم هالأوراق مع الجواز وتاخذ الفيزا الجديدة بعد اسبوعين ومدتها اربع سنوات

اتمنى أفدتك عزيزي

كل المودة

كن بخير دائماً وأبداً

وبالنسبة للنموذج اذا كنت تبيه

أنا أستفسر لك عنه باذن الله

وأجيبه لك

ولا تنسانا من خالص الدعاء

ياخوي الكشف يجي مع القبول ارجع للوزاره واطلبهم الكشف لانو انا جاني مع القبول
تحياتي......واذا تبي مستشفى يخلصك بساعه واقل
فيه مستشفى بالرياض بحي (ام الحمام) اسمه مستشفى النون الطبي
بس مادله زين لاني مو من اهل الرياض بس انت قول للتاكسي اسم المستشفى والحي وهو يوصلك
طبعا هوه عند تقاطع اشارات
المهم لاتعطيهم فوق 500 ريال
لانهم طلبوا مني 1200 ريال بس يقولوا عشانك خفضناها الى 800 بس انت قولهم ماعندي الى 400
زي منا سوييت
ماراح يسون لك الا تحاليل الدم والتحاليل التانيه بس كلها تاخذها بنصف ساعه
بس انتا سو نفسك مستعجل قل ابي الكشف ينتهي بساعه والا اشوف مستشفى تاني
واذا قالوا اشعه ومدري وشو قل شي تمام (فيه دكتور هندي هو الي سوا لي الكشف الطبي
هناك انت تفاهم معاه اذا كنت تتكلم انجليزي وهو بيعرف الشغله كلها)
وصدقني يخلصوك
انا قالوا بيطولوا رحت للمدير باخر دور وقلت له السفاره راح تقفل وانا ابي اخلص واسافر...........
قام اتصل وقلهم يخلصونني
ارجو ان نكون قد افدناك اخوي ببعض المعلومات وبالتوفيق

عليكم السلآلآم
أول شئ مبرووك القبول وها بشر من أي جامعه جاء قبولك .!!
الكشف هو نفس الموجود بالرابط بس لاتنسى تقارير تحاليل الدم والأشعه تكون الورقة الأصلية ومختوم عليها ولازم ترفق صورة بالكشف ويختم عليها لان السفارة الصينية رجعت زميلي لانه ماختم على الصورة اللي بالكشف

ثاني شي انا صلحت الكشف الطبي من مستشفى العلم بالرياض بحي الروضة على شارع خالد بن الوليد ( إنكاس) والحمد لله هنا الجامعه قبلته ولا صلحت كشف غيرهـ

وبالتوفيق

أهلا عزيزي عشقي عيونگ

الله يبارك فيك .
جاني القبول في جامعة جيلين Gilin Unvirsty
يعطيك العافية على التنبيهات بصراحة لو مانبهتني على هذي النقاط كان ماراح أسويها لأني سأذهب أعمل الكشف السبت القادم إن شاء الله .

بس عندي سؤال : هل يوجد أحد ما في الملتقى من طلاب جامعة جيلين أو من مدين جيلين ؟