رد: اهل اليابان لو سمحتو ؟
انا اكتب باسم زوجتي ؟ انا وزوجتي نتشارك هذا الاسم وانا انشالله بجي لوحدي لأن زوجتي في السعودية في اجازة
اتمنى المساعدة او على الاقل في اي ملعب ؟ وين مكانة بالظبط
رد: اهل اليابان لو سمحتو ؟
حياك الله يا ابو حسين ونشاء الله الشباب ما يقصرو ولو في وقت والظروف تسمح رافقناك ....بتوفيق
رد: اهل اليابان لو سمحتو ؟
مشكور اخوي ابو هادي وعارف ظروفك الله يوفقك ويساعدك
مستغرب صراحة من اهل اليابان ؟؟ مابقيت شيء غير اسم الملعب وطريقة حجز التذاكر وفوق الثلاثين واحد قرا الموضوع ولاحد رد
انا اخبر عندنا في كوريا السفارة تأمن التذاكر لكن لازم تروح لهم ومادري كيف الطريقة في اليابان وبالنسبة انا مستعد اشتريها بس ابي اضمن قبل لا اجي لانها مباراة نهائية واخاف اجي واشوفها في الفندق اذا صار الملعب فل
اتمنى احد يرد من اهل اليابان الكرام .
رد: اهل اليابان لو سمحتو ؟
ولا تزعل يابو حسين ابشر بالمساعدة ومن الصين بعد :)
اليوم
السبت 7 نوفمبر 2009
التوقيت
الساعه 7 مساء بتوقيت اليابان
الملعب
الملعب الأولمبي الوطني
تفضل هذا هو عنوان الملعب
国立競技場東テニス場
日本東京都新宿区霞ヶ丘町10−2
03-3403-1151
وهذي صورة مصغرة للعنوان
http://maps.google.com/mapdata?CxXXZ...JVU5ABA8oBAmFy
مع اني نصراوي :) وياريت تزورنا على يوم الصين يابوحسين
رد: اهل اليابان لو سمحتو ؟
أفضل خيارات السكن (الفنادق)
1-Hotel Monterey Akasaka 147$
2-Hotel JAL City Yotsuya Tokyo 154$
3-163$ Shibuya Tokyu Inn
بالنسية لموضوع تذاكر المبارة
طال عمرك اول ماتوصل دق سلف للسفارة سجل جوازك وهناك بتلقى تذاكر المباراة مجانا من الاتصالات السعودية
دعواتكم لنا بالتوفيق
السلام عليكم
رد: اهل اليابان لو سمحتو ؟
والله ونعم فيك يالغالي عزالله كفيت ووفيت بس انا بوصل يوم السبت او الجمعة بالليل يعني السفارة اكيد بتكون مقفله .. انا ما همتني التذكرة ابشتريها لكن يا خوفي اروح والملعب مليان
ما قصرت والله وبخصوص زيارتنا للصين انشالله بس انتظر اجازة طويلة وبقضيها في الصين ونبي نلف هالبلاد دامنا حولكم انا الاسبوع الجاي معي اجازة اسبوع وقلت اقضيها في اليابان منها نشوف المباراة ومنها نغير جو ومنها نشوف هالبلاد ازعجونا اليابانين الي معنا في الدوام وننتظر السعوديين اهل اليابان الكرام .. والله من زود المذاكرة ماحد ملتفت للمباراة ولا كل الي هناك هلاليين !
بالخصوص يا محماس حبيبي ترا لو جت في بالك كوريا عطني خبر وابشر بعزك بس عطني قبلها بوقت كافي علشان ارتب حالي واجهز المفطح ههههههههههههه بس لا تسأل وش نوع المفطح ههههههههه امزح معك تعال وابشر بعزك وبالي يرضيك نمشيك في سيول ولو اني والله ما لفيت ربعها لكن اوديك الاماكن الي اعرفها ..
رد: اهل اليابان لو سمحتو ؟
حبيبي ابوحسين
لك زيارة ان شاء الله
بس ياخوفي مفطحات كوريا مثل الصين :)
الله يسعدك ويسهل امرك
رد: اهل اليابان لو سمحتو ؟
هل دخول الاراضي اليابانية لفترة بسيطة اسبوع يحتاج الى فيزا ..
ماصدق ياباني في المنتدى يدخل ولا يرد ؟؟ باقي يومين على المباراة والتذاكر الطيران حجزتها والفندق وحجزته ماني مغلط عند احد ابي بس معلومات
رد: اهل اليابان لو سمحتو ؟
كلم السفارة السعودية باليابان
وهم راح يساعدونك