المدن التجاريه في الصين ؟؟

وعليكم السلام ورحمة الله وبركاته
عندك مدينة كوانزو وهيا مدينه تجاريه من الدرجه الاولى وتحصل فيها كل شيء حتى الصينيين اللي فيهما اكثرهم صاروا يتكلموا اللغه العربيه ويفهموك ايضاً
من كثر التجار العرب... اللي فيها
وبعدها عندك كمان مدينة أيوووا كمان مدينة تجاريه
وهذا المدن فيها كل شيء من مصانع وتجارة وبضائع بكل اشكاله وانواعه
واي خدمه حاضرين لك
تحياتي

الف شكر على التجاوب دكتور خالد ,

والله انا خلال الشهر الجاي على بداية اوقست عندي عطله شهر واستئجرت كذا كشك في عدة اسواق في كندا وحاب اجيب بضاعه من الصين

هل الانقلش بيفيدني هناك ولا لابد من مترجم يعرف اللغه الصينيه ؟
اسعار الفنادق العاديه لليله ( لاني بحثت بالنت وكل اللي طلع لي اشياء اسعارها مرتفع )؟
ياليت تعطيني المناطق الصناعيه اللي بالمدينه او المتاجر الكبيره اللي اقدر اروح واشوف البضاعه اللي فيها( تحملني ماعمري رحت الصين ) ؟

سؤال جدا شاطح :

الان ليه البضائع دائما رخيصه من الصين ( هل فقط الايادي العامله رخيصه او فيه سبب ثاني ؟ )

الف شكر دكتور خالد ..

عليكم السلام ورحمه الله وبركاتة

بالنسبه لي اعرف مدينة ( أيوو ) اكثر التجار يروحون لها ياخذون جمله وفيها اسواق بالهبل وقد رحتها

وايضا رحت جوانزوا لكن جوانزا شبه غاليه

بالنسبه للشنط والاكسسوارات فعندك جوانزوا فيه عمائر مخصصة لهذه البضاعه

اما ايوا فيها اعتقد كل شيء سراميك مفروشات تلفزيونات العاب هدايا اكسسوارات ..الخ

وايضا يوجد فيها مكاتب شحن

بالنسبه لمدينه إيوو yiwu 义乌

اذا رحتها اركب اي تاكسي وقوله ( مايده ) بس وهو يوصلك عند مطعم سبأ والمطاعم الاخرى العربية وايضا عندها فنادق اسعارها حوالي 200 يوان يعني حوالي 120 ريال واقل طبعاً وفيه اغلى

بالنسبه لجوانزوا guangzhou 广州
ماعرف اسم الحي صراحه اللي فيه المطاعم

لكن اكيد بما انك في كندا تعرف تركب الميترو
اذا ركبت اعط السواق هذا العنوان Xiaobei

ههههه لا امزح هذا المحطه Xiaobei اللي بتكون فيه فيها المطاعم العربية ( مابتوهك لكن تلقاها في الخط الاحمر في الاعلى ) طبعا تلقى ناس واجد صينين يتكلمون عربي ويعرضون عليك خدماتهم وانتبه تحول دولارات من عندهم اذا احتجت ان تحول روح لمطعم السدة وهو مايقصر معك يوحول لك بسعر حلو طبعا لاتنسى فيه كروت او مطويات عند مطعم السدة ومطعم سبأ مكتوب فيها الاسواق والمطاعم الاخرى بالانجليزي والصيني والعربي راح تستفيد منها كثير
اذا تقدر تصيد لك واحد وبينك وبينه تقوله ابيك تكون معي يوم اويومين يترجم لك وقوله بعطيك حقك مافي مشكله مع انك راح تلقى ناس تتكلم انجليزي في السوق لكن بعض الاحيان ماتلقى

وبالتوفيق لك ان شاء الله في رحلتك التجارية

الشوقبي ,

ردك وافي تسلم والله يجزاك كل خير ..

باذن الله قررت على مدينة guangzhou اغلب الاخوان ينصحون فيها وسئلت الصينين بنفسهم ..

اتمنى من اي نصيحه من الاخوان لايبخل علي فيها .. انا اسافر كثير ومتعود ( لكن الصين للاسف ماعندي اي خلفه عنها خصوصا انها رحله تجاريه )

اي معلومه تقدرون تفيدوني فيها مثل :

1- الفلوس والبنك
2- المناطق التجاريه في المدينه
3- الحذر من ايش مجملا ( لان الصينين حذروني من العصابات والدوائر المختصه بالشحن )
4- اسماء او عناوين التجار اللي ممكن اقدر اشتري من عندهم ( يعني يكون مجمع بالجمله معروف واسعاره كويسه )

شكرا للجميع .

العفوو..
واي خدمه حاضرين لك
تحياتي

أخوي خبير كندي
لك رسالة عالخاص
موفق ان شاء الله