معاية قبول بس مااعرف كيف اسافر
السلام عليكم يااهل الصين
ياشبااب عندي قبول في جامعة huazhong انشاء الله على بداية شهر سبتمبر تبدا الدراسة
بس دا الي اعرفه
اما كيف اروح ومتى وايش الخطوط الي اسافر عليهاوايش اخذ معاي و كيف استاجر شقة وكيف احجز فندق مؤقت الين ماالاقي شقه دا كله ولا اعرفه
فالبركه فيكم يااهل الصين
رد: معاية قبول بس مااعرف كيف اسافر
وعليكم السسسلام أخوي
-اذا قصدك جامعة خواجونق اللي بوهان ~ ف أنا استأجرت فندق داخل الجامعة كم يوم وكان تبع الأجانب و الأساتذه ~ مرتب وكانت اسعاره مناسبة بس مشكلته الوحيدة انه كان مرره بعيد و داخل سكن الجامعة يعني خلي التاكسي يوقفك قداام الفندق بالضبط لأن بعضهم يرفضون يدخلون الجامعة ..و كل شي قريب من الجامعة في سوبر ماركت و في كنتاكي و في مول ^^
-الخطوط ممكن تروح على الخطوط السعودية ~ كاثي باسيفيك ~ الإمارتية ~ القطرية
-بالنسبة للسكن تقدر تستأجر بسكن الجامعه أو تقدر تستأجر برا .. أذكر سكنهم ماشي حاله و ايجاره رخيص
-تاخذ معاك .. خذ قهوه و تمر " اذا انت من محبينها " جبنة كرافت ^^! يعني اشياء عاديه لان كل شي متوفر تقريباَ
-أهم شي تجهزه من اللحين اسم الجامعة بالصيني و كم سطر بالصيني عشان تفهم التاكسي يروح على نفس عنوان
أتمنىـآ اكون أفدتك
و بالتوفيق
رد: معاية قبول بس مااعرف كيف اسافر
والله ي حوبي انت ما عندي اي معلومات ولكن للرفع
اتمنى غيري يفيدك
- - - مشاركة محدثة - - -
والله ي حوبي انت ما عندي اي معلومات ولكن للرفع
اتمنى غيري يفيدك
- - - مشاركة محدثة - - -
والله ي حوبي انت ما عندي اي معلومات ولكن للرفع
اتمنى غيري يفيدك
رد: معاية قبول بس مااعرف كيف اسافر
مشكوووووورة اختي
الجامعة huazhong univesity في مدينة wuhan مقاطة hubei فغالبا هي هم اعطوني مع القبول كرت اخضر للتاكسي فيه عنوان الجامعه بس السؤال الفندق دا داخل الجامعه نفسها هو فندق ولا سكن طلاب لاني اول مره اسمع في فندق داخل جامعه الي اعرفه يكون سكن طلاب وبعدين كيف احجز غرفه من قبل مااسافر ولا وانا هناك والله اذا تكوني تعرفي ايش اسم الفندق يكون ميه ميه
- طبعا انا من محبي القهوة والتمر بس بالنسبة للمعلبات الاقي هناك معلبات زي هنا في السوبر ماركت ولا اخذها معي انا اقصد شي يكفي الفترة الي حجلسها هناك لاني انا سمعت هناك السوبر ماركت في اقسام بيع حلال
وبالتوفيق للجميع
رد: معاية قبول بس مااعرف كيف اسافر
حبيبنا اذا انت ناوي للألتحاق بالبعثة فتأكد ان الجامعه هذي ماهي مقفلة لأن أغلب ووهان مقفلة ,,
رد: معاية قبول بس مااعرف كيف اسافر
مشكوووور على الايضاح ابو دحمي
لاكن ان على حسابي الخاص
رد: معاية قبول بس مااعرف كيف اسافر
هذا المعلومات اللي تخص الفندق من نفس موقع الجامعة HUST
والفندق هذا داخل الجامعة مسافة اقل من 10 دقائق لمكتب التسجيل .. تقدر تحجز من الارقام اللي في اللينك او تحجز لما تروح ~ احنا ما حجزنا قبل ^^
اممم فيه معلبات بس لاتتوقع تلاقي كل شي ~ و اذا تبي في سوبر ماركت اسمه " مترو " تقريباً بتلاقي فيه اللي يمشي حالك ..
بالتوفيق
رد: معاية قبول بس مااعرف كيف اسافر
مشكوووورة اختي
سؤال اخير كيف اسعار الغرف في الفندق اقصد غرفة لشخص واحد
وإنشاء الله موفقين جميعا
رد: معاية قبول بس مااعرف كيف اسافر
والله ما أذكر بالضبط بس بس ما أتوقع بتكون أغلى من 500 كواي الليلة :)
رد: معاية قبول بس مااعرف كيف اسافر
انا انصحك يا اخوي
لاتروح الا لمى تضبط نص شغلك من اهني
في شباب واجد اهني بنفس المنطقه خله يضبط لك شغلك وحتى لو ياخذون اتعاب عطهم
لان اذا ما ضبطت نص شغلك من اهني بتخسر خساير اكثر
والله يوفقك كان ودي افيدك بس انت مو بفس منطقتي
الله يوفقك ويوفقنا معاك يارب