طلب مساعده من الاخوه الدارسين في الصين
السلام عليكم ورحمة الله وبركاته
اخواني الدارسين في الصين جزاكم الله خير ووفقكم في حياتكم الدراسيه والمهنيه انا عندي الكثير من الاسئله حول الدراسه في الصين وابغى اجوبه وحاولت ابحث بالمواضيع المثبته وبعض الاسئله مالقيت لها اجوبه فاتمنا من الاخوه مساعدتي
كيف طريقة دراسة اللغه في الصين نفس نظام امريكا ادرس في معهد واذا خلصت واختبرت ايلتس اروح لجامعه ولا ادرس بالجامعه نفسهاا ؟
هل اللغه الصينيه صعبه ؟؟؟
كم رسوم اللغه والجامعه خلال فترة 5 اشهر طبعاا ابي جامعه ممتازه وديره كويسه
السكن كم اجار الشقق وكم سعر سكن الجامعه وهل سكن الجامعه جيد ولا لا ؟
كم احسب ميزانيه للمعيشة بشكل عام من اكل وشرب ومواصلات ومصروف جوال ونت وخلافه ؟ طبعا المتوسط علشان مااحد يقول كل انسان وصرفه
بالنسبه للالتحاق بالبعثه كم اخذ فترة وانا على حسابي 4 اشهر 5 اشهر سنه ؟؟؟
وابي احد يجيب لي قبول مناك لان انتم عارفين المكاتب وضعهم موووش مضبوط وانا ماادري وين الله حاطني ولا اعرف كيف اراسل الجامعات علشان القبول
ايه صح في سؤال اخير كم تاخذ فيزتهم علشان تطلع ؟؟
وجزاكم الله الف خير والله يسنع لكم طريقكم ويوفقكم للي راح يساعدني واللي وده يساعدني ولا يعرف وللي ماوده يساعدني <<طويله خلاص
رد: طلب مساعده من الاخوه الدارسين في الصين
وكاااان على روؤسكم الطير
مافي رد نهائيا
رد: طلب مساعده من الاخوه الدارسين في الصين
وعليكم السلام ورحمه الله
معذرة لقله الدخول للمنتدى
الدراسه تكون في الجامعه سنه لغه صينية ثم تبدأ التخصص
بالنسبه لترم الواحد لغه هو تقريبا ٧٥٠٠ رمبي اي ما يعادل ٤٥٠٠ ريال تقريبا
بالنسبه لسكن الجامعه على حسب الجامعات بعضها ملائم والبعض سيئ وهو تقريبا ١٠٠ دولار لشهر الواحد
الالتحاق ترفع للوزاره بعد نهايه الترم بدرجاتك وأنك ناجح بنسبه فوق ٧٠ ٪ وتأخذ تقريبا شهر ويردون لك بالقبول بإذن الله
لكن انت الان يلزمك موافقه مبدئيه من الوزاره لدراسه في احد الجامعات في الصين
بالنسبه للفيزه فهي خلال يومين بإذن الله تستلمها من احد المكاتب التابعه لسفاره الصينيه بالسعودية سوا بالرياض او جده
والله يوفقنا وإياك وأي خدمه حاضرين لك يالغالي وليس على رؤسنا اي طير : )
بالتوفيق