بشأن اصدار قرار الابتعاث الدعله

السلام عليكم ورحمة الله وبركاته
انا الحين ابي اقدم على قرار الابتعاث بس النموذج طلع بالعربي (دعله) كل ما جيت افتحه بالورد يقلب طلاسم واصلا الموجود بالموقع اسكان ولا ادري اكتبه بالكمبيوتر وبعدين اطبعه واوقع والا كيف تكفون يالربع ابي مساعدتكم تكفون اخوي بيطلع الرياض بعد كم ساعه ونبي نخلص و قبل لا انسى في ورقة القبول لمعهد اللغه اوقع مكان مهم كاتبين توقيع الطالب والا موب لازم ياليت الرد السريع تكفون قولولي وش السواه

اصلا اختي اللي موجود بالنت ما ياخذونه يعطون اخوك واحد جديد يعبيه ويوقعه عنك يعني ما راح تستفيدين شي لانه مسحوب بسكان انا عطوني واحد جديد وعبيته

ولا يفتح بالوورد يفتح بالاكروبات ريدر ويطبع بعدين يتعبى

اما التوقيع مو لازم اهم شي ختم المعهد ولازم صورة منه لانهم ياخذون الصورة بس

بالتوفيق

الله يعطيك العافيه مشكور اخوي وماقصرت