إفيدوني جزاكم الله خير

السلام عليكم ورحمة الله وبركاتة


كل عام وانتم بألف خير وصحة و مبروك عليكم الشهر الفضيل

ياشباب انا قدمت على البعثة وحطيت ثلاث دول وربي من راسي ومن السمعة عنه بصراحة كنت ابي بريطانيا وأستراليا وماليزيا بس مو موجودات المهم وربي لما قريت المواضيع عن هذي الدول خفت بقوة والله يستر الدول هي سنغافور والتشيك والنمسا يعني من اسوء الى اسوء على حسب كلامكم وانا بصراحة ماكنت اعرف المنتدى الا بعد نهاية التسجيل إفيدوني في سنغافورا انا بروح معاي زوجتي وبنتي عمرها خمس شهور تنصحوني اروح او لا وهل المكافاة تكفي

وبعدين هل اقدر اغيرالدولة مثلا ابغا ماليزيا وهي ماكنت موجودها بعد مايطلع القبول اغيرها اولا تكفون ساعدوني

والله ياأخي الي سمعته انه سنغافورة تماااااام ان شاء الله يااارب
موفق

لا والله مو تمام ابدا ما تنفع بريال واحد والمكافاه ما تكفي ابدا واللي يقلك تكفي يضحك عليك نصيحه غير لا تروح ابدا سنغافوره

والله اهل مكه ادري بشعابها اخوي فواز
ونصيحه خذ من المجربين وانا عني ماعرف عنها شي بس اللي اعرفه ان البلد صعبه من اهلها غير مضيافين ولغتهم السينقليزيه
يعني صيني انقلش

وليس من سمع كمن راى

وربي يوفقك وعلى كل حال انت رح جرب لحالك اهلك خلهم بعدين اذا عجبك الوضع خذهم

ياشباب احترت وياكم واحد يسب والثاني يمدح منوووووووو اصدق فيكم طيب اهم شي المعيشية هل غالية مره الواحد مرة مايقدر يعيش على المكافاة مع زوجتة وبنته وكم السكن

الاخ فواز

الحال من بعضه انا مثلك اخترت سنغافوره _ النمسا _هولندا

وكل الدول خوفوني منها بس عاد سنغافوره اخترتها ع اساس دوله مسلمه

والنقاب فيها مو مشكله ندرس فيه

ومالقيت اثناء عليها والعكس فيه ناس تمدح ولا ندري احترنا وشاركت في المنتدى

سألت استفسر بس للأسف ماحد رد علي .....؟؟

افضل شئ الاستخاره

الاخت حياة مبدا

اولا كل عام وانتي بخير انا وربي نفسك محتار حطيت سنغافورا لانووووووو دولة مسلمة لانوووو معاي زوجتي ويارا بنوتي الغالية واهم شي عندي الامان بس لما دخلت المنتدى وربي كرهت سنغافورا من كلام لي سمعته في المنتدى غالية مرررررررررة والشي الثانية الدراسة صعبة مره والشي المهم انوووووووو النقاب على حسب ماسمعت ممنوع داخل الجامعة والمعهد واتوقع مافية دولة تقبل بنقاب دورت لما تعب حتى ماليزيا مافيه وفية بعض الدول البنات الحالهم هذا في بريطانيا انا متاكد منه...... والدول الثانية مدري عنهم بس خليك على اللثمه.
على حسب ما سمعت انووووووو دفعة كاملة ما تخرج منهم الا واحد بس واللغة عندهم صعبة صيني بنجليزي يعني كوكتيل وربك يعين وانا الحين قاعد احاول اغير والمشكله انا احط الرغبة الثانية النمسا والثالثة التشيك و

ويكون بعلمك مافية دولة هنا بالمنتدى الا فية نااااااااااس يسبون ونااااس يمدحون وما يعجبهم العجب واتحداك تلقين دولة ما حد سبه مافية كل يغني......
بس نصيحة انك تغيرين لانووووووو سنغافورا ما حد يمدحه والله يستر لايحطون فية وانتي كيف غيرتي الرغبات انا لما كنت ابي اغير قالووووا لما تطلع النتائج تغير....:jumpon:

اخوي فواز كتبت لك رد بس ماطلعت ليش مآدري

السلام عليكم

اخوي فواز

وربي ضحكت لما قريت موضوعك نفس حالتي بالضبط انا اخترت النمسا وقالوا لازم تكشفين وعدلت واخترت سنغافورا ولما دخلت المنتدى خفت من كلامهم وتحذيراتهم منها وكل شئ قرأيته عن سنغافوره بالمنتدى هذا ومالقيت اي اثناء عليها وزادت حيرتي اكثر
وغير الغلاء وصعوبه الدراسه والسكن ولغتهم العامه محليه والسكن خاصه ان المحرم اخوي واصغر مني بعد

والنقاب انا اخترت الدوله ع الاساس لازم اتغطى صعب اكشف او اتلثم
------------------------------------------------

بالنسبه لتغيير الدوله غيرت بالتدقيق من النمسا ل سنغافوره بورقه صغيره
بس مادري تعتمد او لا ؟
يمكن صدق بعد الاسماء نغير
إن شاء الله يارب

اخوي لو تبي تغير وش تختار دوله ؟

شوف موضوع نداء المبتعيثين لسنغافوره بارئيسيه فيه بنات اليوم ردن وطمنونا ؟

ان شاء الله خير ناس تطمن وناس عكس الله يعين

هلا وغلا اختي الحياة مبداعلي العموم
انا لو عندي فرصة الحين اغير على طووووول أمريكا
لانوووووووووو هي ام اللغة والشهادة قوية مرة كم واحد يقول روح امريكا ولي زملاء هناك بس المشكلة هناك النقاب عشان زوجتي
بس الحجاب يكفي ان شاء الله
ومن جد اتمنى ماليزيا دولة جميلة مرة بس مدري اقدر اروح دول مو موجودة مع دول الابتعاث اولا لانووووووووووووو البلد هذا جميل انا كذا مره اروح هناك تقريبا ثلاث مرات مع زوجتي ونمشي بالنقاب ولا احد يكلمك..... وبلد متوسطة الغلاء بس متعة والجوووووووووو روعة.... عشان كذا انا اخترت سنغافورا قالت قريبة من ماليزيا قالت اكيد نفسة لكن للاسف خيبت ظني... بالنسبة لي انا لو تطلع ماراح اروح.....

السلام عليكم
الصراحة من تجربتي في ماليزيا انصحكم تدرسون فيها لانها مثل ما قلت اخي النقاب فيها ما يلفت النظر وفي الجامعة مخلينهم على راحتهم ما يمنعوهم من لبسه
غير كذا سهله الحياه فيها واللغة تتعامل معهم بالانجليزيه
و اشياء كثيره متوفره هنا كالأكلات العربيه والمطاعم والبقالات العربيه و العرب كثر هنا والسكن والمكافاه راح يكفوكم ان شاء الله
بس اذا بتدرسوا طب ما انصحكم لانها صعبه بصراحه

ربي يوفقكم جميعا ان شاء الله

الله يوفق الجميع ويكتب لنا الخير بأي دوله
بالنسبه لسنغافورا ,,, والله فيه بنات طمنونا
وإذا طلعن النتايج نشوف المفروض ياطلعت نحكم
عارف ليش ؟
اول شئ / انا اخترتها مو بالاستماره بالتعديل مدري تتعتمد او لا ؟
ثانيآ / سنغافورا تبي معدلات عاليه وانا جيدجدآ
ثالثآ / انا بدرس ماستر حاسب كتبت بالاستماره كذا وسنغافوراماتقبل ماستر إلا امتداد لنفس البكالوريوس

والله ياخوي انا اختلف معك مع احترامي لك
اهم شئ عندي النقاب عشان اقدر ادرس فيه ,,صدق يمكن تكون الدراسه صعبه والمعيشه غاليه بس اهم شئ الدين والامآن هذا اللي نبحث عنه في الدراسه بالخارج
ادرس وانا مرتاحه
بالنسبه للدوله ترى مو شرط تطلع اول رغبه اخترتها
فيه ناس كثيره طلعت لهم الرغبه الثانيه
وانا سألت اقدر اعدل لدوله مو مكتوبه هالسنه مثل استراليا _ بريطانيا _ ماليزيا
قالت المستشاره بالتدقيق لا


واي دوله تطلع ندرس فيها لغه بس بعدين تعدل للدوله اللي تبي عشان الماستر
وهولندا مره حلوه قرايت عنها وسألت بس فيها مشكله الدراسه حجاب بس ,,
وعلى فكره ترى سنغافورا نفس ماليزيا بكل شئ اللهم انها اغلى منها شوي,,
--------------------------------------------
وحنا اللي يسمع كلامنا يقولن طلعنا بسنغافورا وخلصنا
المفروض نخلي كل شئ بوقته لانا ماندري وين نطلع ,,, صح ؟
لكل حادث حديث

عمومآ / الله يوفق الجميع لما يحبه الله ويرضاه
ويوفقنا بأختيارنا ونكون مرتاحين فيها
اللـــهم آمــــين

اختي الحياة مبدا,,,,,,


شوف لما تقولين الدين اهم شي اكيد وحجاب ان شاء الله ربي بس لما تقولين بروح ادرس برا اوكية في دول اجنبية مو مسلمة وتقولين ابغا اروح الجامعة بنقاب بصراحة مع كامل احترامي لك خليك بالسعودية وبعدين انتي رايح تدرسين والظاهر انووووو الحجاب مو عيب او حرام لانوووووووووووووو راح تصيرلك مضايقت كثيرة في الجامعة وغيره والنقاب في جميع دول العالم طبعا الاجنبية ممنوع الا في بعض الدول يكون التدريس البنات الحالهم مثل بريطانيا علي العموم اختي اذا هذا مبداك انصحك لاتروحين واسالي هنا بالمنتدى وتلقين الخبر الاكيد
......................

شكرآ ع النصيحه اخوي

جزاك الله خير

بس رأيك متناقض وشكلك عصبت مررره ليش مادري ؟

بسم الله الرحمن الرحيم


اختي الحياة مبدا لا وربي مو معصب ولا شي وعموما كل عام وانتي بالف خير وسلامة
بس حبيت ابين وجهت نظري لا اكثر ولا اقل وبعدين هنا حقين سنغافورا ما حد يعطيك اجابة كافية على العموم ربي يوفقك انتي شنو تخصصك في البكالوريس و شنو حطيت في الماستروووو ............

الله يوفقنا آجمعين,, وانت بخير وألف صحه

لا والله فيه ناس ماقصرت من سنغافورا ردوا ع وتساؤلاتي .. واستفدت
جزاهم الله خير

--------------------------------------------------------

وجهة نظرك ماأنكر آثرت فيني كثير وخاصه لما قلت ,, خليك بالسعوديه ,,,, وانصحك لا تروحين

عمومآ دامها وجهة نظرك ونصيحتك فواجبي احترمها لك واشكرك عليها

اما بالنسبه لي مو ع التخصص بس

الامور وأنا أختك كل مالها تتعقد

واستجدت اشياء ماكانت ع البال,,, واحترت فيها مدري وش اعمل ؟

الله يعين