تكفون ياجماعه الخير اللي بماليزيا ويبي روميت

شباب الكتاب واضح من عنوانه انا طالب وصلت من كم يوم ماليزيا وقدر الله علي اني بسايبرجايا
طبعا اول ما وصلت دخلوني الهوستل (السكن الداخلي) ياشباب قد ما تقولون السكن وصخ وصخ وصخ
الغرف وصخه والحمامات عامه ومره وصخه ماتصلح لأي شي بس وربي يوم شفت بعيني تأكدت من هالشي

تكفون ياجماعه الخير اللي بماليزيا ويبي روميت او الى الحين مالقى سكن يكون بينا اتصال اذا يبي نسكن مع بعض او نتقابل انا حاضر والله

ولا فيه مطاعم زي الناس يعني بالعربي مافيه الا مطاعم اكلات ماليزيه اليوم كان اول يوم تسجيل وتعبت وربي بعد التسجيل درت ودرت ادور سكن وكلهم يقولون نتصل عليك


ورجعت الهوستل طبعا المكيف انسى مافيه بس مروحه سقف رحت ونمت من التعب على المرتبه اللي مدري وش تبي

وصحيت والجوع ذابحني من الصبح ما دخل شي بطني ورحت بأكل شي وربي مالقيت الا مطعم بالسكن ورحت باكل وش لقيت...

طبعا رز حاطينه بسطل ويغرف منه ويحط بصحن قسما بالله سجن و و و وربي ماقدر اقول شي اول مره اشوفه بعيني....

هذا نداء استغاثه وبنفس الوقت اللي يفكر يجي هنا والله والله لو ماعنده سكن لا يفكر يجي

اطيب التحايا

اخوكم عبدالعزيز
al_dubaib@hotmail.com
للأتصال معاي تلفوني السعودي
00966504900433

الله يعينك أخوي عزوز

بصراحة وضعك مزري وخوفتنا من الوضع أنا جايكم الشهر الجاي بس يمكن في سيلانور في أي أل أس وبعدها في ملاكا,
لكن عندي لك أقتراح : ليش ماتسكن في فندق ألى أن تلقى سكن أفضل, وألا يمكنك أن تشوف أحد مكاتب السياحة مثل المهاجر وأكيد يضبطونك.


شد حيلك أخوي وترا بالبداية لازم الواحد يتبهدل

الله يعينك ياأخي, وماأدري ايش صار معك

بس حبيت ارفع الموضوع

والله يوفقك ويصبرك

السلام عليكم ورحمة الله وبركاته ,,,,

الله يفك كربك , وييسر لك أمرك , ويرزقك على نياتك , وإن شاء الله نياتك طيبه ,,, :93:

اخي الفاضل ,,, أتمنا لك كل التوفيق والسداد وجميع اخواني المسلمين , ولكن الرأي السديد مثل ماقال أخونا , بأنك تأخذ فندق لمدة معينة , وتتحمل بعض المتاعب , وهذي هي الدنيا , لا تصفو لأحد , يبغالك تتعب , حتى تتلذذ بطعم النجاح فيما بعد ,,,,

والله يوفق الجميع لكل خير ,,,,


ولك كل الشكر والتقدير .

في مركز القبول قالوا انهم هذه المره حيساعدون الطلاب للحصول على سكن وانت وينك عن السفارة السعودية كلمهم واشرح لهم مشكلتك اكيد حيساعدونك الله يكون في عونك

السلام عليكم ياهلا اخوي ,,
والله اخوي مادري وش اقول لك ,,, لاني انا للحين مازرت سيبر جايا بس كلامك غريب
يمكن يدل على نفس المكان الي ساكن فيه ...؟ بالعكس اخوي لاتخوف الناس من ماليزيا هههه يعني يمكن مدينتك او نفس المنطقة الي انت فيها مو حلوة , حاول تغيرها ولو انك تسكن سكن بعيد شوي وبنفس الوقت قريب للجامعة ,,, انا زرت مناطق كثيرة وانا ساكن في سيلانجور سوبانج جايا و, بالعكس ولله جنة و فيه مجمعات سكنية مرة فخمة وانا ماخد لي شقة من مجمع سكني موقعه مرة استراتيجي والسكن راقي ومكيف كامل ومطبخ و3 حمامات وصالة وبلكونة مطله على الصنوي لوقن والبرميد وو يعني كل مكان فيه الزين ةوفيه الشين ومن ناحية المطاعم فيه مطاعم عربية ,, ومطاعم فخمة ,, ومطاعم هندية على مستوى ,, مثل الطبخ السعودي ,, وفيه مطاعم ماليزية ,,, وكلهم دليفري يعني انا احيانا باليومين ماطلع اشتري ,,, كل الاكل والشرب والدخان وو كله بالتلفون وتوصيل |,,, اخوي يمكن لانك توك جاي ومتغير عليك الوضع فماتشوف الا الي حواليك بس ,, اذكر ربك واستقر وحاول تضبط وضعك وتعرف على ناس وروح وتعال وضبط امورك اعرف ان ان جلست كذا بتتذمر لازم تروح وتخالط وتتعب وبعدين رح تستقر والله واذكر كلامي ,, انا صار لي 6 شهور تقريبا ,, اول شهر او اول اسبوعين يوم كنت بماليزيا ماكذب عليك كرهتها مرة وحسيت الشعب ستوبد ومارتحت مرة |,, بس هذا مجرد تغيير فقط ,, بعدين تتعود وتستقر وتضبط كل امورك وتدرس وكل شي رح تحبه اكثر من اول ,,, واي خدمات انا حاضر اخوي ,,, تحياتي لك

الله يكون في عونك ،، بس ماقلت وش صار عليك ،،
على فكرة إذا كنت تقدر تسكن في كوالا وتروح لسيبرجايا عن طريق القطار إذا كان الجدول يسمح لك فهي احسن من السكن في سيبرجايا ،
وموفق إن شاء الله ،،

هههههههههههههههه شباب وبنات ياجماعه صحيح لا تخافون بس انا طنشت الموضوع وابشركم اني سكنت الحمدلله من فتره
السموحه من الجميع

تحيه لكم

منظر للشقه من موقف الباصات اللي جنب الجامعه :86: :115:

http://www.mbt3th.us/vb/imgcache/370.imgcache
http://www.mbt3th.us/vb/imgcache/371.imgcache

بالتوفيق إن شاء الله ,,,,

وبالنسبة للأستاذ الفاضل UNKNOWN , على عيني وعلى راسي يااستاذنا الفاضل , وأنا آسف إذا كنت طلعت عن إطار الموضوع , ولكن بصراحة لأنني كنت متحمس وكان لدي موضوع ولم يفيدني أحد بهذا الخصوص ,,,,

وللجميع أظيب التحايا