صيدلي طموح ارجوا المساعده قبل...

السلام عليكم ورحمة الله وبركاته


انا معاي دبلوم صيدلة درست الصيدلة باحد المعاهد بالرياض ( معهد اهلي) .

فترة انتهاء تسليم طلبات الابتعاث بتاريخ 15/ 6 / 1431هـ طبعا هذا ابتعاث وزارة الصحة ...



نداء لشباب ماليزيا حاولت اكثر من مليون مرة اسوي ابليكيشن بالموقع حق الجامعه الاسلامية بماليزيا وعبيت البيانات لكن الفقرة قبل الاخيرة يجيني خطأ حاولت كثير بدون فايدة . وش الحل؟؟
ياخوان مساعدتكم لي شي لايمكن انساه لكم وللمنتدى ابي قبول من الجامعه بكالريوس صيدلة .... ابي قبول أأأأووو دلوني لكن ابي تفااااصيييل.. واذا كان قصدكم مراسله ابي منكم تشرحون لي :
الاوراق المطلوبة + الرسوم وكيف اعطيهم رسومهم وانا بالسعودية + والمدة..

المديرية عندنا رافضين يعطوني لو ورقة عن الضمان المالي الحكومي لذلك احترت مدري وش السالفه وكيف اجيب قبول بدون ضمان مالي؟؟؟؟....
طبعا انا ابي قبول مبدئي فقط عشان اقدم فيه اوراقي للمديرية والوزارة لانهم مشترطين علي ماتمشي اوراقي الا فيهم ,,,,



كلي امل انكم بتردون قبل لايفوتني الفوت وتطير الطيور بارزاقها وعلى فكرة اذا فاتني الابتعاث حق وزارة الصحة ماراح الحق عليه الا 1433هـ بالنسبة لمنطقتي..

ارجوا المساعده ياخوان باقرب وقت ممكن

السلام عليكم الله يوفقك اخوي

بقولك فيه هنا واحد نكه student
يجيب قبولات من هناك وانا عن نفسي برسل له اوراقي هو بالمنتدى هنا دور عليه تلاقيه
والله يوفقك يارب

الله يجزااك خير ويوفقك ويوفقنا جميعااا ان شاء الله ابشوفه على الله يرد علي ..

امين الله يوفق الجميع
راح يرد عليك ان شاء الله وتتسهل امورك وامور الكل يارب ..

السلام عليكم

الصيدله متاح في جامعه العلوم والجامعه الاسلاميه كجامعات معترف فيها با السعوديه
لاكن اخي التخصص قبوله صعب اذا ماكانت اوراقك ممتازه مثل معدل ثانوي ودبلوم مرتفع با الاضافه لخبرات وتوفل ودورات با التخصص
انا ما رديت على رسالتك بسبب تخصصك المعقد نوعا ما

لاكن اسال مكان ابتعاثك عن هذه الجامعت اذا معترف فيها
imu وهي الجامعه الطبيه
usci وهي جامعه سيدايا

العديد من الطلاب الدوليين في الجامعتين وعترف بهما من وزارة التعليم الماليزيه

با النسبه لهاتين الجامعتين الامور بسيطه لاكن با النسبه للاسلاميه وجامعه العلوم الموضوع معقد تقريبا اذا ماكانت اوراقك ممتازه


با التوفيق

ياهلا فيك اخوي studnt منور,, مشكور على مرورك مع العلم اني حاولت ارسل لك على الخاص بس تفاجأت بكثرة الطلب عليك وقلت بنفسي مستحيييل يرد علي ..
بالنسبة لاختبار الانجليزي انا نجحت باختبار معهد الادارة وجبت المستوى الثالث 86% وبالنسبة للاعتماد سالت الاخوان قالوا لي اي جامعه تعتمدها وزارة التعليم العالي يمشي اعتمادها على وزارة الصحة..والجامعات بماليزيا موقفه حسب موقع وزارة التعليم ماعدا:
الجامعه الاسلامية
وجامعة مالايا فقط
اذا تسمح توضح الية مراسلتهم بالبريد والرسوم كيف ارسلها مع العلم اني ابي قبول مبدئي فقط عشان اقدم فيه وتمشي اوراقي لان ماعندي ضمان مالي و ماودي اثقل على اخواني المبتعثين واطلب من احد يجيب لي قبول وهو مشغول بدراسته..
أو تدلني على مكتب في الرياض مهما كانت القيمة اهم شي قبول مبدئي بوقت معقول الله لايهينك ويجزاك خييير